သန်လျင်တံတားသစ်ဆောက်ရန် အစိုးရထံမှ ခွင့်ပြုချက်ရပြီဖြစ်၍ ပြည်ထောင်စုလွှတ်တော်သို့ တင်ပြမည်
သန်လျင်တံတားအမှတ် (၁) ဘေးတွင် သန်လျင်တံတား သစ်တစ်စင်း ထပ်မံတည်ဆောက် ရန် အစိုးရအဖွဲ့ထံမှ သဘောတူညီမှု ရရှိပြီဖြစ်ကြောင်း ဆောက်လုပ်ရေး ၀န်ကြီးဌာနမှ သိရသည်။
ပြည်ထောင်စုအစိုးရအဖွဲ့က ခွင့်ပြုပြီးဖြစ်၍ သန်လျင်တံတား အမှတ်(၁)၏ နံဘေးပေ ၁၄၀ အကွာတွင် ဂျပန်နိုင်ငံ၏ အကူအညီဖြင့် တံတားအသစ်တစင်းဆောက်လုပ်ရန် ပြည်ထောင်စုလွှတ်တော်သို့ တင်ပြမည်ဟု ဆောက်လုပ်ရေးဝန်ကြီးဌာန တံတားဦးစီးဌာနမှ သိရသည်။
သန်လျင် တံတားသစ် အ တွက် တည်ဆောက်မည့် နည်း ပညာ၊ ငွေကြေးများကို ဂျပန်နိုင်ငံ နှင့် ညှိနှိုင်းဆွေးနွေးနေသည်ဟု ဆိုသည်။ လက်ရှိ သန်လျင်တံတားကို မြန်မာ့မီးရထားက စီမံကိုင်တွယ် နေပြီး တံတားကြေးကောက်ခံခြင်း ကို အောင်နိုင်သူကုမ္ပဏီက တင်ဒါ အောင်၍ ဆောင်ရွက်လျက်ရှိသည်။
နေ့စဉ် ယာဉ်အစီးရေမြောက် မြားစွာ ဖြတ်သန်းနေခြင်းကြောင့် ယာဉ်ကြောပိတ်ဆို့မှု ဖြေလျှော့ရန်ကုန်တင်ယာဉ်တွဲကားကြီးများ ဖြတ်သန်းသွားလာခြင်းကို ကန့်သတ်ခဲ့သည်။ သန်လျင်တံတား ချဉ်းကပ်လမ်းမှာ တစ်လမ်းသွားစနစ်ဖြစ်ပြီး တံတားပေါ်သို့ အပြိုင်တက်မည့် လမ်းကျဉ်းသဖြင့် ယာဉ်ကြော ပိတ်ဆို့ရခြင်းဖြစ်သည်ဟု မြန်မာ့မီးရထားမှ အငယ်တန်းအင်ဂျင်နီယာဦးသန်းဆွေက ပြောကြားသည်။
လက်ရှိ သန်လျင်တံတားပေါ် သို့ ၃၆ တန်အောက်ကားများကို သာ ဖြတ်သန်းခွင့်ပြုထားပြီး ကုန် တင်ယာဉ်ကြီးများ ဖြတ်သန်းခွင့်ပြုတော့မည်မဟုတ်၍ နောက်ပိုင်း တွင် တန် ၂၀ အောက် ကားများသာ မောင်းနှင်ခွင့်ရှိမည်ဖြစ်သည်။
ရန်ကုန်သန်လျင်တံတားကို ၁၉၈၆ က စတင်တည်ဆောက်ပြီး နိုင်ငံရေးအခြေအနေများကြောင့် ကြန့်ကြာခဲ့ကာ ၁၉၉၃ ၌ ပြီးစီးခဲ့ သည်။ တံတားမှာ ရထားလမ်း၊ ကားလမ်းနှစ်မျိုးသုံး အမျိုးအစားဖြစ်ပြီး မီတာ ၁,၈၀၀ ကျော် ရှည်လျားသည်။
Source: 7daydaily