ခရေပင်ရိပ်မွန်နှင့် ပတ်ဝန်းကျင် အိမ်ခြံမြေ ဈေးကွက်
ခရေပင်ရိပ်မွန်အိမ်ရာသည် မင်္ဂလာဒုံမြို့နယ်နှင့် မြောက်ဥက္ကလာပ မြို့နယ် အစပ်တွင် တည်ရှိသော လုံးချင်းအိမ်ရာ တစ်ခုဖြစ်ပြီး ခရေပင်လမ်းမကြီးတောင်ဘက်တွင် တည်ရှိကာ အောင်မင်္ဂလာ အဝေးပြေးဝင်းနှင့် နီးကာ ရန်ကုန်အပြည်ပြည်ဆိုင်ရာလေဆိပ်နှင့်လည်း မနီးမဝေးတွင် တည်ရှိ သောကြောင့် ရန်ကုန်မြို့ မြောက်ဘက် အစွန်ကျသည့် နယ်မြေတစ်ခုဖြစ်သော်လည်း ပြည်တွင်းပြည်ပ ပတ်ဝန်းကျင် လမ်းကြောင်းများနှင့် ဆက်သွယ် သွားလာမှု ကောင်းမွန်ပြီး ကျယ်ဝန်းသန့်ရှင်းသော အဆင့်မြင့် အိမ်ရာတစ်ခု ဖြစသောကြောင့် ဈေးကွက်ဖြစ်ထွန်းမှု အနေအထားများအား Property.com.mm သတင်း မီဒီယာမှ ဇူလိုင် ၂၉ ရက်နေ့တွင် ခရေပင်ရိပ်မွန်နှင့် ခရေပင် လမ်းမ ပတ်ဝန်းကျင်သို့ သွားရောက်လေ့လာ စုံစမ်းခဲ့ပါသည်။
ခရေပင်ရိပ်မွန်အိမ်ရာအတွင်း အိမ်ခြံမြေ ဈေးကွက်အနေအထားမှာ ၂၀၁၅ ခုနှစ်အတွင်း ဈေးကွက် တည်ငြိမ် အေးစက်နေမှုကြောင့် အရောင်းအ၀ယ်ပါးပြီး အငှား ဈေးကွက်လောက်သာ ဖြစ်ကြောင်း သိရသည်။ လုံးချင်း အငှား များ အနေဖြင့် အိမ်အပြင်အဆင်နှင့် လမ်းမျက်နှာစာ နေရာအကွက်အကွင်းကောင်းမွန်မှု အပေါ်မူတည်ပြီး ကျပ် ၈ သိန်း မှ ၁၅ သိန်း ၀န်းကျင်အထိ ရှိကြောင်း သိရပြီး သိန်း ၂၀၊ သိန်း ၃၀ အထက် လုံးချင်း အငှားဈေးများလည်း တခါတရံ ဖြစ်ကြောင်း၊ ၁၅ သိန်း ၀န်းကျင် လုံးချင်းအငှားပိုဖြစ်ကြောင်း စောရိပ်မွန် အိမ်ခြံမြေ အကျိုးဆောင်လုပ်ငန်းမှ မစောဇင်မာ က ပြောကြားသည်။ ရောင်းလိုသူအချို့မှ ခေါ်ဆိုဈေး သိန်း ၆၀၀၀ အထက်
