ကျောင်းဖွင့်ရာသီများ၌ အဆောင်အငှားဈေးကွက် ကောင်းမွန်လာ
ဝါတွင်းကာလများတွင် အိမ်အပြောင်းအေ့ရွှများအိမ်၊ တိုက်ခန်းအငှားများ
သာမန်ထက် လျော့နည်းတတ်သည် မှန်သော်လည်း တက္ကသိုလ်ကျောင်း
ဖွင့်ရာသီများတွင် တက္ကသိုလ်ကျောင်းများအနီးတဝိုက် လုံးချင်းများ၊တိုက်ခန်း
များ ပိုမိုအငှားဖြစ်နေကြသည်ဟု Property.com.mm သတင်းမီဒီယာမှ
စုံစမ်းသိရှိရပါသည်။
ဒဂုံတက္ကသိုလ်အနီးဝန်းကျင်ရှိ လုံးချင်းများ၊ တက္ကသိုလ်ရိပ်မွန်အိမ်ရာအတွင်းရှိ
နှစ်ထပ်လုံးချင်းများ၌ အဆောင်ငှားရမ်းမှု၊ အဆောင်ဖွင့်လှစ်လုပ်ကိုင်မှုများ ပိုမို
တွေ့ရှိလာသည်။ ကျောင်းသား၊ ကျောင်းသူများအနေဖြင့် အချို့မှာ မိမိတတ်ရောက်
ရာတက္ကသိုလ်အနီး ပတ်ဝန်းကျင်များအနီးရှိ အဆောင်များ၊လုံးချင်းများ၌ ငှားရမ်း
နေထိုင်မှုများ ရှိကြသလိုအချို့ကျောင်းသူကျောင်းသားများအနေဖြင့်လည်း မြို့တွင်း
နှင့်နီး၍ သွားရေးလာရေးလွယ်ကူပြီး လူစည်ကားသောလမ်းမတော်၊ လသာ၊
စမ်းချောင်းမြို့နယ်များနှင့် ကမာရွတ်လှည်းတန်း ပတ်ဝန်းကျင်တွင်လည်း ငှားရမ်း
နေထိုင်မှုများရှိကြသည်။အဆောင်ငှားရမ်းနေထိုင်ရာတွင်အခန်းဖြင့်နေမည်
ဆိုပါကတိုက်ခန်းအနေအထား အခန်းအကျယ်အဝန်းအပေါ်မူတည်၍ ၂ သောင်း
ခွဲမှ ၄ သောင်း ပတ်ဝန်းကျင်ထိ ပေးရကာတိုက်ခန်း Hall Type အားစုပေါင်း
ငှားရမ်းနေထိုင်ကြသည့် ငှားရမ်းမှုများလည်းရှိကြသည်။
အဆောင်ငှားရမ်းဖွင့်လှစ်လုပ်ကိုင်မှုများမှာမြန်မာနိုင်ငံတဝန်းရှိ တက္ကသိုလ်ကျောင်း
များနှင့်ဆက်စပ်၍ အိမ်ခြံမြေအခန်း အငှားဈေးကွက်အတွင်းလိုအပ်ချက်တစ်ခု
အနေဖြင့် နှစ်စဉ်ရှိနေဆဲဖြစ်ကာ အဆောင်ဖွင့်လှစ်သူများ အနေဖြင့်လည်း
တရားဝင်လုပ်ငန်းလိုင်စင်ဖြင့် ဖွင့်လှစ်ငှားရမ်းမှုများလည်းရှိသလိုအဆောင် အမည်
တပ်၍ လုပ်ငန်းလိုင်စင် မရှိပဲ ငှားရမ်းမှုများလည်းရှိနေကြလေသည်။ ၂၀၁၆ နှစ်ဦး
ပိုင်းတွင် ပြည်တွင်းအခွန်ဦးစီးဌာနမှ တာဝန်ရှိသူများက အိမ်ခြံမြေတိုက်ခန်း
