၂ဝ၁၆ အိမ်ခြံမြေဈေးကွက် ပိုမိုကောင်းမွန်လာနိုင်၍ အိမ်ခြံမြေ လုပ်ငန်းရှင်များ စောင့်ကြည့်လျက်ရှိ
ဈေးကွက်အခြေအနေအား အိမ်ခြံမြေ လုပ်ငန်းရှင်များ
က စောင့်ကြည့်လေ့လာလျက်ရှိနေကြောင်းသိရသည်။
အိမ်ခြံမြေလုပ်ငန်းရှင်များအသင်း (ရန်ကုန်) ဒု-ဥက္ကဋ္ဌနှင့် SOESAN(LYNN)အိမ်ခြံမြေအကျိုးဆောင်နှင့်
ဆောက်လုပ်ရေးလုပ်ငန်းမှ ဦးအောင်ထွန်း က''ဒီနှစ်ထဲဖြစ်ပေါ်နေတဲ့ အိမ်ခြံမြေဈေးကွက် အနေအထားကတော့ လက်ရှိ အိမ်ခြံမြေ အရောင်း အဝယ်တွေအေးနေပါတယ်။ ပြီးတော့ အစိုးရသစ် ပြောင်းလဲ လာပြီးတဲ့ အပေါ်မှာ ချမှတ်တဲ့ပေါ်လစီ တွေနဲ့ မူဝါဒတွေ အပေါ်မူတည်ပြီးတော့ အိမ်ခြံမြေ သမားတွေ က တော်တော် များများစောင့်ကြည့်နေ ကြတာတွေ ရှိနေပါတယ်။
လက်ရှိအခြေအနေအရ နိုင်ငံရေးအခြေအနေလည်း အလားအလာကောင်း လာပြီ ဆိုတော့ အိမ်ခြံ မြေ အလားအလာက ကောင်းမွန်လာတော့မှာပါ။ ပြီးခဲ့တဲ့ ၂ဝဝဝ ပြည့်နှစ်ကနေ ၂ဝ၁၃ ခုနှစ်ထိ ဖြစ်ပေါ် ခဲ့တဲ့ အိမ်ခြံမြေဈေးကွက် က အလွန်ဈေးနှုန်းတက် လာတာကိုတွေ့ရပါတယ်။ ဒီနောက်ပိုင်းချိန်ထိ အိမ်ခြံမြေဈေးနှုန်း အေးလာပြီး ဈေးကွက်ငြိမ်တာ ကိုတွေ့ရပါတယ်။
အိမ်ခြံမြေလုပ်ငန်းရှင်တွေက နိုင်ငံခြားသားခရီးသွားဧည့်သည်တွေကို ငှားရမ်းတာလည်း ဒေါ်လာနဲ့ ငှားတယ်ဆိုပေမယ့် ပြည်တွင်းငှားရမ်းမှုဈေးနှုန်းနဲ့ သိပ်မကွာခြားပါဘူး။ ဒီဈေးနှုန်းပါပဲ။ နိုင်ငံခြားသားတွေအတွက်က အိမ်တွင်းပစ္စည်းတွေကိုပါ ငှားရမ်းရတာဆိုတော့ ဈေးနှုန်းနည်းနည်း ပိုယူတာတော့ရှိနိုင်ပါတယ်။
ပြည်တွင်းမှာလည်း ဧပြီလပိုင်းက သတ်မှတ်ကောက် ခံလိုက်တဲ့ ဝယ်ခွန်နှုန်းထား က အရင်ထက်စာရင် သုံးဆလေးဆတက်လာတာ ကို တွေ့ရပါတယ်။ အစိုးရသစ်လက်ထက်ဖြစ်တဲ့အနာဂတ်ကာလမှာတော့ အိမ်ခြံမြေ ဈေးကွက်က ကောင်းမွန်လာနိုင်တယ်ဆိုတော့ အိမ်ခြံမြေဈေးကွက် ကို အားလုံး စောင့်ကြည့်လေ့လာနေကြပါတယ်''ဟု ရှင်းပြသည်။
လက်ရှိအနေအထားအရ မြန်မာနိုင်ငံအတွင်းခရီးသွားလုပ်ငန်းများ၊ ဟိုတယ်လုပ်ငန်းများသာ ယခုနှစ်အတွင်း ဈေးကွက် အခြေအနေကောင်း မွန်လျက် ရှိပြီး အခြားကျောက်မျက်လုပ်ငန်းများ၊ ရေထွက်ပစ္စည်းလုပ်ငန်းများနှင့်အခြားလုပ်ငန်းများအားလုံးမှာ ဖြည်းဖြည်းချင်းသာလည်ပတ်လျက်ရှိနေကြောင်းနှင့် ထို့အတွက်ကြောင့် အိမ်ခြံမြေဈေးကွက်မှာလည်း ဈေးကွက်အနေ အထားအရ အေးနေခြင်းဖြစ်ကြောင်း သိရသည်။
