အိမ္ၿခံေျမေရာင္းလုိသူတုိ႔အေနျဖင့္ သိမွတ္လုပ္ေဆာင္ဖြယ္မ်ား
အိမ်ခြံမြေတိုက်ခန်း အရောင်းအဝယ်များနှင့် ပတ်သက်၍ အရောင်းအဝယ်ဆိုင်ရာ ကျင့်ထုံးစည်းကမ်းများ၊
အိမ်ခြံမြေ အရောင်းအဝယ် စာချုပ်စာတမ်း လုပ်ထုံးလုပ်နည်းများနှင့် အခြားသိမှတ်လုပ်ဆောင်ဖွယ်ရာများကို
အိမ်ခြံမြေတိုက်ခန်း ရောင်းဝယ်မည့်သူများနှင့် အိမ်ခြံမြေဆိုင်ရာ ဗဟုသုတလေ့လာသူများအတွက်
Property.com.mm သတင်းမီဒီယာမှ ရေးသားတင်ပြလိုက်ပါသည်။
အိမ်ရာတိုက်ခန်းအရောင်းအဝယ်ကိစ္စများတွင် မပါမဖြစ်အကြောင်းကိစ္စတစ်ရပ်မှာလည်း အကျိုးဆောင်များနှင့်
ပွဲစားများပင်ဖြစ်သည့်အတွက် နာမည်ကောင်းရှိသော အကျိုးဆောင်များနှင့် အများအသိအမှတ်ပြု၍ တော်မှန်
သော ပွဲစားများအား ရွေးချယ်အပ်နှံခြင်းကလည်း အရောင်းအဝယ်ကိစ္စများ အောင်မြင်ပြီးမြောက်ဖို့အတွက်
အရေးပါသော အကြောင်း တစ်ချက်လည်းဖြစ်သည်။ ယနေ့ခေတ်တွင် အကျိုးဆောင်ကုမ္ပဏီများ၏ ဂျာနယ်
မဂ္ဂဇင်းများမှ ကြော်ညာများ၊ အိမ်ခြံမြေ ကုမ္ပဏီများ၏ online website များ၊ ဂျာနယ်မဂ္ဂဇင်နှင့် သတင်းမီဒီယာ
များမှ အိမ်ခြံမြေ အရောင်းအဝယ်ဆိုင်ရာ အချက်အလက်များအား လွယ်လင့်တကူ ရှာဖွေကြည့်ရှုဝယ်ယူနိုင်ပြီ
ဖြစ်သည့်အပြင် ရောင်းသူ အနေဖြင့်လည်း မိမိ၏ ခြံမြေတိုက်ခန်း၏ အချက်အလက်နှင့် အိမ်ရာတိုက်ခန်း
ဓာတ်ပုံများအား အိမ်ခြံမြေ အကျိုးဆောင်ကုမ္ပဏီများထံ ပေးပို့အပ်နှံ၍ အရောင်းကြေညာအဖြစ် ပေးအပ်နိုင်
ပါသည်။ ထိုသို့ပေးအပ်ရာတွင် မိမိဆန္ဒအလျောက် အကျိုးဆောင်ကုမ္ပဏီများ တစ်ခုထက်ပို၍လည်း ပေးအပ်
ကြသည့် အိမ်ရှင်များလည်းရှိကြသည်။ အခြေအနေအရ အလျင်လိုသော အချို့ ရောင်းလိုသူများအနေဖြင့် နိုင်ငံ
ပိုင်သတင်းစာများနှင့် ပုဂ္ဂလိကသတင်း ဂျာနယ်များ၌ပါ ထည့်သွင်း ကြော်ညာကြခြင်းများလည်းရှိကြသည်။
ရောင်းသူအနေဖြင့် မိမိအိမ်ရာတိုက်ခန်းအား အကျိုးဆောင်များသို့ ရောင်းချရန် အပ်နှံရာတွင် သန့်ရှင်း
သပ်ရပ်သောအိမ်အသွင်အပြင်အနေအထား ဓာတ်ပုံများ၊ တိကျခိုင်မာသော အချက်အလက်များ၊
ဆက်သွယ်ရန် ဖုန်းနံပါတ်များမှန်မှန်ကန်ကန် ပြောကြားအပ်နှံရန်လည်း အရေးကြီးပါသည်။ အကျိုးဆောင်
