မန္တလေးတန်ဖိုးမျှ တိုက်ခန်းဝယ်ယူရန် လျှောက်ထားသူများလွန်း၍ မဲနှိုက်ရွေးချယ်ရာတွင် တစ်ရက်တည်းမပြီးပြတ်
မန္တလေးမြို့ မြရည်နန္ဒာ တန်ဖိုးမျှတအိမ်ရာ တိုက်ခန်းများ ၀ယ်ယူရန် လျှောက်ထားသူများ ပြားပြီး တိုက်ခန်းဝယ်ယူခွင့်အ တွက် မဲနှိုက်ရွေးချယ်ရာတွင် တစ်ရက်တည်းဖြင့် မပြီးပြတ်ဘဲ နောက်တစ်နေ့၌ဆက်လက်မဲနှိုက်ရွေးချယ်ပေးမည်ဖြစ်ကြောင်း သတင်းရရှိသည်။
မန္တလေးမြို့ ချမ်းမြသာစည် မြို့နယ် မြရည်နန္ဒာရပ်ကွက်တွင် မြို့ပြနှင့် အိမ်ရာဖွံ့ဖြိုးရေးဦးစီးဌာ နက တည်ဆောက်ကာ အရစ်ကျ စနစ်ဖြင့် ရောင်းချမည့် မြရည်နန္ဒာ တန်ဖိုးမျှအိမ်ရာ တိုက်ခန်း ၅၆၀ အတွက် ၀ယ်ယူခွင့်ရရန် လျှောက် ထားသူ ၁၃,၀၀၀ ကျော်ရှိသည်ဟု တိုက်ခန်းဝယ်ယူခွင့် မဲနှိုက်ရွေး ချယ်ရာတွင် ကြီးကြပ်နေသည့် မန္တ လေးတိုင်းဒေသကြီးအစိုးရအဖွဲ့ ရှမ်းတိုင်းရင်းသားရေးရာဝန်ကြီး ဦးစိုင်းကျော်ဇောက ပြောသည်။
‘‘လျှောက်ထားသူက အရမ်း များတယ်။ ဒီနေ့မပြီးဘူး။ နောက် နေ့ထိ မဲနှိုက်ရဦးမယ်’’ဟု ၎င်းက ပြောသည်။
တန်ဖိုးမျှတ အိမ်ရာများကို အများပြည်သူသို့ အရစ်ကျစနစ် ဖြင့် ရောင်းချပေးခြင်းဖြစ်ပြီး မန္တ လေးတိုင်းဒေသကြီးအတွင်းနေ ထိုင်သည့် အစိုးရ၀န်ထမ်း၊ ကုမ္ပ ဏီဝန်ထမ်း၊ အငြိမ်းစားများနှင့် ၀င်ငွေနည်းပြည်သူများ တန်းတူ ၀ယ်ယူခွင့်ပြုခဲ့၍လျှောက်ထားသူများပြားခြင်းဖြစ်ကြောင်း ဌာနဆိုင်ရာတာဝန်ရှိသူများက ပြော သည်။
‘‘အန်ကယ်တို့က Open ဖွင့် ပေးလိုက်တာ။ အားလုံးကိုရစေ ချင်တယ်။ အဓိကကတော့ အစိုးရ ၀န်ထမ်းတွေထဲက လျှောက်တာ အရမ်းများတယ်’’ ဟု ဦးစိုင်းကျော် ဇောက ပြောသည်။
ဇန်န၀ါရီ ၄ ရက် နံနက်ကစတင်ကာ ညနေ ၆ နာရီခန့်အထက် မဲနှိုက်ရွေးချယ်ရာတွင် မပြီးပြတ် သေးဘဲ နိုင်ငံ့ ၀န်ထမ်းများ၏ လျှောက်လွှာများ မှုနှိုက်ရန်ကျန်ရှိ နေဆဲဖြစ်သည်ဟု ၎င်းကဆိုသည်။
တန်ဖိုးမျှတိုက်ခန်း မဲနှိုက်ရွေးချယ်ရာတွင် လူများ၍ တိုးမပေါက်အောင်ဖြစ်ခဲ့ပြီး မြို့ပြနှင့် အိမ်ရာဖွံ့ဖြိုးရေးဦးစီးဌာနရုံးရှေ့ရှိ ကျုံးဘေး ၆၆ လမ်းကို ခေတ္တလမ်းပိတ်ထားခဲ့သည်ဟု တိုက်ခန်းဝယ် ယူခွင့်လျှောက်လွှာတင်ကာ သွားရောက်မဲနှိုက်ခဲ့သူများက ပြော သည်။