iMyanmarHouse.com မှ မန်နေဂျင်းဒါရိုက်တာ ဦးနေမင်းသူကလည်း ''အစိုးရသစ်တက်လာပြီးနောက်ပိုင်း အိမ်ခြံမြေဈေးကွက်အတွက်ကို ကျွန်တော်တို့အများကြီးမျှော်မှန်းထားပါတယ်။ နောင် ငါးနှစ်သက်တမ်းဖြစ်တဲ့ အစိုးရသစ်လက်ထက်မှာ ကျွန်တော်တို့ခန့်မှန်းထားတာကတော့ အိမ်ခြံမြေ ဈေးနှုန်းတွေကို ကျဆင်းအောင်ပြုလုပ်ပေးပြီး တန်ဖိုးနည်း အိမ်ရာတွေနဲ့ တန်ဖိုးမျှတအိမ်ရာတွေကို ချမှတ်ဖော်ဆောင်ပေးမယ် လို့ မျှော်မှန်းထားပါတယ်။
ဘာဖြစ်လို့လဲဆိုတော့ အခြေခံလူတန်းစားနဲ့ လူလတ်တန်းစားများအတွက် ဦးတည်ပြီး စီမံကိန်းများအကောင် အထည်ဖော်ဆောင်ရွက်မယ် လို့ မျှော်လင့်ထားတာမို့ပါ။ အခြေခံလူတန်းစားနဲ့ လူလတ်တန်းစားများအတွက် အကောင်အထည် ဖော်ဆောင်ရွက်မယ့် တန်ဖိုးနည်းအိမ်ရာတွေနဲ့ တန်ဖိုးမျှတအိမ်ရာတွေကို ဆောင်ရွက်မယ်ဆိုရင် ဖော်ဆောင်လို့ရတဲ့နေရာတွေ အများကြီးရှိပါတယ်။ ကျွန်တော်တို့ဖြစ်စေချင်တာကတော့ မြို့သစ်စီမံကိန်းတွေကို အရင်ဆုံးအကောင် အထည်ဖော်ဆောင်ရွက်စေချင်ပါတယ်။
ဥပမာအားဖြင့် ကြည့်မြင်တိုင်တစ်ဖက် ကမ်းဖြစ်တဲ့ တွံတေးဒေသ၊ မှော်ဘီ၊ သန်လျင်အစရှိတဲ့နေရာတွေမှာ မြို့သစ် စီမံကိန်းတွေကို အကောင် အထည်ဖော်ဆောင် ရွက်မယ်ဆိုရင် ဒီစီမံကိန်း နှစ်ခုစလုံး ဟာ မြန်မြန် ဆန်ဆန်နဲ့အကောင်အထည်ဖော်ဆောင် ရွက်နိုင် မှာ ဖြစ်ပါတယ်။ အနာဂတ်ကာလမှာတော့ အိမ်ခြံမြေ အရောင်းအဝယ်ဈေးကွက်တွေ ပိုမိုအားကောင်းလာမယ်လို့ ခန့်မှန်းထားပါတယ်။
နိုင်ငံခြားက ရင်းနှီးမြှုပ်နှံသူတွေကလည်း အစိုးရသစ်အပေါ်ယုံကြည်မှုများ ပိုမိုများပြားလာမှာဖြစ်ပြီး အိမ်ခြံမြေ အရောင်း အဝယ်နဲ့ အငှားတွေ ပိုမိုသွက်လက်လာပါလိမ့်မယ်''ဟု သုံးသပ်ပြောကြားသည်။
ပြီးခဲ့သည့် ၂ဝ၁၅ ခုနှစ် အောက်တိုဘာ ၉ ရက်က အမျိုးသားစီမံကိန်း နှင့် စီးပွားရေးဖွံ့ဖြိုးမှုဝန်ကြီးဌာန၏ ခွင့်ပြုချက်ဖြင့် ရန်ကုန်တိုင်းအိမ်ခြံမြေ လုပ်ငန်းရှင်များအသင်းကို တရားဝင်စတင်ဖွဲ့စည်းခဲ့ခြင်းဖြစ်ပြီး ယခုအခါ ရန်ကုန်တိုင်းဒေသကြီး အိမ်ခြံမြေလုပ်ငန်းရှင်များအသင်း၌ ဥက္ကဋ္ဌနှင့် ဒုတိယဥက္ကဋ္ဌအပါအဝင် အဖွဲ့ဝင် ၃ဝဝ ကျော်ရှိကြောင်း။
ထို့ပြင် ရန်ကုန်တိုင်းဒေသကြီး အိမ်ခြံမြေလုပ်ငန်းရှင်များအသင်းနှင့် iMyanmarHouse.com မှပူးပေါင်း၍ ''၂ဝ၁၆ အိမ်ခြံမြေဈေးကွက် အခြေအနေနှင့် အနာဂတ်အလားအလာ'' ဟောပြောဆွေးနွေးပွဲကို UMFCCI Office Tower ၌ လာမည့် မေ ၇ ရက်တွင် ကျင်းပသွားမည်ဖြစ်ကြောင်းနှင့် အိမ်ခြံမြေဆိုင်ရာ ဗဟုသုတများကို တတ်ကျွမ်းနားလည်ကြသော ဝါရင့်အသိ ပညာရှင်၊ အတတ်ပညာရှင်များ က ဆွေးနွေးဟောပြောပေး သွားမည်ဖြစ်ကြောင်း သိရသည်။
Source: MOI Webportal Myanmar