များမှ ဝယ်လိုအား မိမိအိမ်သို့ လာရောက် ပြသရာတွင် မူလအရောင်းကြော်ညာတွင်ပါရှိသော အချက်အလက်
နှင့် လက်တွေ့အမြင် ကွဲလွဲမှုများ ရှိပါက ရောင်းသူ ဝယ်သူရော အကျိုးဆောင်များအတွက်ပါ အဆင်မပြေမှုများ
ကြုံတွေ့ရတတ်သောကြောင့် ဂရုပြုရန် အချက်တစ်ခု ဖြစ်သည်။ အကယ်၍ အကျိုးဆောင်မှတဆင့်
အဆင်ပြေပြေနှင့် အရောင်းအဝယ်ဖြစ်သွားပါက အရောင်းအဝယ် အကျိုးဆောင်ခ၊ ပွဲစားခကို ရောင်းသူမှာ
အရောင်းအဝယ်ဖြစ်သော ငွေတန်ဖိုး၏ ၂ % သို့မဟုတ်ပါကလည်း သတ်မှတ်ထားသော အဖိုးအခကို ပေးအပ်
ရမည်ဖြစ်ပါသည်။
အိမ်ခြံမြေတိုက်ခန်း ရောင်းဝယ်မှုများတွင် ဝယ်သူအနေဖြင့်လည်း မိမိဝယ်ယူသည့် အိမ်ရာတိုက်ခန်းအား
ပေးချေ ရသည့် တန်ဖိုးနှင့် လျော်ညီစွာ စိတ်ကျေနပ်မှုအပြည့်အ၀ ရရှိချင်မည်ပင်ဖြစ်သည်။
အိမ်ရှင်အနေဖြင့်လည်း မိမိ ရောင်းချမည့် အိမ်ရာတိုက်ခန်း၌ ချို့ယွင်းအားနည်းချက်များ ရှိလျှင် ဝယ်သူအား
ထုတ်ဖော်ပြောကြားရန် တာဝန် ရှိပါသည်။ ဝယ်ယူသူမှ မေးမြန်းချက်များကိုလည်း ရောင်းသူမှ ရှင်းရှင်း
လင်းလင်း ထုတ်ဖော် ပြောကြား သင့်သည့် အပြင် မိမိပိုင်ဆိုင်မှုဆိုင်ရာ စာချုပ်စာတမ်းအထောက်အထားများ
အားလုံး ပြသရန်တာဝန်ရှိပါသည်။ အိမ်ရှင်များ အနေဖြင့် အရေးကြီးသော စာချုပ်စာတမ်းများ ပြသရာတွင်လည်း
မူရင်းကို လိုအပ်မှသာ ပြသသင့်ပြီး မိတ္တူကိုသာ အရင် ပြသသင့်ပါသည်။
ရောင်းချသည့်မြေကွက်အား ဝယ်သူမှ ကိုယ်ပိုင်အမည်ပေါက် ပြောင်းလဲပြုလုပ်ရန်အတွက်လည်း သက်ဆိုင်ရာ
ဌာန များတွင် ဝယ်သူမှနေ၍ လက်မှတ်ရေးထိုး ဆောင်ရွက်ပေးရခြင်း ကိစ္စများကို အိမ်ရှင်ရောင်းသူမှ တာဝန်ယူ
လိုက်ပါဆောင်ရွက်ပေးရမည် ဖြစ်ပါသည်။
အကယ်၍ နှစ်ဦးနှစ်ဘက် သဘောတူညီမှုအရ အရောင်းအဝယ်ဖြစ်မြောက်၍ စာချုပ်စာတမ်းချုပ်ဆို စရံငွေ
ပေးချေ ထားစဉ်ကာလများအတွင်း ရောင်းသူအနေဖြင့် အရောင်းအဝယ်ပြုလုပ်ထားသည့် အိမ်ရာ တိုက်ခန်း
နှင့်ဆက်စပ်ရာ ပစ္စည်းပစ္စယများအား စောင့်ရှောက်ထိန်းသိမ်းပေးဖို့ တာဝန်ရှိပါသည်။ဝယ်ယူသူမှစရံငွေအား
စုစုပေါင်းတန်ဖိုးနီးပါး ပေးချေမှုရှိတတ်သည့် အခြေအနေများတွင် ရောင်းသူအနေဖြင့် မိမိအိမ်ရာတိုက်ခန်းကို