အဆောက်အအုံငှားရမ်းလုပ်ကိုင်မှုများနှင့် ပတ်သက်၍ အခွန် ပေးဆောင်မှုများ
နည်းပါးသဖြင့် လိုင်စင်မရှိပဲဖွင့်လှစ်လုပ်ကိုင်နေသော ဘော်ဒါဆောင်များအပါအဝင်
အဆောက်အအုံငှားရမ်းမှု များအား မြို့နယ် စည်ပင်ရုံးများတွင် တရားဝင်လုပ်ငန်း
လိုင်စင်ပြုလုပ် လျှောက်ထားကြရန်နှင့် စစ်ဆေးတွေ့ရှိပါက အရေးယူ ခံရမည်
ဖြစ်ကြောင်းကြေညာဖော်ပြခဲ့သည်။
ထို့ကြောင့် အဆောင်ဖွင့်လှစ်ငှားရမ်းကြသူများ အနေဖြင့်လုပ်ငန်းလိုင်စင်
လျှောက်ထားလိုပါကသိရှိနိုင်ရန် အောက်ပါအချက်အလက်များကိုဖော်ပြလိုက်ပါသည်။
အဆောင်ဖွင့်လှစ်မည့်သူများအနေဖြင့် လုပ်ငန်းခွင့်ပြုချက်ကိုမြို့နယ်စည်ပင်သာယာ
အုပ်ချုပ်ရေးမှူးရုံးတွင် လျှောက်ထား ရမည်ဖြစ်ပြီးလျှောက်လွှာနှင့်အတူအောက်ပါ
သတ်မှတ်ချက်များကိုပူးတွဲတင်ပြရမည်ဖြစ်သည်။
(က) လုပ်ငန်းတည်နေရာနှင့် အနီးဆုံးပတ်ဝန်းကျင် ၁၀ ဦး၏ ထောက်ခံချက်
( ခ ) လုပ်ငန်းတည်ရှိရာရပ်ကွက်အုပ်ချုပ်ရေးမှူး၊ မြို့နယ် မီးသတ်၊ လျှပ်စစ်၊ စည်ပင်၊
ကျန်းမာရေး၊ ထွေအုပ်နှင့် ရဲတပ်ဖွဲ့တို့၏ ထောက်ခံချက်
( ဂ ) လျှောက်ထားသူ၏ နိုင်ငံသားစိစစ်ရေးကတ်မိတ္တူ၊ လိုင်စင်ဓာတ်ပုံ ၃ ပုံ
(ဃ) လုပ်ငန်းပြဓာတ်ပုံ ( အဆောက်အအုံအတွင်း၊ အပြင်၊ မျက်နှာစာ ) ၃ ပုံနှင့်
လုပ်ငန်းတည်နေရာပြမြေပုံ စသည့်ဖော်ပြပါ အချက်အလက်များအပြည့်အစုံဖြင့်
လျှောက်ထားရမည်ဖြစ်ပြီး မြို့နယ်စည်ပင်သာယာ အုပ်ချုပ်ရေးမှူးရုံးတွင် လျှောက်လွှာ
တောင်းခံသည့်နေ့မှ စ၍ ၂ ပတ်အတွင်းလုပ်ငန်းလိုင်စင်ထုတ်ပေးမည်ဟု ဖော်ပြ
ထားပါသည်။ အိမ်ခြံမြေ၊ စက်ရုံ၊ အလုပ်ရုံနှင့် ဘော်ဒါဆောင်များငှားရမ်းမှုဖြစ်စေ
ဘော်ဒါဆောင်အဖြစ် ဖွင့်လှစ်လုပ်ကိုင်သူများအနေနှင့်ဖြစ်စေသတ်မှတ်ထားသော
ဖော်ပြပါ စည်းကမ်းဥပဒေများနှင့် အညီလုပ်ကိုင်ဆောင်ရွက်နိုင်စေရန်
Property.com.mm သတင်းမီဒီယာမှ အသိပေးရေးသားဖော်ပြ လိုက်ပါသည်။
Property Media Team
www.Property.com.mm