ကမ္ဘာ့အဆင့်မီ Steel Structure ဖြင့်ဆောက်လုပ်နေသော ကန်သာယာတာဝါ အဆင့်မြင့်စီမံကိန်း ၇ဝ ရာခိုင်နှုန်းဆောင်ရွက်ပြီးစီး
ကမ္ဘာ့အဆင့်မီ Steel Structure ဖြင့်ဆောက်လုပ်နေသော ကန်သာယာတာဝါ
အဆင့်မြင့်စီမံကိန်း ၇ဝ ရာခိုင်နှုန်းဆောင်ရွက်ပြီးစီး
ရန်ကုန်တိုင်းဒေသကြီးအတွင်း၌ မြို့ပြအင်္ဂါရပ်များ ဖွံ့ဖြိုးတိုးတက်လာပြီဖြစ်ရာ ယခု
အခါ ငလျင်ဒဏ်အပြည့်အဝခံနိုင်သည့် ကမ္ဘာ့အဆင့်မီ မြန်မာနိုင်ငံတွင် ပထမဦးဆုံး
Steel Structure ဖြင့် ဆောက်လုပ်နေသော ကန်သာယာတာဝါအဆင့်မြင့် စီမံကိန်း
(Kan Thar Yar ConsortiumTowers Project) ဆောင်ရွက်နေမှုမှာ ၇ဝ ရာခိုင်နှုန်း
ဆောင်ရွက်ပြီးစီးနေပြီဖြစ်သည်။
စင်ကာပူနိုင်ငံ၏ နည်းပညာဖြင့် အမေရိကန်ဒေါ်လာသန်း ၂ဝဝ ကုန်ကျခံတည်ဆောက်
နေသည့် ကန်သာယာတာဝါအဆင့်မြင့်စီမံကိန်း (Kan Thar Yar Consortium Towers
Project) အား ရန်ကုန်မြို့တော်စည်ပင်သာယာရေးကော်မတီနှင့်h Asia Myanmar
Consortium Development ကုမ္ပဏီလီမိတက်တို့မှ အကျိုးတူပူးပေါင်းဆောင်ရွက်
တည်ဆောက်နေခြင်းဖြစ်ပြီး အဆိုပါ ကန်သာယာတာဝါအဆင့်မြင့်စီမံကိန်းတည်နေရာမှာ
မင်္ဂလာတောင်ညွန့်မြို့နယ်ရှိ ကန်ရိပ်သာလမ်းနှင့် ဦးအောင်မြတ်လမ်းထောင့် (သိမ်ဖြူယာဉ်
မောင်းသင်တန်းကျောင်းနေရာ) တွင်တည်ရှိကာ မြေဧရိယာအကျယ်အဝန်း ၃ ဒသမ ၅၂
ဧကပေါ်တွင် တည်ဆောက်လျက်ရှိသည်။ စီမံကိန်းဧရိယာအတွင်း အဆောက်အအုံ
လေးလုံးဖြစ်သော အထပ်ပေါင်း ၂၅ ထပ်ပါဝင်မည့် ယူနစ်ပေါင်း ၁၃၂ ယူနစ်ရှိ RESIDENTIAL
TOWER(LIFT ခြောက်စင်း)၊အထပ်ပေါင်း ၂၂ ထပ်ရှိOFFICE TOWER (LIFT ခြောက်စင်း)၊
အထပ်ပေါင်း ၂၂ ထပ်ရှိFIVE STAR HOTEL (LIFT လေးစင်း) နှင့် အထပ်ပေါင်း ၂၃ ထပ်ရှိ
အခန်းပေါင်း ၁၇၁ ခန်းပါဝင်မည့် SERVICED APARTMENT (၂၁၈ဝ၁၂ စတုရန်းပေ)
(LIFTခြောက်စင်း) တို့ ပါဝင်ဆောက်လုပ်မည်ဖြစ်ပြီး အရေးပေါ်မီးသတ်စနစ်အတွက်
ဓာတ်လှေကားများ ထည့်သွင်းဆောက်လုပ်မည်ဖြစ်ကာSteel Structure ဖြင့် ဆောက်လုပ်ထား
မှုကြောင့် နှစ်ပေါင်း ၁၂၂ နှစ်သက်တမ်းခံ ကြံ့ခိုင်နိုင်မှုရှိကြောင်း သိရသည်။
