နိုင်ငံ၏ ဆိုးရွားနေသော အိမ်ခြံမြေဈေးကွက် တိုးတက်စေမည့် ကြိုးပမ်းချက်တစ်ခုအဖြစ်အာဏာပိုင်များက အပေါင် စာချုပ်ချေးငွေနှင့် အခွန်မူဝါဒများကို ဖြေလျှော့ခဲ့ပြီးနောက်ဧပြီလအတွင်း တရုတ်အိမ်ရာဈေးနှုန်းများ ကျဆင်းမှု နှေးကွေးလာကြောင်း စစ်တမ်းတစ်ခုတွင် ဖော်ပြသည်။ တရုတ်၏ အဓိကမြို့ကြီး ၁၀ မြို့တွင် အိမ်အသစ်တစ်လုံး၏ ပျမ်းမျှဈေးနှုန်းမှာ လအလိုက်အားဖြင့် တစ်စတုရန်းမီတာလျှင် သုည ဒသမ ၀၁ ရာခိုင်နှုန်း၊ ယွမ် ၁၀,၅၂၂ (‘ကန်’ဒေါ်လာ၁,၆၉၅) သို့ တဖြည်းဖြည်းကျဆင်းခဲ့ကြောင်း China Index Acedemy (CIA) က ၎င်း၏ဝက်ဘ်ဆိုက်ရှိ အစီရင်ခံစာတစ်ခုတွင် ဖော်ပြခဲ့သည်။ ထိုဧပြီလကျဆင်းမှုသည် မတ်လအတွင်း က ရရှိခဲ့သည့် ကျဆင်းနှုန်း သုည ဒသမ ၁၅ ရာခိုင်နှုန်းမှစပြီး ကျဆင်းမှုနှုန်းတွင် သိသာထင်ရှားသော နှေးကွေးမှုတစ်ခုကို ဖြစ်ပေါ်စေခဲ့သည်။ အိမ်ရာဈေးနှုန်းများမှာ ရှစ်လဆက်တိုက် ကျဆင်းခဲ့သည်။ ထိုသို့ ကျဆင်းခဲ့ပြီးနောက်ဇန်နဝါရီလက သုည ဒသမ ၂ ၁ ရာခိုင်နှုန်းသို့ အနည်းငယ်ပြန်တက်ခဲ့သည်။ ထိုသို့ ပြန်တက်ပြီး နောက်တစ်လ ဖေဖော်ဝါရီတွင် ပြန်၍ကျဆင်းခဲ့သည် ဟု China Index Acedemy ၏ ယခင်ကိန်းဏန်းများတွင် ဖော်ပြထားသည်။ တရုတ်နိုင်ငံ၏ စီးပွားရေးတွင် အိမ်ရာရင်းနှီးမြှုပ်နှံမှုသည် အဓိကအရေးပါသော အခန်းကဏ္ဍဖြစ်ပြီး နိုင်ငံ၏စီးပွားရေးနှေးကွေးနေမှုကြောင့် ဘဏ္ဍာငွေအခက် အခဲဖြစ်နေကြသော ဒေသအစိုးရအဖွဲ့အစည်းများ
အတွက် မြေရောင်းချမှုများက ၎င်းတို့အတွက် ဘဏ္ဍာငွေ ရှာဖွေသောအဓိကနည်းလမ်းဖြစ်သည်။ တစ်ချိန်က များပြားလှသော အရောင်းအဝယ်များဖြင့်သွက်လက်လှုပ်ရှားခဲ့သော တရုတ်အိမ်ရာဈေးကွက်သည် ယခုအခါတွင်
နှေးကွေးကျဆင်းနေပြီး ယင်းကြောင့် အာဏာပိုင်များက ဈေးကွက်ပြန်လည်ဦးမော့လာစေမည့်အကူအညီများ လိုအပ်နေသည်ဟု ယူဆထားကြသည်။ တရုတ်ပြည်သူ့ဘဏ်က နိုင်ငံတစ်ဝန်း ဒုတိယမြောက်အိမ်ရာများ ဝယ်ယူမှုနှင့် ပတ်သက်၍ အနည်းဆုံးစရန်ငွေပေးချေမှု နှုန်းများကို မတ်လနှောင်းပိုင်းက လျှော့ချ ကာ လေးနှစ်ကြာမူဝါဒကို ပြန်လည်ကျင့်သုံး