လယ်ယာမြေကို ခွင့်ပြုမိန့်မရဘဲ အခြားနည်းအသုံးပြုပါက အရေးယူမည်
သီးနှံစိုက်ပျိုးရန်သာ ခွင့်ပြုထားသော လယ်ယာမြေများကို ခွင့်ပြုမိန့်ရယူခြင်းမရှိဘဲ အခြားနည်း
အသုံးပြုပါက လယ်ယာမြေဥပဒေအရ အရေးယူသွားမည်ဖြစ်ကြောင်း စိုက်ပျိုးရေး၊ မွေးမြူရေးနှင့်
ဆည်မြောင်းဝန်ကြီးဌာနမှ ဒုတိယဝန်ကြီး ဒေါက်တာထွန်းဝင်းက ပြောကြားသည်။
ပဲခူးတိုင်းဒေသကြီး၊ ဝေါမြို့နယ်မှပြည်သူ့လွှတ်တော်ကိုယ်စားလှယ် ဦးတင်ထွေး၏ လယ်ယာ
မြေများအတွင်း အခြားနည်းအသုံးပြုနေခြင်းနှင့်ပတ်သက်သည့် မေးမြန်းချက်ကိုဖြေကြားရာတွင်
ဒုတိယဝန်ကြီးက အထက်ပါအတိုင်း ပြောကြားခဲ့ခြင်းဖြစ်သည်။ ၂ဝ၁၂ ခုနှစ်က ပြဋ္ဌာန်းခဲ့သော
လယ်ယာမြေဥပဒေတွင် လယ်ယာမြေကို အခြားနည်းဖြင့် အသွင်ပြောင်းအသုံးပြုလိုပါက
လယ်ယာမြေစီမံခန့်ခွဲမှုကော်မတီအဆင့်ဆင့်ကိုတင်ပြပြီး ခွင့်ပြုမိန့်ရယူရန် လိုအပ်မည်ဖြစ်ပြီး
ထိုကဲ့သို့ ခွင့်ပြုမိန့်ရယူခြင်းမရှိဘဲ ကျူးလွန်ပါက အရေးယူသွားမည်ဖြစ်ကြောင်း
ဒေါက်တာထွန်းဝင်းက ပြောကြားခဲ့သည်။
လယ်ယာမြေဥပဒေ၊ ပုဒ်မ ၁၉ အရလယ်ယာမြေကို ခွင့်ပြုမိန့်မရရှိဘဲ အခြားနည်း သုံးစွဲခွင့်
မပြုရဟု ပြဋ္ဌာန်းထားသောကြောင့် လယ်ယာမြေကို စိုက်ပျိုးခြင်းမပြုဘဲ ကျောက်တိုင်များစိုက်ကာ
ခြံစည်းရိုးကာရံခြင်း၊ ကြိုတင်မြေဖို့၍ အဆောက်အအုံဆောက်လုပ်ထားခြင်းများအတွက်
သတ်မှတ်သည့်ဒဏ်ကြေး ပေးဆောင်စေခြင်း၊ လယ်ယာမြေပေါ်မှ နှင်ထုတ်ခြင်း၊ ခွင့်ပြုချက်မရှိဘဲ
ဆောက်ထားသော အဆောက်အအုံများကို ဖယ်ရှားခြင်းများပြုလုပ်နိုင်ကြောင်း ဒုတိယဝန်ကြီးက
ပြောကြားခဲ့သည်။
လွှတ်တော်ကိုယ်စားလှယ်ကလည်း လက်ရှိတွင် ဝေါမြို့နယ်အပါအဝင် တိုင်းဒေသကြီးနှင့်
ပြည်နယ်များအတွင်း ရထားလမ်း၊ ကားလမ်းဘေးများရှိ လယ်ယာမြေများကို ငွေကြေး
ချမ်းသာသူများက ဝယ်ယူပြီး သီးနှံစိုက်ပျိုးခြင်းမပြုဘဲ ခြံစည်းရိုးများကာရံခြင်း၊ မြေဖို့ခြင်း၊
ကန်တူးခြင်းများကို ခွင့်ပြုချက်မရယူဘဲ လုပ်ဆောင်နေကြကြောင်းပြောကြားသည်။ ထိုကဲ့သို့
လုပ်ဆောင်ခြင်းကြောင်း စိုက်ပျိုးရေးကဏ္ဍကိုလည်း များစွာ ထိခိုက်မှုရှိနေကြောင်း လွှတ်တော်
ကိုယ်စားလှယ်က ဆိုသည်။
ပြည်သူ့လွှတ်တော်ကိုယ်စားလှယ် ဦးတင်ထွေး၏ ဝေါမြို့နယ်တွင် လယ်ယာမြေကိုအခြားနည်း
အသုံးပြုသည့် အမှုတွဲပေါင်း ၄၂တွဲရှိနေကြောင်း ဒုတိယဝန်ကြီးက ပြောသည်။ သို့သော်လည်း