ကန်သာယာတာဝါအဆင့်မြင့်စီမံကိန်း၏ စီမံမှုဒါရိုက်တာ ဦးခင်မောင်ဖြူက ''နိုင်ငံတကာက
လာရောက်ရင်းနှီးမြှုပ်နှံမယ့် အဆင့်မီရုံးခန်းများပါဝင်ပြီး နိုင်ငံတကာအဆင့်မီ5A အဆင့်ရှိ
ဟိုတယ်အတွင်းမှာလည်း အဆင့်မြင့် တည်းခိုနိုင်မယ့် ဧရိယာများပါဝင်မှာဖြစ်ပါတယ်။
ဟိုတယ်တည်းခိုတာကုန်ကျမှုများတယ်ထင်ရင်လဲ လနဲ့ချီပြီးနေထိုင်လို့ရတဲ့ SERVICED
APARTMENT တစ်ခုကိုထည့်သွင်းဆောင်ရွက်ထားပါတယ်။ ပြီးတော့ တကယ့်ကိုလုံခြုံမှုပြည့်ဝ
စွာနေထိုင်နိုင်မယ့် နိုင်ငံတကာအဆင့်မီ OFFICE TOWER တစ်ခုပါ ပါဝင်ပါတယ်။ နောက်ပြီး
ဒီအိမ်ရာကြီးတစ်ခုလုံးကို ဖြည့်ဆည်းပေးနိုင်မယ့် ရှော့ပင်းစင်တာ နှစ်ခုကိုလည်း ဟိုတယ်
အောက်ထပ်မှာ ထားရှိပေးသွားမှာပါ။ အဓိကတော့ ပတ်ဝန်းကျင်အနီးအနားနဲ့ ရပ်နီးရပ်ဝေးက
ပြည်သူ ၁၅ဝဝ အတွက် အလုပ်အကိုင်အခွင့်အလမ်းရရှိတော့မှာပါ။ ကျွန်တော်တို့အနေနဲ့ 
အမျိုးသားစိတ်ဓာတ်နဲ့  ဆောက်လုပ်ခဲ့တာဆိုတော့  ဒီကန်သာယာတာဝါအဆင့်မြင့်စီမံကိန်း
ဆောင်ရွက်ပြီးစီးပြီဆိုရင်လည်း ကျွန်တော်တို့နိုင်ငံအတွက် အမှတ်တရဖြစ်စေမယ့်၊ နောင်လာ
နောက်သားတွေလည်း ခေါ်တွင်လို့လွယ်ကူမယ့် ပြီးပြည့်စုံတဲ့နာမည်တစ်ခုကိုရွေးချယ်ပြီး
အမှတ်တရနာမည်တစ်ခုအဖြစ် သီးသန့်သတ်မှတ်ထားရှိတော့မှာပါ'' ဟု ရှင်းပြသည်။
Asia Myanmar Shinning Star Investment ကုမ္ပဏီလီမိတက်မှGeneral Manager Peng
Jincheng က ''နိုင်ငံခြားနည်းပညာရပ်များကိုအသုံးပြု ပြီး ဒီစီမံကိန်းကို အချိန်မီပြီးစီးဖို့
ဆောင်ရွက်နေပါတယ်။ ဒီစီမံကိန်းထဲမှာ ပြည်တွင်း၊ ပြည်ပ ပညာရှင်များ စုပေါင်းပါဝင်ပါတယ်။
ကျွန်တော်တို့အနေနဲ့Steel Structure စနစ်ဖြင့် ဆောက်လုပ်နေတာကြောင့် တရုတ်ပြည်
ရှန်ဟိုင်းမြို့အနီးတစ်ဝိုက်မှာရှိတဲ့Anhui မြို့  စက်ရုံမှာပဲ လိုအပ်တဲ့Steel Structure ဆိုက်တွေကို
ကြိုတင်ထုတ်လုပ်ထားပြီးအခုဆိုရင် ၁၂ လွှာအတွက်ထိကို ကြိုတင်ထုတ်လုပ်ထားပြီးပါပြီ။
ဒီစီမံကိန်းဆောင်ရွက်ဖို့အတွက် ဒီဇိုင်းပုံစံဆွဲထားတာကလည်း ငလျင်ဒဏ်ခံနိုင်မယ့်ဒီဇိုင်းပုံစံကို
