အိမ္ၿခံေျမအက်ိဳးေဆာင္လုပ္ငန္းမ်ား စနစ္တက်ဖြ႔ံၿဖိဳးရွင္သန္ေစလုိ
အိမ်ခြံမြေအကျိုးဆောင်လုပ်ငန်းများ စနစ်တကျဖွံ့ဖြိုးရှင်သန်စေလို
နိုင်ငံတော်အစိုးရနှင့် သက်ဆိုင်ရာ တိုင်းဒေသအစိုးရတို့မှ မြို့ပြနှင့် နယ်ဒေသများ၌
ပြည်သူတို့အတွက် အဓိကနေထိုင်ရေးလိုအပ်ချက်ဖြစ်သည့် အိမ်ရာတိုက်ခန်းများ
အလုံအလောက် အပြည့်အစုံအကောင်အထည်ဖော်ပေးနိုင်ရန် စီမံချက်များ အများ
အပြား ချမှတ်ထားသော်လည်း တစ်နှစ်ထက် တစ်နှစ်တိုးပွားလာနေသည့် လူဦးရေနှင့်
အိမ်ရာတိုက်ခန်း လိုအပ်ချက်များကြောင့် အိမ်ငှားလိုခြင်း၊ ရောင်းလို ဝယ်လိုခြင်းများနှင့်
အိမ်ရှင် အိမ်ငှားနှင့်အကျိုးဆောင်ပွဲစားများ ဆက်စပ်လည်ပတ်နေမှုအခြေအနေမှာ
အိမ်ခြံမြေ နယ်ပယ်အတွင်း၌ ဆက်လက်ကျယ်ပြန့်နေဦးမည့်အခြေခံလူမှုဝန်ဆောင်မှု
ကဏ္ဍတစ်ခုဖြစ်သည်။
အထူးသဖြင့် လူနေများပြားသော မြို့ကြီးများတွင် အိမ်ရာအခန်းလိုအပ်ချက်ဟူသည်
ရုံးခန်းနေရာ၊ နေထိုင်ရန်နေရာ၊ အဆောင်ငှားရန်၊ ငွေပိုငွေလျှံရှိ၍ ဝယ်ယူ ရင်းနှီး
မြှုပ်နှံရန်၊ အရောင်းအဝယ် စီးပွားရေးလုပ်ရန် စသောအကြောင်းအချက် အမျိုးမျိုး
ကြောင့် နေ့စဉ်နေ့တိုင်း ရောင်းဝယ်ငှားရမ်းမှုများမှာ ရှိနေမည်သာဖြစ်သည်။
မြို့ပြနေ ပြည်သူတို့ အနေဖြင့် နှစ်ကာလများစွာမှ ယနေ့ထိတိုင် အရပ်အကျိုးဆောင်
ပွဲစားများအပေါ် မှီခိုအားထားနေမှုမှာလည်း တွင်ကျယ်စွာတွေ့မြင်နေရဆဲပင် ဖြစ်သည်။
မှန်ကန်၍ သမာသမတ်ကျကျ လုပ်ကိုင်ကြသော အရပ်အကျိုးဆောင်များ ရှိကြသလို
စည်းစနစ်မရှိပဲ အဆင်ပြေသလို လုပ်ကိုင်ဆောင်ရွက်နေကြသော အရပ်ပွဲစားများ
ကြောင့်လည်း အခြား မလိုလားအပ်သော အခြေအနေ ပြဿ နာများကိုလည်း
အိမ်ငှားသူတို့နှင့်အတူ စည်းမျဉ်းမူဘောင်နှင့် လုပ်ကိုင်နေကြသောအကျိုးဆောင်
လုပ်ငန်းလုပ်ကိုင်သူများလည်း ကြုံတွေ့နေရဆဲ ဖြစ်လေသည်။
ရန်ကုန်မြို့စွန် မြို့နယ်များအတွင်း ကျပ်သုံးလေးသောင်းဝန်းကျင်မှတစ်သိန်းခန့်
အထိ အိမ်ခန်း အငှားများကို အရပ်ပွဲစားများနှင့်သာ ဆက်သွယ်ငှားရမ်းကြသည်ကို
အတွေ့ရများပြီး အိမ်ခြံမြေ အကျိုးဆောင်ကုမ္ပဏီများ၏ အခန်းကဏ္ဍမှာမူ ကျပ်
ရှစ်သောင်းခန့်မှစ၍ သိန်းရာကျော်အထိရှိသော အရောင်းအငှားဈေးကွက်အတွက်
၀န်ဆောင်မှုကဏ္ဍများကို တွေ့ရှိရသည်။ အရပ်အကျိုးဆောင်ပွဲစားများအနေဖြင့်
မိမိတို့နေထိုင်ရာရပ်ကွက်နှင့် အနီးဝန်းကျင်တစ်လျှောက် အရောင်းအငှားများအား
လေ့လာမှတ်သားပြီး ရပ်ကွက်အတွင်း နေထိုင်သူများနှင့် တချို့လည်း ပွဲစား
