စက်မှုဇုန်သစ်များ တည်ထောင်မည်ဆိုသော်လည်း လည်ပတ်ဆဲ စက်မှုဇုန်များပင်အခက်အခဲရှိနေသည်ဟု ဆို
မြန်မာနိုင်ငံ ရင်းနှီးမြှုပ်နှံမှုကော်မရှင်က တစ်နိုင်ငံလုံး အတိုင်းအတာဖြင့် စက်မှုဇုန်သစ်
များ တိုးချဲ့တည်ဆောက်ရန် စီမံချက်ရေးဆွဲ ထားသော်လည်း လည်ပတ်နေဆဲ စက်မှုဇုန်
များသည်ပင် အစိုးရအဖွဲ့၏ အကူအညီမရ ခြင်းကြောင့် အခက်အခဲများနှင့် ရင်ဆိုင်နေရ
သည်ဟု စက်မှုဇုန်လုပ်ငန်းရှင်များက ပြောသည်။
"စက်မှုဇုန်သစ်တွေကို အကောင်အထည်ဖော်ဖို့ ဆောင်ရွက်နေကြပေမဲ့ စက်မှုဇုန် ဟောင်းတွေကို
အထောက်အပံ့ပေးဖို့တော့ မဆောင်ရွက်ကြသေးပါဘူး။ လက်ရှိ လည် ပတ်နေတဲ့
စက်မှုဇုန်ဟောင်းတွေမှာ အသေးစား စက်မှုလုပ်ငန်းတွေသာ များပြီး ကိုယ်ထူကိုယ်ထ
လုပ်ကိုင်နေရတာဖြစ်လို့ ဇုန်ကို လုပ် ငန်းရှင်တွေပေါင်းပြီး အဆင့်မြှင့်ဖို့လည်း လုံလောက်တဲ့ငွေကြေး
မရှိဘူး။ အခြေခံအဆောက်အအုံ မကောင်းတာတွေ၊ မီးမမှန် တာတွေများလို့ စက်အင်အားကိုသုံးပြီး
ထုတ်လုပ်ရတဲ့ ကုန်ထုတ်လုပ်ငန်းတွေ မရှိ သလောက်ရှားနေပြီ။ လူအင်အားကိုအသုံး ပြုပြီး လုပ်ရတဲ့
လုပ်ငန်းတွေပဲ များနေပါတယ်"ဟု တောင်ဒဂုံစက်မှုဇုန်ကြီးကြပ်ရေး ကော် မတီ ပြောရေးဆိုခွင့်ရှိသူ
ဦးကိုလေးက ပြောသည်။
လည်ပတ်ဆဲ စက်မှုဇုန်အဟောင်းများကိုသာ ကုန်ထုတ်လုပ်ငန်းများတွင် ထုတ်လုပ်မှု တိုးတက်ရန်
အထောက်အပံ့များ ပေးအပ်သင့်ပြီး၊ အကျယ်အ၀န်း ဧက ၇၅၀ ခန့်ရှိသော တောင်ဒဂုံစက်မှုဇုန်တွင်
လျှပ်စစ်မီး မမှန်ခြင်း နှင့် မီးအားမကောင်းခြင်း၊ ရေသန့်ရရှိရန် အခက်အခဲများ ရှိခြင်းကြောင့် စက်မှုကို
အခြေခံသောလုပ်ငန်းများ မရှိသလောက် ရှားပြီး လက်မှုလုပ်ငန်းများသာ များပြားနေသည်ဟုလည်း
၎င်းက ပြောသည်။
အသစ်ပြန်လည် ဖွဲ့စည်းထားသော မြန်မာ့ ရင်းနှီးမြှုပ်နှံမှုကော်မရှင်၏ ရှေ့လုပ်ငန်းစဉ် များတွင်
အလုပ်အကိုင် အခွင့်အလမ်း တိုးလာ ရေးနှင့် စီးပွားရေးတိုးတက်လာရေးအတွက် စက်မှုဇုန်သစ်များစွာကို
ထပ်မံ တည်ဆောက် မည့် ဆောင်ရွက်သွားရန် စီမံချက်ရေးဆွဲထား ရာ ရင်းနှီးမြှုပ်နှံသူများကို ဖိတ်ခေါ်မှု
သွားမည် ဟု ရင်းနှီးမြှုပ်နှံမှုနှင့် ကုမ္ပဏီညွှန်ကြားမှုဦးစီးဌာန ဒုတိယညွှန်ကြားရေးမှူး ဦးသန်းအောင်ကျော်က
