ရန်ကုန် ဒလ မြစ်ကူးတံတားတည်ဆောက်ရေးလုပ်ငန်းများ ၂ဝ၁၇ တွင် စတင်နိုင်ရန် မျှော်မှန်း
တောင်ကိုရီးယားနိုင်ငံ၏ချေးငွေဖြင့် တည်ဆောက်မည့် ရန်ကုန်ဒလ မြစ်ကူးတံတားစီမံကိန်းကို
၂ဝ၁၇ ခုနှစ်အတွင်း တည်ဆောက်ရေးလုပ်ငန်းများ စတင်နိုင်ရန် မျှော်မှန်းထားပြီး ဆောက်လုပ်မည့်
ကုမ္ပဏီများကိုလည်း တင်ဒါစနစ်ဖြင့် အမြန်ဆုံးရွေးချယ်သွားနိုင်ရန် လုပ်ဆောင်လျက်ရှိကြောင်း
ဆောက်လုပ်ရေးဝန်ကြီးဌာနမှ အမြဲတမ်းအတွင်းဝန် ဦးကျော်လင်းက ပြောသည်။
''ဆောက်မယ့်ကုမ္ပဏီတွေကို တင်ဒါပေးနိုင်ဖို့အတွက် ဆောက်လုပ်ရေးဝန်ကြီးဌာနကနေ
အကြံပေးကုမ္ပဏီတစ်ခုကို ရွေးနေတယ်။ တစ်လအတွင်းမှာ ဘယ်အကြံပေးကုမ္ပဏီနဲ့လုပ်မလဲဆိုတာ
ကြေညာပေးသွားမယ်။ ကိုရီးယားချေးငွေနဲ့ ဆောက်မှာဖြစ်တဲ့အတွက် ကိုရီးယားကုမ္ပဏီကိုပဲ
ရွေးရမှာဖြစ်တယ်။ အကြံပေးကုမ္ပဏီ ရွေးပြီးတာနဲ့ တည်ဆောက်မယ့် ကိုရီးယားကုမ္ပဏီတွေကို
တင်ဒါခေါ်ပြီးရွေးပါ့မယ်။ တင်ဒါရွေးဖို့ကိစ္စကတော့ အချိန်နည်းနည်းတော့ ယူရမယ်။ အဲဒါကြောင့်
၂ဝ၁၇ အတွင်းမှာတော့ တည်ဆောက်ရေးလုပ်ငန်းတွေ စနိုင်မယ်လို့ မှန်းပါတယ်''ဟု ၄င်းက
ပြောသည်။
ရန်ကုန်ဒလ မြစ်ကူးတံတားစီမံကိန်းအတွက် တည်ဆောက်ရေးလုပ်ငန်းကုန်ကျစရိတ်
အမေရိကန်ဒေါ်လာ ၁၆၈ ဒသမ ၁၇၄ သန်းခန့် ကုန်ကျမည်ဖြစ်သည်။ အမေရိကန်ဒေါ်လာ
၁၃၇ ဒသမ ၈၃၃ သန်းကိုကိုရီးယားနိုင်ငံက ချေးမည်ဖြစ်ပြီး မြန်မာအစိုးရဘက်က
အမေရိကန်ဒေါ်လာ ၃ဝ ဒသမ၃၄ သန်းကို စိုက်ထုတ်ကျခံမည်ဖြစ်သည်။
၂ဝ၁၅ ခုနှစ် နိုဝင်ဘာလတွင် မြန်မာအစိုးရနှင့် ကိုရီးယားအစိုးရတို့အကြား ဒလတံတား
တည်ဆောက်ရေးအတွက် ချေးငွေရယူခြင်း သဘောတူစာချုပ်ကိုလက်မှတ်ရေးထိုးနိုင်ခဲ့ပြီး
တံတားတည်ဆောက်ရေးကို ငါးနှစ်အတွင်း အပြီးဆောက်လုပ်မည်ဟု မျှော်မှန်းထားသည့်အတွက်
လာမည့် ၂ဝ၂ဝ တွင် ပြီးစီးမည်ဟု ဆောက်လုပ်ရေးဝန်ကြီးဌာနမှ တာဝန်ရှိသူများက ပြောသည်။
တံတားဒီဇိုင်းရေးဆွဲခြင်းလုပ်ငန်းများအတွက် အချိန်တစ်နှစ်ခန့် ကြာမြင့်ခဲ့ပြီးလေးလမ်းသွား၊
သံမဏိကြိုးဆိုင်း အမျိုးအစား တံတား တည်ဆောက်မည်ဖြစ်ကာ တံတားအရှည်မှာ ၁,၉၃၆ ပေ
ရှည်လျားမည်ဖြစ်သည်။ တံတားခြေဆင်းသည် ရန်ကုန်ဘက်အခြမ်းတွင် ဘုန်းကြီးလမ်းမပေါ်
အထိရောက်ရှိမည်ဖြစ်ပြီး ဒလမြို့နယ်ဘက်အခြမ်းတွင် ဗိုလ်မင်းရောင်လမ်းအထိ
ရောက်ရှိမည်ဖြစ်သည်။
ရန်ကုန်မြစ်အတွင်း ဖြတ်သန်းသွားလာနေသည့် ပင်လယ်ကူး သင်္ဘောကြီးများ လွတ်လပ်စွာ
ဖြတ်သန်းသွားလာနိုင်စေရန်အတွက်ကိုလည်း သေချာတွက်ချက်ဆောက်လုပ်သွားမည်ဖြစ်ကြောင်းနှင့်
တံတားနှင့်ပတ်သက်သည့် အချက်အလက်များကိုလည်း ယခုနှစ် ဖေဖော်ဝါရီလအတွင်း ပြုလုပ်ခဲ့သည့်
တံတားစီမံကိန်းလုပ်ငန်းများ စတင်ခြင်းနှင့် ထောက်ပံ့ကြေးပေးအပ်ပွဲအခမ်းအနားတွင် ဆောက်လုပ်ရေး
ဝန်ကြီးဌာနက တရားဝင်သတင်းထုတ်ပြန်ခဲ့ပြီးဖြစ်ကြောင်း ၄င်းက ပြောသည်။
သို့သော် ရန်ကုန်တိုင်းဒေသကြီးအစိုးရအဖွဲ့ကမူ ရန်ကုန်ဒလတံတားစီမံကိန်းအကောင်အထည်ဖော်
လုပ်ဆောင်နေသည့် ဆောင်ရွက်ချက်များနှင့် ပတ်သက်ပြီး ဆက်သွယ်မေးမြန်းမှုအပေါ်
တရားဝင်အတည်ပြုပြောဆိုခြင်း မရှိပေ။
ရန်ကုန်ဒလမြစ်ကူးတံတားကို ၂ဝ၁၃ခုနှစ်ကပင် တည်ဆောက်ရန် စီစဉ်ခဲ့သော်လည်း
လာမည့်နှစ်တွင်သာ စတင်နိုင်တော့မည်ဖြစ်သည်။
Source: Myanmar Times