အဆင့်ဆင့် အချိတ်အဆက်ဖြင့် ငှားရမ်းနေထိုင်သူများအား ဝန်ဆောင်မှု
ပေးလေ့ရှိကြသည်။
အချို့သော အရပ်အကျိုးဆောင်ပွဲစားများအနေဖြင့် အိမ်ရှင်အပေါ်၌ ပွဲညွှန့်ခူးခြင်း၊
အိမ်ငှားများအပေါ်၌လည်း အိမ်၏ရေမီးကိစ္စ နေရေးထိုင်ရေးအဆင်ပြေချောမွေ့
သည်ဟု ကြိုတင်စည်းရုံးပြောဆိုတတ်သော်လည်း အိမ်ငှားများအား အိမ်ပေါ်တင်
ပြီးပါက မူလပြောဆိုချက်များနှင့် မကိုက်ညီပဲဖြစ်နေသည်များနှင့် ပွဲစားများမှာလည်း
ငှားရမ်းသည့် အိမ်အခန်း၏ လိုအပ်ချက်ကိစ္စအ၀၀ကို ပြန်လှည့်မကြည့်တော့ခြင်းများ
ဖြစ်ပေါ်လေ့ရှိကြသည်။
အိမ်ရှင်မှ အမှန်တကယ် ငှားလိုသည့် ဈေးနှုန်းထက် ပိုမိုတင်၍ အငှားရှာသည့်
ပွဲစားအကျိုးဆောင်များ ငှားလိုသည့် အိမ်အငှားဈေးနှုန်း ပိုမို ဆိုခြင်းကြောင့်
အချိုမြို့နယ်ရပ်ကွက်များတွင် အငှားဈေးများ မှာ အိမ်ငှားတို့အတွက် အဆင်မပြေ
လှသောဈေးနှုန်းများလည်း ဖြစ်နေကြလေသည်။ အိမ်ငှားတို့အနေဖြင့်လည်း
အချို့ ပွဲစားတို့က အိမ်ရှင်များနှင့် စည်းဝါးတိုက်၍ အိမ်ငှားခ တိုးစေခြင်း၊ ပွဲခ ထပ်မံ
ရယူလိုခြင်းများကြောင့် အိမ်ငှားတို့ ပိုမိုဝန်ပိကြရသည့် အဖြစ်များလည်း ရှိကြပြီး
အိမ်ခန်းငှားခများမှာလည်း၊အချို့မြို့နယ်ရပ်ကွက်များ၌ အိမ်ခန်းလိုအပ်ချက် အနည်း
အများအပေါ် မူတည်၍ရှိသင့်သည်ထက် ပိုမိုဈေးနှုန်းများပြားနေကြခြင်းများ
ဖြစ်လာကြသည်။ ဤသည်မှာအရပ်ပွဲစားများနှင့် စပ်လျင်း၍ အိမ်ငှားတို့၏ ဖြစ်လေ့
ဖြစ်ထ အခြေအနေများဖြစ်သည်။
အမည်နှင့်ဂုဏ်သိက္ခာ အထိခိုက်မခံသော အကျိုးဆောင်အလုပ်ဖြင့် ကောင်းမွန်စွာ
နေထိုင်ရပ်တည်သည့် အိမ်ခြံမြေ အရပ်ပွဲစားများရှိသော်လည်း အများစုအနေဖြင့်မူ
စည်းစောင့်ခြင်း နှစ်ဦးနှစ်ဘက် မျှတစွာ မတွေးသော အရပ်ပွဲစားများဖြစ်ကြသည့်
အတွက် အိမ်ရှင် အိမ်ငှားနှင့် အရပ်ပွဲစားများ ကူးလူးဆက်သွယ်မှု သံသရာရှည်နေ
သေးသ၍ ထိုသို့သော အခက်အခဲများ ဖြစ်ပေါ်နေဦးမည်။ စည်းဘောင်ကိစ္စနှင့်
စပ်လျင်း၍ အကျိုးဆောင်ကုမ္ပဏီအချို့အနေဖြင့် ဝန်ဆောင်ခကို အခြားအကျိုး
ဆောင်ကုမ္ပဏီများနှင့် အများသူငါနားလည်သတ်မှတ်ဈေးထက် လျော့ယူခြင်း
မှာလည်း အမှန်တကယ်ကြည့်လျှင် အိမ်ငှားသူတို့ အတွက် ပိုအဆင်ပြေနိုင်သည့်
လုပ်ဆောင်ချက်ဟု ထင်မြင်ယူဆရသော်လည်း အခြားအကျိုးဆောင်ကုမ္ပဏီများ၏
အကျိုးစီးပွားအား တနည်းတဖုံထိခိုက်စေသည့်အတွက် စံတစ်ခု သတ်မှတ်နားလည်
ထားသည့် ဝန်ဆောင်မှုတန်ဖိုးကို အမျိုးမျိုးပြောင်းလဲ၍ မလုပ်ဆောင်သင့်ပဲ
တူညီသော မူဘောင်အတွင်း ကိုယ်စီကိုယ်ငစောင့်စည်းရမည့် စည်းထားသင့်ကြောင်း