ဆိုကြသော်လည်း ၅၀၀၀ ၀န်းကျင်ဖြင့် တခါတရံ အရောင်းအ၀ယ် ဖြစ်ကြောင်း အရောင်းအ၀ယ် အေးနေကြောင်း ကိုလည်း မစောဇင်မာက ပြောကြားသည်။ အိမ်ရာဝင်း အတွင်းရှိ နေထိုင်သူများ၏ သုံးပုံတစ်ပုံခန့်မှာ ငှားရမ်းနေထိုင်သူများ ဖြစ်ကြောင်း သိရပြီး အမှတ် ( ၃ ) လမ်း ဆုံနှင့် ခရေပင်ရိပ်မွန်အိမ်ရာအကြား မြောက်ဘက်မျက်နှာစာ တစ်လျှောက်တွင် အဆောက်အအုံ ဆောက်လုပ်မှု မရှိသေးသော မြေလွတ်မြေကွက်များစွာ တွေ့ရှိရသည်။ “ခရေပင်လမ်းပေါ်မှာ ၇၀ x ၄၀ အကွက်တွေ ခေါ်ဆိုဈေး ၇၅၀၀ လောက်ရှိပါတယ်။ ၃၀ x ၄၀ တွေကတော့ ၃၅၀၀ ၀န်းကျင် ရှိတယ်။ ခုနောက်ပိုင်း အ၀ယ်သိပ်မလိုက်ပါဘူး ခုလို ဈေးကွက်အေးနေတဲ့ အချိန်မှာ အမြင့်ဈေးတွေလည်း ပိုငြိမ်နေကြတာပေ့ါ။ ရိပ်မွန်ထဲမှာတော့ အခန်းအငှားဈေးကွက် ပိုဖြစ်တယ် ပေ၂၀ x ၆၀ /ပေ ၄၀ x ၆၀ 2 RC တွေ အငှားဖြစ်တယ် ၇ သိန်းကနေ ၁၀ သိန်းကြားပေ့ါ မျက်နှာစာဘက်အခန်းတွေ၊ ထောင့်ခန်းတွေက ဈေးပိုပေးရတယ် အငှားဖြစ်ဖြစ် အ၀ယ်ဖြစ်ဖြစ်ပေ့ါ” ဟု ခရေပင်ရိပ်မွန် ဒေသခံ အိမ်ခြံမြေ ပွဲစား ကိုကရင်က ပြောသည်။
ခရေပင်ရိပ်မွန် ၁/၂ အိမ်ရာဝင်း အတွင်း အိမ်ခြေ ၂၇၀ ကျော်တည်ရှိပြီး ၂၀၀၆ – ၂၀၀၇ ခုနှစ်က မြို့ရွာနှင့်အိုးအိမ် ဖွံ့ဖြိုးရေး ဦးစီးဌာနမှ အကောင်အထည်ဖော် တည်ဆောက်ခဲ့ခြင်း ဖြစ်ကြောင်း ခရေပင်ရိပ်မွန် စီမံခန့်ခွဲရေး ကော်မတီ ရုံးမှ တာဝန်ရှိသူ တစ်ဦးမှ ပြောကြားသည်။ အိမ်ရာအတွင်းရှိ ပတ်ဝန်းကျင်သည် ဆိတ်ငြိမ်သည့် အိမ်ရာဖွဲ့စည်းမှု ပတ်ဝန်းကျင် အနေအထားရှိပြီး ခရေပင် လမ်းခွဲ မှ တဆင့် ရန်ကုန် -
ပြည်လမ်းသို့ လွယ်ကူစွာ သွားလာနိုင်သလို၊ အမှတ် ၃ လမ်းဆုံမှတဆင့်လည်း မင်္ဂလာဒုံ ပုလဲ မြိုသစ်ဘက်၊ ပုလဲလမ်းဆုံမှ ပဲခူးဘက်သို့ ဆက်သွယ်သွားလာမှု မြန်ဆန်လွယ်ကူသော နေရာဖြစ်သည်။ မြောက်ဥက္ကလာပ၊ အင်းစိန်၊ ရွှေပြည်သာမြို့နယ်များသို့ လမ်းပန်းဆက်စပ်မှု လွယ်ကူချောမွေ့သောကြောင့် အိမ်ခြံမြေ စိတ်ပါဝင်စားသူများ သွားရောက်လေ့လာနိုင်ပါကြောင်း ကျွန်တော်တို့ Property.com.mm သတင်းမီဒီယာအဖွဲ့မှ လေ့လာစုံစမ်းရေးသားလိုက်ပါသည်။
www.Property.com.mm