ဩဂုတ် ၂၂ ရက်တွင် ပြောကြားခဲ့သည်။
"ဇုန်တည်ထောင်သူတွေကို ဖိတ်ခေါ်မယ်ဆိုတာက ပြည်တွင်းလုပ်ငန်းရှင်ဖြစ်ဖြစ်၊ ပြည်ပလုပ်ငန်းရှင်ဖြစ်ဖြစ်
ဥပဒေနဲ့အညီ ခွင့်ပြုသွားဖို့ ဖြစ်ပါတယ်။ ဇုန်ဟောင်းတွေကို ပြန်ပြီး လုပ်ဖို့အတွက်လည်း ရင်းနှီးမြှုပ်နှံ
သူတွေကို ဖိတ်ခေါ်သွားရမှာ ဖြစ်သလို ဇုန်သစ်တွေကိုလည်း အဲဒီလို ရင်းနှီးမြှုပ်နှံသူတွေ ဖိတ်ခေါ်ပြီး
လုပ်သွားရမှာပါ"ဟု ဦးသန်းအောင် ကျော်က ပြောသည်။ အစိုးရသစ်လက်ထက်တွင် စက်မှုဇုန်များ
တိုးချဲ့ တည်ဆောက်မည်ဆိုသော်လည်း လည် ပတ်ဆဲစက်မှုများကို ကူညီထောက်ပံ့ပေးရန်
ဆွေးနွေးညှိနှိုင်းခြင်းမျိုး မရှိသေးဟုလည်း မြောက်ဒဂုံစက်မှုဇုန် ကြီးကြပ်ရေးကော်မတီ ဥက္ကဋ္ဌ
ဦးကိုကြီးက ပြောသည်။ "ပြီးခဲ့တဲ့ စက်မှုဇုန်အစည်းအဝေးမှာ လှိုင်သာယာစက်မှုဇုန်ကို ရှေ့ပြေး
အစီအစဉ် အနေနဲ့ တိုးချဲ့ ဆောင်ရွက်မယ်လို့ ပြောပေမဲ့ လှိုင်သာယာစက်မှုဇုန်က ကျွန်တော်တို့
ဒဂုံစက်မှုဇုန်တွေနဲ့ မတူပါဘူး။ အစကတည်း က လှိုင်သာယာစက်မှုဇုန်မှာ ရင်းနှီးမြှုပ်နှံမှု ပမာဏများတဲ့
လုပ်ငန်းတွေ ရှိပြီးသားပါ။ အသေးစား စက်မှုလုပ်ငန်းတွေ ဖွံ့ဖြိုးတိုးတက်ဖို့ ဒဂုံစက်မှုဇုန်တွေလို
အသေးစားစက်မှုဇုန်တွေကို အခြေခံ လိုအပ်ချက်တွေ ထောက်ပံ့ဖို့ လိုပါတယ်"ဟု ၎င်းက ပြောသည်။
ရွှေပြည်သာစက်မှုဇုန်မှ လုပ်ငန်းရှင် ဦးမင်းသူမြင့်က "ရွှေပြည်သာစက်မှုဇုန်က ဧက ၁,၃၀၀ ကျော်
ကျယ်ဝန်းပေမဲ့ တကယ် လုပ်ငန်းလုပ်ကိုင်နေတဲ့ စက်ရုံတွေက တစ် ၀က်လောက်ပဲ ရှိမှာပါ။ ကျန်တဲ့မြေနေရာက
တစ်ချိန်မှာ စက်ရုံလုပ်ငန်းလုပ်မယ်ဆို မြေ ကွက်လပ် အတိုင်းထားထားသူတွေနဲ့ စက်မှု ဇုန်မြေကွက်ကို
ဂိုဒေါင်အဖြစ်သာ သုံးထားတဲ့သူတွေ များပါတယ်။ အစိုးရသစ်က လက်ရှိ လုပ်ငန်းလည်ပတ်နေတဲ့
အသေးစား စက်မှု ဇုန်တွေအတွက်လည်း သီလ၀ါ အထူးစီးပွား ရေးဇုန်မှာလို အစိုးရက
မြေဈေးထိန်းပေးတျာတွ၊ လမ်းပန်းဆက်သွယ်ရေးကောင်းမွန်အောင်လုပ်ပေးတာတွေ
လုပ်ပေးစေချင်ပါ တယ်"ဟု ပြောသည်။ မြန်မာနိုင်ငံ ရင်းနှီးမြှုပ်နှံမှုကော်မရှင်ကို ပြည်တွင်း
စီးပွားရေးနှင့် သက်ဆိုင်သော ၀န်ကြီးဌာန အသီးသီးမှ ပြည်ထောင်စုဝန်ကြီး များ၊ ရင်းနှီးမြှုပ်နှံမှုနှင့်