ပြီးခဲ့သည့်အစိုးရလက်ထက် နောက်ဆုံးကာလအတွင်း အမှုတွဲသုံးခုကို ခွင့်ပြုမိန့်ထုတ်ပေးခဲ့သည်ဟု
ဆိုသည်။
အဆိုပါအမှုတွဲသုံးခုသည် ၂၂ ဧကခန့်ကျယ်ဝန်းသော လယ်မြေကို စက်မှုလုပ်ငန်းသုံးအဆောက်
အအုံအဖြစ် အသုံးပြုရန် ဗဟိုလယ်ယာမြေစီမံခန့်ခွဲမှုအဖွဲ့က ၂ဝ၁၅ ခုနှစ်၊ စက်တင်ဘာ ၂၉ ရက်တွင်
လည်းကောင်း၊ လယ်မြေ ဝ ဒသမ ၇၁ ဧကတစ်နေရာနှင့်လယ်မြေ နှစ်ဧကခွဲနေရာတစ်ခုတို့ကို
စက်သုံးဆီအရောင်းဆိုင်အဖြစ် ဖွင့်လှစ်ရန် ၂ဝ၁၆ခုနှစ်၊ မတ် ၂၈ ရက်တွင် ခွင့်ပြုမိန့်ထုတ်ပေးခဲ့ခြင်း
ဖြစ်သည်။
အဆိုပါမြို့နယ်အတွင်း အထက်ပါအမှုတွဲသုံးခုကိုသာ ခွင့်ပြုမိန့်ထုတ်ပေးထားပြီး ကျန်သည့်အမှုတွဲများ
အနက် အခြားနည်းအသုံးပြုရန်လျှောက်ထားဆဲအမှုတွဲပေါင်း ၂၃ တွဲ ကျန်ရှိနေသည်။ သို့သော်လည်း
လယ်ယာမြေအတွင်း ကျောက်တိုင်စိုက်ခြံစည်းရိုးကာရံထားခြင်း၊ မြေများဖို့ထားခြင်း၊
ကန်တူးထားခြင်းများပြုလုပ်ထားသည့် အမှုတွဲ ၁၆ ခုကိုမူ ပြီးခဲ့သည့်နှစ် မေလကတည်းက
တားမြစ်ထားခဲ့ကြောင်း ဒုတိယဝန်ကြီးကပြောကြားသည်။
အဆိုပါအမှုတွဲ မြေနေရာများ၌ စားသောက်ဆိုင်၊ ပစ္စည်းသိုလှောင်ရုံ၊ စက်သုံးဆီအရောင်းဆိုင်၊
လယ်ယာသုံးပစ္စည်းအရောင်းဆိုင်၊ မွေးမြူရေးခြံနှင့် ဈေးဆိုင်တို့ ဖွင့်လှစ်လုပ်ကိုင်ရန်
ဆောင်ရွက်ထားခြင်းဖြစ်သည်ဟု ဒေါက်တာထွန်းဝင်းက ပြောသည်။
အထက်ပါ ခွင့်ပြုမိန့်မရရှိဘဲ လယ်ယာမြေပေါ်အခြားနည်းအသုံးပြုနေသူများကို ပုဒ်မ ၁၉ အရ
အရေးယူသွားမည်ဖြစ်ပြီး လိုက်နာဆောင်ရွက်ခြင်းမရှိပါက တရားစွဲဆိုခြင်းများပါဝင်သော
ပုဒ်မများအရ ဆက်လက်အရေးယူသွားမည်ဟု ဆိုသည်။
ပြီးခဲ့သည့်အစိုးရလက်ထက်တွင် စိုက်ပျိုးရေးလုပ်ငန်းအတွက်သာ ခွင့်ပြုထားသော လယ်ယာမြေများကို
အခြားနည်းအသုံးပြုခြင်းမှ ကာကွယ်တားဆီးနိုင်ရန်အတွက် ၂ဝ၁၂ ခုနှစ်တွင် လယ်ယာမြေဥပဒေကို
ပြဋ္ဌာန်းခဲ့သော်လည်း လက်တွေ့ဆောင်ရွက်နိုင်မှုအားနည်းခဲ့ကြောင်း ဝေဖန်မှုများလည်း ရှိခဲ့သည်။
''ဒီဥပဒေအတိုင်မီကမှ တော်သေးတယ်။ ဥပဒေလည်း ပြဋ္ဌာန်းလိုက်ရော လမ်းဘေးတွေမှာ
စည်းရိုးတွေ အခိုင်အမာကာရံတာ၊ အဆောက်အအုံတွေ အခိုင်အမာဆောက်တာတွေ ပိုတွေ့လာရတယ်။
ဥပဒေအရ စီမံခန့်ခွဲမှုကော်မတီတွေ၊ အဖွဲ့တွေ ဖွဲ့တယ်ဆိုပေမဲ့လည်း တစ်ဦးတစ်ယောက်ကို
အာဏာပေးအပ်လိုက်တော့ ပိုဆိုးသွားတယ်လို့ပဲမြင်တယ်''ဟု နေပြည်တော်အခြေစိုက်ဆန်စက်
လုပ်ငန်းရှင် ကိုနေစိုးက ပြောကြားသည်။
Source:Myanmar Time