၂၀၁၈-၂၀၁၉ ဘဏ္ဍာနှစ်တွင် ဂျပန်အပြည်ပြည်ဆိုင်ရာပူးပေါင်းဆောင်ရွက်ရေးအေဂျင်စီ ( JICA ) မှရယူသော တရားဝင်ဖွံ့ဖြိုးမှုအကူအညီ (ODA) ချေးငွေဖြင့် ပြည်တွင်း SME လုပ်ငန်းများကို ဂျပန်ယမ်း ၁၁ ဒသမ ၆ ဘီလျံနှင့် ညီမျှသော (ကျပ် ၁၅၁ ဒသမ ၆၈၅ ဘီလျံ)ခန့်ကိုချေးငွေထုတ်ချေးပေးသွား မည်ဖြစ်ကြောင်း မြန်မာ့စီးပွားရေးဘဏ်မှ သိရသည်။
ယခုနှစ် စက်တင်ဘာလအတွင်း၌လည်း ချေးငွေ ဂျပန်ယမ်း၃ဘီလျံနှင့် ညီမျှသော ကျပ် ၃၆ ဘီလျံခန့်ကို ပြည်တွင်းဘဏ်များဖြစ်သည့် အသေးစားအလတ်စားစက်မှုလုပ်ငန်းများဖွံ့ဖြိုးရေး ဘဏ် (SMIDB)၊ မြန်မာ့ရှေ့ဆောင်ဘဏ်၊ မြန်မာနိုင်ငံသားများဘဏ်၊ ကမ္ဘောဇဘဏ်၊ သမဝါယမဘဏ်၊ ဧရာဝတီ ဘဏ်တို့မှ တစ်ဆင့် နေပြည်တော်ကောင်စီအပါအဝင် တိုင်းနှင့်ပြည်နယ်အသီးသီးရှိ အသေးစားနှင့် အလတ်စား စီးပွားရေး လုပ်ငန်းများသို့ ထုတ်ချေးပေးသွားမည်ဖြစ်ကြောင်း မြန်မာ့စီးပွားရေးဘဏ်မှ စက်တင်ဘာ ၅ရက်နေ့တွင် ကြေညာခဲ့သည်။
" ဘယ်ဒေသကိုဦးစားပေး ချေးပေးမယ်ဆိုပြီး မသတ်မှတ်ထားဘူး။ ဘောင်ဝင်တဲ့ SME တွေကို ချေးမှာပါပဲ " ဟု စက်မှုကြီးကြပ်ရေးနှင့် စစ်ဆေးရေးဌာန ညွှန်ကြားရေးမှူးချုပ် ဒေါ်အေးအေးဝင်းက ဆိုသည်။ အဆိုပါချေးငွေကို ၂၀၁၅ ခုနှစ် SME လုပ်ငန်းများ ဖွံ့ဖြိုးတိုးတက်ရေး ဥပဒေတွင် ပါရှိသည့် SME သတ်မှတ်ချက်နှင့်ကိုက်ညီသော ကုန်ထုတ်လုပ်မှု လုပ်ငန်း၊ လုပ်သားအခြေပြုလုပ်ငန်း၊ လက်လီရောင်းဝယ်ရေး လုပ်ငန်း၊လက္ကားရောင်းဝယ်ရေးလုပ်ငန်း၊ ဝန်ဆောင်မှုလုပ်ငန်းနှင့် အခြားလုပ်ငန်းများ လျှောက်ထား နိုင်မည်ဖြစ် သည်။
JICA နှစ်ဆင့်ခံ ချေးငွေစီမံကိန်းတွင် ချေးငွေလျှောက်ထားရန် အကျုံးမဝင်သည့်လုပ်ငန်းများမှာ အိမ်ခြံမြေ အကျိုးဆောင်လုပ်ငန်းများ၊ ဘဏ္ဍာရေးနှင့်အာမခံလုပ်ငန်းများ၊ အဖိုးတန်သတ္တုရောင်းဝယ်ရေးလုပ်ငန်းများ၊ အရက်ဆိုင်များနှင့်ပျော်ပွဲစားရုံလုပ်ငန်း၊ဖြေဖျော်မှု၊ တင်ဆက်မှုလုပ်ငန်းများ လက်နက်၊ ခဲယမ်း ထုတ်လုပ်ရောင်းဝယ်ရေးလုပ်ငန်းများဖြစ်ပြီး၊ မြန်မာ့လယ်ယာဖွံ့ဖြိုးရေးဘဏ်မှ ချေးငွေရယူရန် အရည်အသွေး ပြည့်မီမှု ရှိသော လယ်သမားများအား ချေးငွေထုတ်ချေးပေးမည်မဟုတ်ကြောင်း သိရသည်။
SME လုပ်ငန်းတစ်ခုသို့ ထုတ်ချေးပေးမည့် ငွေပမာဏကို အများဆုံး ငွေကျပ် သန်း၅၀ဝ သတ်မှတ်ထားပြီး၊ ချေးငွေအတိုးနှုန်းကို တစ်နှစ်လျှင် ၈ ဒသမ ၅ရာခိုင်နှုန်း သတ်မှတ်ထားကာ ချေးငွေ သက်တမ်းမှာ ၃နှစ်အထက်မှ ၅နှစ်အထိဖြစ်သည်။ မြန်မာ့စီးပွားရေးဘဏ်မှ SME လုပ်ငန်းများအား ဘဏ္ဍာငွေ ပံ့ပိုးကူညီရန် JICA မှတရားဝင် ဖွံ့ဖြိုးမှုအကူအညီချေးငွေ (ODA)ရယူ၍SME) နှစ်ဆင့်ခံချေးငွေစီမံကိန်း ပထမအဆင့်ကို ၂၀၁၅ခုနှစ် တွင်စတင်ဆောင်ရွက်ခဲ့ခြင်းဖြစ်သည်။
အဆိုပါ ပထမအဆင့်ထုတ်ချေးငွေများအနက်မှ ပြန်လည်ပေးဆပ်လာသည့် အရင်းငွေများအား လှည့်ပတ်ရန်ပုံ ငွေစာရင်းတွင်ထားရှိ၍ ပြည်လည်ထုတ်ချေးပေးလျက်ရှိကြောင်း သိရသည်။ ပထမအဆင့်တွင် လုပ်ငန်းရှင် ၃၀ဝကျော် ကို ချေးငွေ ကျပ် ၆၇ဘီလျံခန့်ချေးငွေ ထုတ်ပေးခဲ့သည်ဟု ဒေါ်အေးအေးဝင်းက ဆိုသည်။ JICA SME Two- Step Loan စီမံကိန်း ဒုတိယအဆင့်တွင် ချေးငွေ ဂျပန်ယန်း ၁၄၉၄၉သန်း ချေးယူရန် ယခုနှစ် ဖေဖော်ဝါရီ ၂၂ရက်နေ့က ကျင်းပသည့် ဒုတိယအကြိမ် ပြည်ထောင်စုလွှတ်တော် သတ္တမပုံမှန် အစည်းအဝေးတွင် အတည်ပြုခဲ့ပြီး ချေးငွေစာချုပ်အား မတ်၂၉ရက်တွင် ချုပ်ဆိုခဲ့ခြင်းဖြစ်သည်။
Source: The Myanmar Times
Property.com.mm သည် မြန်မာနိုင်ငံ၏ အကောင်းဆုံးသော အိမ်ခြံမြေ ဝဘ်ဆိုက်တစ်ခုဖြစ်၍ နေ့စဉ် update ဖြစ်သော သတင်းများကို ဖော်ပြပေးလျှက်ရှိပါသည်။