ယူဆမိပါသည်။ တဘက်တွင်လည်း အိမ်ရှင်များနှင့် စပ်လျင်း၍ အိမ်ခြံမြေ
အရောင်းအဝယ်ကိစ္စများတွင် အချို့အိမ်ရှင်များအနေဖြင့် အရောင်းအပ်နှံထားသည့်
၀န်ဆောင်မှု ကုမ္ပဏီနှင့် တိုက်ရိုက်ဆက်စပ်၍ အရောင်းအဝယ်ဖြစ်သည့်အခါ
၀န်ဆောင်ခကို သတ်မှတ်ချက်အတိုင်း ပေးဆောင်ကြသော်လည်း အချို့သော
အိမ်ရှင်များမှာ ဝန်ဆောင်မှုကုမ္ပဏီနှင့် ပထမအဆင့် တိုက်ရိုက်ဆက်စပ်၍
အရောင်းအဝယ် ဈေးစကား ပြောဆိုပြီးပါမှ အရောင်းအဝယ် မဖြစ်ပဲ ထိုနောက်ကာလ
ရက်ပိုင်းလပိုင်းခြားကာ အကျိုးဆောင်ကုမ္ပဏီမပါပဲ မူလ အရောင်းအဝယ်ညှိနှိုင်း
ခဲ့သူနှင့်ပင် သွယ်ဝိုက်ဆက်စပ်၍ အရောင်းအဝယ်ဖြစ်မှုအဖြစ် လုပ်ဆောင်ပြီး
၀န်ဆောင်ခ ရှောင်ရှားတတ်ကြသူများလည်း ရှိကြလေသည်။
မြန်မာပြည်တွင် ဤသို့သောဖြစ်ရပ်များကို အရေးယူနိုင်မည့် ဥပဒေမရှိသေးခြင်းကို
ထိုသို့သော လှည့်ပတ်ရှောင်ကွင်းစရာ အခြေအနေအမျိုးမျိုးများက မြန်မာ့နိုင်ငံ၏
ဥပဒေပြဋ္ဌာန်းမှု လိုအပ်ချက်များ၊ အားနည်းချက်များအပေါ် တည်မှီဖြစ်ပေါ်လျက်
ရှိနေသည်ကို တွေ့ရသည်။
ယခုအခါ အရပ်ပွဲစားများသာမက ရန်ကုန်မြို့တွင် အိမ်ခြံမြေလုပ်ငန်းလိုင်စင်မရှိပဲ
၀န်ဆောင်မှုလုပ်နေကြသော ပြည်ပမှ နိုင်ငံခြားသားများ၏ တရားမဝင် အိမ်ခြံမြေ
၀န်ဆောင်မှုများ လုပ်ကိုင်ဆောင်ရွက်နေမှုများကိုပါ ပိုမိုအတွေ့ရများလာနေသည့်
အတွက် ထိုကိစ္စများကို အရေးယူတိုင်တန်းရန် စီစဉ်နေကြရသည့် အခြေအနေများ
ဖြစ်ပေါ်လျက် ရှိနေလေသည်။
အစိုးရသစ်အနေဖြင့် ခိုင်မာသော အိမ်ခြံမြေဥပဒေသစ်တစ်ရပ်ကို အတည်ပြု
ပြဋ္ဌာန်းထုတ်ပြန်ပေးရန် လိုအပ်လျက်ရှိနေပြီး စည်းမျဉ်းစည်းကမ်း မူဘောင်များနှင့်
အညီအကျိုးဆောင်မှု ပေးနိုင်မည့် အိမ်ခြံမြေဝန်ဆောင်မှုပိုင်းဆိုင်ရာ လုပ်ငန်း
လိုင်စင်များသတ်သတ်မှတ်မှတ် ချထားပေးနိုင်ရန် သင်တန်းဌာနများ၊ အစိုးရနှင့်
အများပြည်သူမှ ယုံကြည်စိတ်ချရသော အကျိုးဆောင်များအား စနစ်တကျ
သင်ကြားလေ့ကျင့်မွေးထုတ်ပေးနိုင်ရန်၊ စည်းမျဉ်းစည်းကမ်း သတ်မှတ်ချက်
မူဘောင်များချမှတ်၍ လုပ်ငန်းလိုင်စဉ်များ ထုတ်ပေးပြီး လုပ်ကိုင်နိုင်စေရန်အတွက်
ဥပဒေပညာရှင်များ၊ အိမ်ခြံမြေ ရောင်းဝယ်မှုဆိုင်ရာ နှံ့စပ်ကျွမ်းကျင်သူ စီးပွားရေး
လုပ်ငန်းရှင်များ၊ ပညာရှင်များနှင့် ပူးပေါင်းညှိုနိုင်း၍ အိမ်ခြံမြေ ဥပဒေသစ်တစ်ရပ်ကို
ဖော်ဆောင်ပေးရန် လိုအပ်နေပါကြောင်း Property.com.mm သတင်းမီဒီယာအဖွဲ့မှ
သုံးသပ်ရေးသားတင်ပြလိုက်ပါသည်။
Property Media Team
www.property.com.mm