၀ယ်ယူသူထံသို့ လက်လွှဲပြောင်း အပ်နှံပေးနိုင်ပြီး ပေးချေရန်ကျန်ငွေကို ခံဝန်ကတိ စာချုပ်ချုပ်ဆို၍ စီမံ
ဆောင်ရွက်နိုင်ပါသည်။ ဝယ်သူမှ တန်ဖိုးအပြီးသတ် မပေးချေရသေးမီ အိမ်ရှင်မှ မိမိတိုက်ခန်းအိမ်ရာအား
မလွှဲပြောင်းရသေးမီကာလအတွင်း ကျသင့်သော ပေးဆောင်ရမည့် အခွန်အခကိစ္စရပ်များကို ရောင်းသူမှပင်
တာဝန်ယူဆောင်ရွက်ရမည် ဖြစ်သည်။
အိမ်ခြံမြေအရောင်းအဝယ်စာချုပ်ချုပ်၍ စာချုပ်စာတမ်းများအား ဝယ်သူထံသို့ လက်လွှဲပေးအပ်ပြီးပါက
သက်ဆိုင်ရာ စာချုပ်စာတမ်း မှတ်ပုံတင်ရုံး၌ ရောင်းသူမှ တရားဝင်စာချုပ်ချုပ်ဆို၍ လွှဲပြောင်းပေးအပ်ရမည်
ဖြစ်ပါသည်။ ထိုသို့ ချုပ်ဆိုရာတွင်လည်း သတ်မှတ်ထားသော အခွန်အခများကို ရောင်းသူမှ ပေးဆောင်ပေး
ရပါမည်။ သို့ရာတွင် ရောင်းသူဝယ်သူနှစ်ဦးနှစ်ဘက် သဘောတူညှိုနှိုင်းမှုများရှိပါလျှင်လည်း အရောင်းအဝယ်
ခွန်ကို နှစ်ဦးနှစ်ဘက် ပေးဆောင် နိုင်ပါသည်။ စာချုပ်စာတမ်းမှတ်ပုံတင်ရုံးတွင် မှတ်ပုံတင်စာချုပ်ချုပ်ဆိုရန်
အတွက် အရောင်းအဝယ်ဖြစ်မြောက်ပြီးသုံးလအတွင်းချုပ်ဆိုရန် ရောင်းသူဝယ်သူနှစ်ဦးစလုံးမှတာဝန်ရှိပါသည်။
ရောင်းချခြင်း၊ ဝယ်ယူခြင်းများမပြု အရေးကြီးသောအချက်မှာ စာချုပ်စာတမ်း ခိုင်မာမှန်ကန်မှုဖြစ်သည်။ ဥပဒေ
ဆိုင်ရာဆက်စက်နှီးနွယ်မှုများအနေနှင့်လည်း အရှုပ်အရှင်းကင်းရန် လိုအပ်ပါသည်။ ရောင်းချသည့် အိမ်ရာ
တိုက်ခန်းရှင်နှင့်ဆက်စပ်ရာ ဇနီး၊ ခင်ပွန်းနှင့် အမွေဆိုင် သားသမီးများ ရှိပါက ထိုသူများကို အရောင်းအဝယ်
စာချုပ်အတွက် ပူးတွဲ လက်မှတ်ရေးထိုးစေခြင်း အရောင်းအဝယ်ပြုလုပ်မည့် အိမ်ရာတိုက်ခန်းပစ္စည်းများနှင့်
ပတ်သက်ပြီး ကန့်ကွက်သူ ရှိ/မရှိ ကန့်ကွက်နိုင်ကြောင်း အသိပေးကြော်ညာချက်ကိုလည်း သတင်းစာတွေ
ဖော်ပြနိုင်ပြီး သတ်မှတ်ထားသည့် ကာလအတွင်း ကန့်ကွက်သူ ပေါ်လာပါက ရောင်းသူမှ ထိုပြဿ နာများကို
ပြေလည်အောင် ဆောင်ရွက်ပေးရမည့် တာဝန်ရှိပြီး ဝယ်သူ၏ နစ်နာမှုများအတွက်လည်းရောင်းသူတွင်
တာဝန်ရှိပါကြောင်း အိမ်ခြံမြေတိုက်ခန်း ရောင်းလိုသူများအတွက်အဓိကထား၍ Property.com.mm
သတင်းမီဒီယာမှ ရေးသားတင်ပြလိုက်ပါသည်။
Property.com.mm Media Team
www.Property.com.mm