ကုမ္ပဏီ သက်တမ်းတိုး မှတ်ပုံတင်ကြေး ကျပ်သုံးသိန်းသို့ လျှော့ချ
ကုမ္ပဏီများ သက်တမ်းတိုး ရာတွင် မှတ်ပုံတင်ကြေးကို ယခင် က ကျပ်ငါးသိန်းသတ်မှတ်ထား ရာမှ ကျပ်သုံးသိန်းသို့ လျှော့ချခဲ့ခြင်းဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန က မေလ ၂၅ ရက်၌ ထုတ်ပြန် ကြေညာသည်။
‘‘ကုမ္ပဏီ မှတ်ပုံတင်ကြေး တွေများနေလို့ လျှော့လိုက်တဲ့ သဘောပါ။ ဌာနရဲ့ ပြင်စရာထဲက အရင်ပြင်လို့ရတဲ့ဟာကို ပြင်လိုက် တာပါ။ ဒီအစီအစဉ်က ၀န်ကြီး ဌာနရဲ့ ရက်တစ်ရာစီမံချက်ထဲက တစ်ခုပါ’’ဟု အဆိုပါဌာနမှ အရာရှိတစ်ဦးက ပြောသည်။
ကုမ္ပဏီသက်တမ်းတိုးမှတ် ပုံတင်ကြေး လျှော့ချသည့် နှုန်းသည် ပုဂ္ဂလိကကုမ္ပဏီနှင့် အများပိုင်ကုမ္ပဏီနှစ်ခုလုံးအတွက်ပါဝင် ကြောင်း ၎င်းက ဆက်လက်ပြော သည်။ အဆိုပါထုတ်ပြန်ချက်တွင် ကုမ္ပဏီများ လိပ်စာပြောင်းခြင်း၊ အစုရှယ်ယာ ပြောင်းခြင်းတို့ကို ယခင် ၂,၅၀၀ ကျပ်မှ ဆယ်ဆတိုး မြှင့်ခဲ့သည်။ ကုမ္ပဏီများ လုပ်ငန်းရည်ရွယ်ချက်ပြောင်းခြင်း၊ မ,တည်ငွေပြောင်းလဲခြင်းနှင့် နာမည် ပြောင်းရာ၌ ယခင်ထက် ဆယ် ဆ တိုးမြှင့်သတ်မှတ်ပြီး ကျပ် ၇၅,၀၀၀ သတ်မှတ်ကြောင်း ဖော်ပြပါရှိသည်။
ထို့အပြင် ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန သည် ပုဂ္ဂလိကကုမ္ပဏီများ တည်ထောင်ရာတွင် မှတ်ပုံတင်ကြေးကို ထက်ဝက်လျှော့ချပြီး ကျပ်ငါးသိန်း သတ်မှတ်ကာ အများပိုင်ကုမ္ပဏီများ မှတ်ပုံတင်ကြေးကို ကျပ်ဆယ်သိန်းမှ ကျပ် ၂၅ သိန်းအထိ တိုးမြှင့်ကြောင်း ထုတ်ပြန်ထားသည်။ ရင်းနှီးမြှုပ်နှံမှုနှင့် ကုမ္ပဏီ များ ညွှန်ကြားမှု ဦးစီးဌာနသည် ကုမ္ပဏီမှတ်ပုံတင်ခြင်းမှ တစ်နှစ် ၀င်ငွေ ကျပ် ၁၀ ဘီလီယံခန့် နိုင်ငံ တော်သို့ ရှာဖွေပေးနေကြောင်း ယင်းဌာန၏ ညွှန်ချုပ်ဦးအောင်နိုင်ဦးက မြန်မာ့အလင်းနှင့် တွေ့ဆုံမေးမြန်းခန်းတွင် ပြောသည်။
Source: 7Daydaily