မြေယာပြဿနာများကို အစိုးရသက်တမ်းသုံးနှစ်အတွင်း အပြီးဖြေရှင်းမည်ဟု ရန်ကုန်တိုင်းဝန်ကြီးချုပ်ပြော

ရန်ကုန်တိုင်းရှိ မြေယာသိမ်းဆည်းမှု ပြဿနာများကို အစိုးရသက်တမ်း သုံးနှစ်အတွင်း အပြီးဖြေရှင်းဆောင်ရွက်သွားရန် စီစဉ်ထားကြောင်း ရန်ကုန်တိုင်း ၀န်ကြီးချုပ် ဦးဖြိုးမင်းသိန်းက ပြောကြားသည်။

လက်ရှိရန်ကုန်တိုင်းတွင် လယ်ယာမြေနှင့် မြေလွတ်၊ မြေ ရိုင်းများရယူထားသည့် ကုမ္ပဏီ များသည် စိုက်ပျိုးရေးလုပ်ငန်း လုပ်ကိုင်မှု အားနည်းချက်များရှိနေသည်ကို တိုင်းဒေသကြီး အစိုးရအနေဖြင့် စိုက်ပျိုးလုပ်ကိုင်ရန် တွန်းအားပေးသွားမည်ဟု ရန်ကုန်တိုင်းဒေသကြီး စိုက်ပျိုးရေးကဏ္ဍ ဖွံ့ဖြိုးတိုးတက်ရေး အလုပ်ရုံဆွေးနွေးပွဲတွင် ၀န်ကြီးချုပ်က ပြောသည်။

‘‘မြေသိမ်းယာသိမ်းပြဿနာ တွေကို သုံးနှစ်အတွင်း အပြီးပြတ် အောင် လုပ်ဆောင်ဖို့ တိုင်းအစိုးရ အနေနဲ့ လျာထားပါတယ်။ ဒီပြဿနာတွေ ကို ဖြေရှင်းဆောင် ရွက်ရာမှာလည်း အစိုးရအမြင်၊ ၀န်ကြီးဌာန အမြင်၊ ပြည်သူလူထု အမြင်တွေ ကို ပေါင်းစပ် လုပ် ဆောင်သွားပါ့မယ်’’ဟု ၀န်ကြီး ချုပ် ဦးဖြိုးမင်းသိန်းက ပြောသည်။ရန်ကုန်တိုင်းတွင် စိုက် ပျိုး ရေးလုပ်ကိုင်နိုင်မည့် လယ်ယာ မြေဧက ၂၅ သိန်းကျော်ရှိပြီး လက် ရှိ အမှန်တကယ် စိုက်ပျိုးမှုသည် ထက်ဝက်ခန့်သာ ရှိသည်ဟု ရန်ကုန်တိုင်းအစိုးရအဖွဲ့ စိုက်ပျိုးရေး၊ မွေးမြူရေး၊ သစ်တောနှင့် စွမ်းအင်ဝန်ကြီး ဦးဟန်ထွန်းက ပြောသည်။

ရန်ကုန်တိုင်းတွင် ပြီးခဲ့ သည့် နှစ်များ က မြေတန်ဖိုးကြီးမြင့် လာ ခြင်း၊ မြေဈေးကစားလိုသူများ၊ ငွေကြေးခ၀ါချလိုသူများက ဈေး နှုန်းတိုးမြှင့်ပေးပြီး လယ်ယာမြေ များ ၀ယ်ယူရင်းနှီးမြှုပ်နှံမှုကြောင့် လယ်သမားများက လယ်ယာလုပ် ငန်းခွင်မှ စွန့်ခွာရမှုများရှိသည်ဟု အိမ်ခြံမြေ အကျိုးဆောင် အချို့က ပြောသည်။

ထို့အပြင် စက်သုံးဆီဆိုင် များ၊ မွေးမြူရေးလုပ်ငန်းများ၊ အခြားသော စီးပွားရေးလုပ်ငန်း များလုပ်ကိုင်ရန်အတွက်လည်း လယ်ယာမြေများကို မူလတန်ဖိုး ထက် ဈေးနှုန်းတိုးမြှင့်ပေး၍ ၀ယ် ယူမှုရှိသည်ဟု အကျိုးဆောင်အ ချို့က ရှင်းပြသည်။

ရန်ကုန်တိုင်းတွင် နိုင်ငံတော်က သိမ်းယူပြီးနောက် ပြန်လည်စွန့်လွှတ်သည့် မြေဧက စုစုပေါင်းသည် ၂၀၁၆ မတ်လအထိ ဧက ၇,၀၀၀ကျော်ရှိကြောင်း မြေအသုံးချစီမံ ခန့်ခွဲမှုကော်မတီက ထုတ်ပြန်ထားသည်။

Source: 7DayDaily

မြေယာပြဿနာများကို အစိုးရသက်တမ်းသုံးနှစ်အတွင်း အပြီးဖြေရှင်းမည်ဟု ရန်ကုန်တိုင်းဝန်ကြီးချုပ်ပြော

Facebook comments