ရေးဆွဲထားတာဖြစ်ပြီး ငလျင်ဒဏ်ထက်ပိုကြီးမားတဲ့ သဘာဝဘေးအန္တရာယ်များဖြစ်ပေါ်ခဲ့ရင်လည်း
Steel Structure စနစ်နဲ့ဆောက်လုပ်ထားတာဆိုတော့ ပိုမိုခံနိုင်ရည်ရှိပါတယ်။
နိုင်ငံတကာမှာလည်း အဆောက်အအုံများဆောက်လုပ်တဲ့အခါမှာ မီတာ ၁ဝဝ အမြင့်ကျော်ပြီ
ဆိုရင် RC စနစ်နဲ့မသင့်တော်တဲ့အတွက်Steel Structure စနစ်ကိုသာ အသုံးပြုဆောက်လုပ်ကြ
တာပါ'' ဟုSteel Structure ဖြင့် ဆောက်လုပ်နေခြင်းနှင့်စပ်လျဉ်း၍ ရှင်းပြခဲ့သည်။
လက်ရှိအနေအထားအရ အထပ်ပေါင်း ၂၅ ထပ်ပါဝင်မည့် ယူနစ်ပေါင်း ၁၃၂ ယူနစ်ရှိ RESIDENTIAL
TOWER (LIFT ခြောက်စင်း) အား အချောထည်လုပ်ငန်းများ စတင်ဆောင်ရွက်နေပြီဖြစ်ပြီး
အထပ်ပေါင်း ၂၂ ထပ်ပါဝင်ဆောက်လုပ်မည့် Phase 2 အပိုင်းဖြစ်သော OFFICE TOWER
(LIFT ခြောက်စင်း) မှာလည်း အကြမ်းထည်လုပ်ငန်းများ အောင်မြင်စွာဆောက်လုပ်ပြီးစီးခဲ့ပြီဖြစ်ကာ
၂ဝ၁၇ ခုနှစ် မေလ၌ အပြီးသတ်ဆောင်ရွက်မည်ဖြစ်ကြောင်း၊ Steel Structure ဖြင့် ဆောက်လုပ်
နေသည့် အထပ်ပေါင်း ၂၂ ထပ်ရှိ FIVE STAR HOTEL (LIFT လေးစင်း) နှင့် အထပ်ပေါင်း ၂၃
ထပ်ရှိ အခန်းပေါင်း ၁၇၁ ခန်းပါဝင်မည့်SERVICED APARTMENT (၂၁၈ဝ၁၂ စတုရန်းပေ)(LIFT
ခြောက်စင်း) ကိုလည်း ၂ဝ၁၇ ခုနှစ် စက်တင်ဘာလကုန်ပိုင်း၌ အပြီးသတ်ဆောင်ရွက်မည်ဖြစ်ပြီး
၂ဝ၁၇ ခုနှစ် ဒီဇင်ဘာလ၌ လုပ်ငန်းများစတင်လည်ပတ်မည်ဖြစ်ကြောင်း သိရသည်။၂ဝ၁၇ ခုနှစ်
ဒီဇင်ဘာလကုန်ပိုင်း၌ တည်ဆောက်ပြီးစီးမည့် ကန်သာယာတာဝါအဆင့်မြင့် အဆောက်အအုံများ
ပေါ်ထွက်လာပါက နိုင်ငံတကာမှ စီးပွားရေးရင်းနှီးမြှုပ်နှံလိုသူများအတွက် လမ်းပန်းဆက်သွယ်ရေး
နှင့် စီးပွားရေးလုပ်ဆောင်ရန် အဓိကအချက်အချာကျမည့် နေရာဖြစ်လာမည်ဖြစ်ပြီး နိုင်ငံတကာ
အဆင့်မီ စူပါမားကတ်များ၊ ကျန်းမာရေးစင်တာများ၊ ရေကူးကန်များ၊ ကလေးကစားကွင်းများနှင့်
ဆိတ်ငြိမ်အေးချမ်းသာယာသော ကန်တော်ကြီးရှုမျှော်ခင်းကို မြင်တွေ့နိုင်ကြမည်ဖြစ်ကာ
တန်ခိုးကြီးသော လေးဆူဓာတ်ပုံရွှေတိဂုံဘုရားအား နေ့စဉ်ဖူးတွေ့နိုင်မည်ဖြစ်ကြောင်း သိရသည်။
Source: Webportal Myanmar