ကနဦးတွင် လျှောက်ထားသူ တစ်ဦးချင်းစီကို ကိုယ်တိုင်မဲနှိုက် စေခြင်းကြောင့် အနည်းငယ်အချိန် ကြန့်ကြာခဲ့ပြီး နောက်ပိုင်းတွင် ကြီးကြပ်ရေးအဖွဲ့က ကိုယ်စားမဲ နှိုက်ပေးနေသော်လည်း လျှောက် ထားသူများလွန်း၍ အချိန်ကြာ မြင့်စွာစောင့်ဆိုင်းခဲ့ရသည်ဟု ၎င်းတို့ကပြောသည်။
တန်ဖိုးမျှတတိုက်ခန်း ၀ယ် ယူခွင့်လျှောက်ထားသူ၏ မိသားစု သည် ပျမ်းမျှလစဉ်ဝင်ငွေအနည်း ဆုံး ကျပ်လေးသိန်းမှ ငါးသိန်းအ ထိ ရှိရမည်ဟု စည်းကမ်းသတ် မှတ်ထားပြီး အရစ်ကျလေးလဖြင့် အကျေပေးချေရေးစနစ် (သို့မ ဟုတ်) ဘဏ်ချေးငွေစနစ်တို့ဖြင့် ၀ယ်ယူမည်ဆိုသည်ကို လျှောက် လွှာတင်ချိန်ကတည်းက တစ်ခါ တည်းဖော်ပြလျှောက်ထားရသည် ဟု ၎င်းတို့က ဆိုသည်။
‘‘အိမ်ပိုင် ရာပိုင်မရှိဘူးဆိုတဲ့ အကြောင်း ရပ်ကွက်ထောက်ခံ စာယူရတယ်။ မြို့နယ်ကိုလည်း မိတ္တူပို့ရတယ်။ ဒီတစ်ခါမရလည်း နောက်ထပ်ဆောက်ပေးမယ်ဆို လို့ လျှောက်ထားတာ’’ဟု တန်ဖိုး မျှအိမ်ရာဝယ်ယူခွင့်လျှောက်ထား သည့် မန္တလေးမြို့ခံ အစိုးရ၀န် ထမ်းတစ်ဦးက ပြောသည်။
မြရည်နန္ဒာတန်ဖိုးမျှတအိမ် ရာများကို မြေညီထပ်တစ်ခန်းလျှင် ကျပ် ၂၂၃ သိန်း၊ ပထမထပ်တစ် ခန်းလျှင် ကျပ် ၂၀၈ သိန်း၊ ဒုတိယ ထပ် ကျပ် ၁၉၃ သိန်း၊ တတိယ ထပ် ကျပ် ၁၇၈ သိန်း၊ စတုတ္ထ ထပ် ကျပ် ၁၆၃ သိန်းနှုန်းများဖြင့် ရောင်းချမည်ဖြစ်ပြီး လက်ငင်းစ နစ်၊ အရစ်ကျစနစ်၊ ဘဏ်ချေးငွေ စနစ်တို့ဖြင့် ရောင်းချပေးမည် ဖြစ် သည်။
မဲပေါက်၍ တိုက်ခန်းဝယ်ယူ ခွင့်ရသူသည် (၁) တိုက်ခန်းတန် ဖိုးကို အရစ်ကျစနစ်ဖြင့် လေးလ၊ လေးရစ်ဖြင့် အကျေပေးချေသော စနစ်၊ (၂) ဘဏ်ချေးငွေဖြင့် ၀ယ် ယူသောစနစ်(ဆောက်လုပ်ရေး နှင့် အိမ်ရာဖွံ့ဖြိုးရေးဘဏ်နှင့် ဆက်သွယ်ဆောင်ရွက်ရန်ဖြစ်ပြီး) တိုက်ခန်း၏ ၃၀ ရာခိုင်နှုန်းကို တစ်ကြိမ်တည်း အကျေပေးသွင်းခြင်း (သို့မဟုတ်) တစ်နှစ်အတွင်း အရစ်ကျပေးသွင်းခြင်းဖြင့် ဦးစွာပေး သွင်းကာ တိုက်ခန်း၏ တန်ဖိုး ၇၀ ရာခိုင်နှုန်းကို ဘဏ်ချေးငွေစနစ်ဖြင့် ရှစ်နှစ်အတွင်း ပေးချေရမည် ဖြစ်ကြောင်း မြို့ပြနှင့်အိမ်ရာဖွံ့ဖြိုးရေးဦးစီးဌာနမှ သတင်းရရှိသည်။
မန္တလေးတိုင်းဒေသကြီးတွင် သုံးနှစ်အတွင်း တန်ဖိုးမျှအိမ်ရာ တိုက်ခန်းပေါင်း ၈,၆၀၀ ခန့် ဆောက်လုပ်ပေးရန် လျာထား ကြောင်း မြို့ပြနှင့် အိမ်ရာဖွံ့ဖြိုးရေး ဦးစီးဌာနမှ သတင်းရရှိသည်။
Source : 7day Daily News