ပုံစံပြောင်းရောင်းချလာတဲ့ အိမ်ခြံမြေဈေးကွက်
ကိုယ်တိုင်ရှာ ကိုယ်တိုင်ရောင်းသိန်း(၅၀၀)အောက်တိုက်ခန်းနဲ့မြေကွက်အများစုကိုတော့မြေရှင်အများစုကကိုယ်တိုင်အရောင်းတင်ပြီး ဈေးကွက်ရှာလာကြပါတယ် ။မြေကွက်အရောင်းဈေးကွက်မှာအရင်က ကျပ်သိန်း၁၀၀ အောက်မြေကွက်တွေအရောင်းမရှိပေမဲ့နောက်ပိုင်းမှာတော့သိန်း၁၀၀အောက်မြေကွက်တွေအပြင်သိန်း၅၀အောက်မြေကွက်တွေပါခွဲခြမ်းပြီးရောင်းလာကြပါတယ်။ဈေးကွက်တိုင်းလိုလိုကိုယ်တိုင်အရောင်းတင်ပြီးတစ်ခါနဲ့တစ်ခါမတူညီတဲ့ လျှော့ဈေးတွေနဲ့ရောင်းလာကြပါတယ် ။တန်ဖိုးနည်းမြေကွက်အများစုကတော့အရင်ကဈေးကွက်ကောင်းချိန်ဝယ်ယူထားကြတဲ့မြေကွက်တွေဖြစ်ပြီးအများစုကတော့အိမ်မပါတဲ့စလစ်မြေ၊ပါမစ်နဲ့လယ်ယာမြေတွေဖြစ်ကြပါတယ် ။
တန်ဖိုးနည်းမြေကွက်အများစုကဒဂုံလေးမြို့နယ်ကမြေတွေအပြင်အခုနောက်ပိုင်းမှော်ဘီ ၊တိုက်ကြီး ၊မင်္ဂလာဒုံ ၊သန်လျင် ၊လေးထောင့်ကန်အစရှိတဲ့နေရာက မြေတွေကိုလည်းရောင်းချလာကြပါတယ် ။မြေကွက်ကိုအကျယ်အဝန်းရှိတိုင်းရောင်းချတာမျိုးထက်ငွေကြေးတတ်နိုင်သလောက်ခွဲခြမ်းပြီးရောင်းချတာတွေလည်းရှိနေပါတယ် ။
ရစ်ကျလည်း ရမယ် အရင်ကကြိုပွိုင့်တိုက်ခန်းကိုသာအရစ်ကျရောင်းချတာဖြစ်ပေမဲ့နောက်ပိုင်းမှာတော့အသင့်နေထိုင်လို့ရတဲ့တိုက်ခန်းတွေနဲ့မြေကွက်တွေကိုပါအရစ်ကျရောင်းချလာကြပါတယ် ။ဒါ့အပြင်မြေပိုင်ရှင်တွေကိုယ်တိုင်ကလည်းအကျိုးတူဆောက်လုပ်ထားတဲ့တိုက်ခန်းတွေကိုနားလည်မှုနဲ့အရစ်ကျရောင်းချတာတွေရှိသလို (၃၀)ရာခိုင်နှုန်းပေးအသင့်နေပြီးလစဉ်ကြေးပေးသွင်းရောင်းချတာတွေလည်းရှိပါတယ် ။
သည်လိုအရစ်ကျရောင်းချတဲ့တိုက်ခန်းတွေကပြင်ပကတိုက်ခန်းပေါက်ဈေးတွေထက်ကျပ်(၁၀)သိန်းလောက်များပြီးအရစ်ကျကိုသုံးနှစ်လောက်အထိထားကာရောင်းချလာကြပါတယ် ။အရစ်ကျကို(၃၀)ရာခိုင်နှုန်းသွင်းကာတစ်လ(၅)သိန်းနဲ့ရောင်းချတာတွေရှိသလိုလူနေထိုင်လို့မရသေးတဲ့တိုက်ခန်းတွေကိုတော့(၃၀)ရာခိုင်နှုန်းသွင်းတစ်လတစ်ရာခိုင်နှုန်းနဲ့ရောင်းချတာတွေရှိတယ်လို့သိရပါတယ် ။တိုက်ခန်းအရောင်းရဲ့ဈေးနှုန်းတွေကတော့နောက်ပိုင်းမှာကျပ်သိန်း (၁၂၀)ကနေ (၁၄၀)လောက်အထိဈေးနှုန်းသင့်တင့်တဲ့တိုက်ခန်းတွေပါဝင်ပြီးအားလုံးလိုလိုကိုအရစ်ကျရောင်းချလာကြပါတယ် ။
Source :The Modern