ဒဂုံအရှေ့ပိုင်းနဲ့ ရွှေပေါက်ကံတံတားအနီးမြေ ခေါ်ဈေးမြင့်
ဒဂုံအရှေ့ပိုင်းနဲ့ ရွှေပေါက်ကံကို ဆက်ထားတဲ့ တံတားပြီးသွားတာကြောင့် တံတားအနီးက မြေဈေးကွက်တွေ ခေါ်ဈေးမြင့်လာပေမဲ့ အဝယ်ကတော့ ဈေးကွက်စုံစမ်းတာမျိုးပဲ ရှိတယ်လို့ သိရပါတယ်။
ဇာမဏီအကျိုးဆောင် မှ ဦးကျော်စွာက "ခေါ်ဈေးတွေတော့ မြင့်လာတယ်၊ အဝယ်အချို့ ပြန်ဆင်းလာပေမဲ့ ကျပ်သိန်း ၆၀၀ပတ်လည်အကွက်တွေလောက်ပဲ၊ သိန်း ၁၀၀၀ ကျော်တာတွေကတော့ ဈေးခေါ်တာလောက်ပဲ" လို့ပြောပါတယ်။
ဒဂုံအရှေ့ပိုင်းမှာ ၁၂၈၊ ၁၂၇ ၊ ၁၅၉ စတဲ့ ကျန်စစ်သားလမ်းမတန်းရှိ မြေကွက်ဈေးတွေ ခေါ်ဈေးမြင့်လာတာလို့ သိရတယ် ။ ၁၃၈ ၊ ၁၃၉ စတဲ့အနီးအနာရှိ ရပ်ကွက်တွေမှာ တော့ ဈေးမတက်ပေမဲ့ အဝယ်တွေ အာရုံစိုက်လာတယ်လို့ အကျိုးဆောင် တချို့က ပြောပါတယ်။
ဝယ်ရောင်းအကျိုးဆောင် ဦးဝင်နိုင် က "တံတားပြီးသွားတော့ ဈေးကွက်နည်းနည်းပြန်လှုပ်လာတာပါ" လို့ပြောပါတယ်။ တံတားအနီးနဲ့ ကျန်စစ်သားလမ်းမ အနီးရှိ မြေကွက်ဈေးတွေက ပေ ၄၀ x ပေ ၆၀ ကို ကျပ်သိန်း ၆၀၀ နဲ့ ၆၅၀ လောက်ရှိပြီး လုံးချင်းအိမ်တွေကတော့ သိန်း ၁၂၀၀၊ ၁၃၀၀ ရှိတယ် ။ အတွင်းကွက်တွေကတော့ ကျပ်သိန်း ၁၀၀ အောက်များပြီး အများစုံးဈေးကတော့ ကျပ်သိန်း ၁၂၅ သိန်း ဝန်းကျင်ရှိတယ်လို့ သိရပါတယ်။
Source : The Kumudra