ကုမ္ပဏီမျာညွှန်ကြားမှု ဦးစီးဌာနမှ ညွှန်ကြားရေးမှူးချုပ်နှင့် ပုဂ္ဂလိက စီးပွားရေးလုပ်ငန်းရှင်များ
ကိုယ်စားပြု လုပ်ငန်းရှင်တစ်ဦးကို ပါဝင်ဖွဲ့စည်းထားသည်။
"စက်မှုဇုန်သစ်တွေ အကောင်အထည် ဖော်တယ်ဆိုတဲ့နေရာမှာ လိုအပ်တဲ့ အခြေခံ အဆောက်
အအုံတွေ အားလုံး ပါဝင်ပြီးဖြစ်တဲ့ ဇုန်သစ်တွေကို ကော်မရှင်က ဦးဆောင်ပြီး အကောင်အထည်ဖော်သွားမှာ
ဖြစ်ပါတယ်။ ရင်းနှီးမြှုပ်နှံသူတွေက အခြေခံ အဆောက် အအုံအတွက် ဘာမှ ကိုယ်ထူကိုယ်ထ
ဆောင်ရွက်ဖို့ မလိုအပ်မယ့် ပြည့်စုံပြီးသား ဇုန်သစ် တွေကို တိုးချဲ့ အကောင်ထည်ဖော် တည် ဆောင်သွားမှာ
ဖြစ်ပါတယ်"ဟု မြန်မာ့ရင်းနှီး မြှုပ်နှံမှုကော်မရှင် အတွင်းရေးမှူး
ဦးအောင်နိုင်ဦးက ဩဂုတ်လဆန်းပိုင်းတွင် ပြောသည်။
မြန်မာ-ဂျပန်သီလ၀ါ ဖွံ့ဖြိုးတိုးတက်ရေး ကုမ္ပဏီမှ အထွေထွေမန်နေဂျာ ဦးမြင့်ဇော်က
"မြန်မာ့ငွေကြေးတန်ဖိုး လျော့ကျခြင်းကို ကာကွယ်ဖို့ ကုန်သွယ်မှုလိုငွေ ပြတာကို လျှော့ချဖို့
လိုပါတယ်။ စီးပွားရေး ဖွံ့ဖြိုး တိုးတက်နှုန်း မြင့်တက်လျက်ရှိတဲ့ နိုင်ငံအနေ နဲ့ ထုတ်ကုန်ဦးစားပေး
လုပ်ငန်းတွေနဲ့ သွင်းကုန်အစားထိုး လုပ်ငန်းတွေကို ဖိတ်ခေါ်နိုင်မှ ကုန်သွယ်မှုလိုငွေကို
လျှော့ချနိုင်မှာ ဖြစ်ပါတယ်။ လာရောက် ရင်းနှီးမြှုပ်နှံဖို့ ဖိတ်ခေါ် နေပေမဲ့ အထူးစီးပွားရေးဇုန်ဖြစ်တဲ့
သီလ၀ါ စက်မှုဇုန်မှာတောင် လျှပ်စစ်မီးမပြတ်အောင် အခုချိန်ထိ အာမခံမပေးနိုင်သေးပါဘူး"ဟု
ပြောသည်။
စက်မှုဝန်ကြီးဌာန၏ ထုတ်ပြန်ထားချက် များအရ မြန်မာနိုင်ငံတွင် လည်ပတ်နေသည့် စက်မှုဇုန်
၁၉ ဇုန်နှင့် တည်ဆောက်ဆဲစက်မှု ဇုန်ခြောက်ခု ရှိသည်။
တည်ဆောက်ဆဲ စက်မှု ဇုန်များမှာ မန္တလေးတိုင်းဒေသကြီးတွင် ရတနာပုံ စက်မှုဇုန်နှင့် နေပြည်တော်
စက်မှု ဇုန်၊ ရခိုင်ပြည်နယ်တွင် ပုဏ္ဏားကျွန်းစက်မှုဇုန်၊ ကရင်ပြည်နယ်တွင် ဘုရားသုံးဆူ စက်မှုဇုန်နှင့်
မြ၀တီစက်မှုဇုန်၊ ရှမ်းပြည်နယ်တွင် နမ့်အွန်စက်မှုဇုန် တို့ဖြစ်သည်။ မြန်မာနိုင်ငံတွင် အထက်ပါ
စက်မှုဇုန်များ အပြင် ရန်ကုန်ရှိ သီလ၀ါ၊ တနင်္သာရီတိုင်းဒေသ ကြီးရှိ ထားဝယ်နှင့် ရခိုင်ပြည်နယ်
ကျောက်ဖြူ တို့တွင်လည်း အထူးစီးပွားရေးဇုန်စီမံကိန်း များကို ယခင်အစိုးရလက်ထက်ကတည်းက
စတင် အကောင်အထည်ဖော်ခဲ့သည်။
Source: Myanmar Times