ကာ အိမ်ရာပိုင်ဆိုင်လိုသူများ မတတ်နိုင်မှု ကြောင့် ပေါ်ပေါက်လာနိုင်သည့် ဆိုးကျိုး များကို ကာကွယ်သည့်အနေဖြင့် ဆောင် ရွက်ခဲ့သည်။ ဒုတိယမြောက်အိမ်ရာများရောင်းချမှုအပေါ်ကောက်ခံသည့် အမြတ်ခွန် ၂၀ ရာခိုင် နှုန်းကိုပေးဆောင်ရမည့် အချိန်အတွင်း အဆိုပါအိမ်ရောင်းချသူများ၏ အိမ်ပိုင်ဆိုင် မှု ကာလကိုလည်းလျှော့ချခဲ့သည်။ စက်တင်ဘာလအတွင်း အပေါင်စာချုပ် မူဝါဒများကို တရုတ်ပြည်သူ့ဘဏ်ကဖြေလျှော့ခဲ့ရာမှ မတ်လအတွင်း မူဝါဒ ဖြေလျှော့မှုကို ဆောင်ရွက်ခဲ့ခြင်းဖြစ်သည်။ တရုတ်ပြည်သူ့ဘဏ်သည် နိုဝင်ဘာလ ကတည်းက အတိုးနှုန်း စံအမှတ်များကို နှစ်ဆလျှော့ချခဲ့ပြီး ယခုနှစ်တွင်လည်း ချေးငွေများ တိုးတက်လာစေရန် ကြိုးပမ်းမှု အဖြစ် ဘဏ်များကအရန်ငွေအဖြစ် ထားရှိ ရမည့် ရန်ပုံငွေများ၏အချိုးအစားကိုလည်း နှစ်ကြိမ်လျှော့ချခဲ့သည်။ တရုတ်၏ စီးပွားရေးတိုးတက်မှုနှုန်း သည် ပြီးခဲ့သည့်နှစ်က ၇ ဒသမ ၄ ရာခိုင်နှုန်းအထိနှေးကွေးခဲ့ပြီး ယင်းနှုန်းထားမှာ ရာစုနှစ် တစ်ခု၏ သုံးလပတ်တစ်ခုအတွင်း အနည်းဆုံးနှုန်းထားဖြစ်ခဲ့သည်။ ထို့ကြောင့် အာဏာပိုင်များက စီးပွားရေးကျဆင်းမှုကို ငွေကြေးမူဝါဒပြောင်းလဲမှုများဖြင့် ဖြေရှင်းနိုင်ရန် ကြိုးပမ်းဆောင်ရွက်နေကြသည်။ လွှတ်တော်အမတ်များက ယခုနှစ်အတွင်း နောက်ထပ်ဖြေလျှော့မှုများကို ထုတ် ဖော်ကြေညာရန် လေ့လာသုံးသပ်သူများက မျှော်လင့်ထားကြသည်။ ဧပြီလအတွင်း နှစ်အလိုက် အခြေခံ အိမ်ဈေးနှုန်းများမှာ ၄ ဒသမ ၄၆ ရာခိုင်နှုန်း ကျဆင်းခဲ့ခြင်းသည် မတ်လအတွင်း နှစ်အလိုက် ကျဆင်းမှု ၄ ဒသမ ၃၅ ရာခိုင်နှုန်း မှ ထပ်မံကျဆင်းခဲ့ခြင်းဖြစ်ကြောင်း China Index Acedemy – CIA က ထုတ်ပြန်သည်။ တရုတ်၏ ထိပ်တန်း ၁၀ မြို့အတွင်း ပျမ်းမျှအိမ်ဈေးနှုန်းသည် တစ်စတုရန်း မီတာလျှင် ယွမ် ၁၈,၉၆၁ ဖြစ်ပြီး လွန်ခဲ့သည့် တစ်နှစ်ထက် ၃ ဒသမ၄၆ ရာခိုင်နှုန်းကျဆင်းခဲ့ကာ မတ်လက ဖြစ်ပေါ်ခဲ့သည့် ကျဆင်းမှုနှုန်း ၃ ဒသမ ၁၉ ရာခိုင်နှုန်း ထက် မြင့်တက်ခဲ့သည်ဟု CIA က ဖော်ပြထား သည်။
Trs: ဇာဇာစိုး / mmtimes