နေအိမ်တိုက်ခန်းပြင်ဆင်မှု အသေးစားနှင့်အကြီးစားပြင်ဆင်မှုများ
.jpg)
နေအိမ်တိုက်ခန်းပြင်ဆင်မှု အသေးစားနှင့်အကြီးစားပြင်ဆင်မှုများ
ယခုခေတ်အခါတွင် အိမ်အလှဆင် ဆောက်လုပ်ရေးအိမ်သုံးပစ္စည်းများ အမျိုးအစား
အစုံအလင်၊ အမှတ်တံဆိပ်အစုံအလင်ဖြင့် နိုင်ငံအများစုမှ ပေါများစွာ ၀င်ရောက်နေပြီး
အိမ်ရှင်များအနေဖြင့် မိမိတို့အိမ်အား အတွင်းအပြင် ပြုပြင် ပြင်ဆင်နေထိုင်ခြင်း၊ ပန်း
စိုက်ဝါသနာပါသူများအနေဖြင့်လည်း ပန်းအိုးစဉ်များကို စနစ်တကျ ပြင်ဆင်ဆောက်လုပ်
ထားရှိခြင်း၊ ခြံစည်းရိုးများ ပြင်ဆင်ဆောက်လုပ်ခြင်းစသဖြင့် အခါအားလျော်စွာ ပြုလုပ်
လာခြင်းများကို တွေ့ရသည်။
နေအိမ်ရှေ့ မျက်နှာကျက်များ၊ လသာဆောင်များနှင့် ဆင်ဝင်များစသဖြင့် အလှဆင်ရာ
နေရာများနှင့် အတွင်းလှေကားများ၊ ကြမ်းခင်းကြွေပြားများ၊ သစ်အစားထိုး ကြမ်းခင်းများ
နှင့် အခန်းနံရံဖွဲ့များ စသဖြင့် သုံးစွဲပြုပြင်လာခြင်းများကိုတွေ့ရပြီး အိမ်အလှဆင် လုပ်ငန်း
များမှာလည်း လုပ်ငန်းပိုမိုကောင်းမွန်လာခြင်းများရှိနေပြီး အချို့ဆောက်လုပ်ရေးကုမ္ပဏီ
များတွင် မိမိတို့ဆောက်လုပ်ရောင်းချသော အခန်းများအား လိုအပ်သည့် အိမ်အလှဆင်
လုပ်ငန်းများနှင့် ပစ္စည်းပစ္စယစရိတ်စကကို အခမဲ့ဝန်ဆောင်မှုများ ပေးလာသည်အထိ
ဆောင်ရွက်ပေးလာခြင်းများ ရှိလာကြသည်။ အချို့မှာ မိမိတို့နေထိုင်သည့် အိမ်၏ ဟောင်း
နွမ်းနေသော အစိတ်အပိုင်းများအား ပြန်လည် ပြင်ဆင်လိုခြင်းများလည်း ရှိကြပြီး အထူး
သဖြင့် လွန်ခဲ့သည့် နှစ်ပေါင်းသုံးလေးဆယ်ခန့်မှ ဆောက်လုပ်ခဲ့သော တိုက်ဟောင်း၊
အိမ်ဟောင်းများရှိ ဟောင်းနွမ်းယိုယွင်းနေသောကြမ်းခင်းများနှင့် ဆွေးမြေ့နေသော
သစ်တိုင်များနှင့် အုတ်နံရံအက်ကွဲကြောင်းများ၊ မိုးရေစိမ့်ဝင်ခြင်းများကြောင့် ပြင်ဆင်ရန်
လိုအပ်နေသည့် နေအိမ်များကိုလည်း တွေ့ရတတ်သည်။
ရန်ကုန်မြို့တော်စည်ပင်သာယာရေးကော်မတီမှ ထုတ်ပြန်သော အဆောက်အအုံ
ဆိုင်ရာနည်းဥပဒေများအရ အဆောက်အအုံ တစ်ခုခုအား အသစ်ဆောက်လုပ်ခြင်း၊
တိုးချဲ့ဆောက်ခြင်း၊ အကြီးစား သို့မဟုတ် အသေးစားပြင်ဆင်ခြင်း၊ ခြံစည်းရိုး
ကာရန်ခြင်း၊ဖြိုဖျက်ခြင်း စသည့် လုပ်ဆောင်ချက်များကို ကော်မတီ၏ ခွင့်ပြုချက်မရဘဲ
ပြင်ဆင်ဆောက်လုပ်ခွင့် မပြုထားပေ။
ထိုသို့ပြင်ဆင်ရာတွင် ရန်ကုန်မြို့တော်စည်ပင်သာယာရေးနယ်နမိတ်အတွင်းရှိ အိမ်များ
အဖို့တိုက်ခန်းနံရံများ ဆေးခွာ၊ ဆေးသုတ်ခြင်း၊ အမိုးလဲခြင်း၊ တိုက်ခန်းတွင်း အထပ်
သားကာ၍ အခန်းဖွဲ့ခြင်းစသည့် ပြင်ဆင်မှုများကို အသေးစားပြင်ဆင်မှုများအဖြစ် ပြင်
ဆင်ခွင့်လျှောက်ထားရမည် ဖြစ်ပြီး အဆောက်အအုံတစ်ခုလုံးအား ပြင်ဆင်မည်ဆိုပါက
အကြီးစားပြင်ဆင်မှုအဖြစ် ရန်ကုန်မြို့တော်စည်ပင်သာယာရေးကော်မတီ အင်ဂျင်နီယာ
ဌာနသို့သွားရောက် လျှောက်ထားရမည် ဖြစ်သည်။
ထို့အပြင် ပြင်ဆင်မည့် အဆောက်အအုံသည် ပြင်ဆင်ရန်အတွက် သင့်တော်မှုမရှိတော့ပဲ
လုံးဝဖြိုဖျက်ရန် အခြေအနေရှိနေပါက အန္တရာယ်ရှိ အဆောက်အအုံအဖြစ် သတ်မှတ်ရ
မည်ဖြစ်ပြီး ဖြိုဖျက်ရန် အခြေအနေ ရှိမရှိကို စည်ပင်သာယာရေးကော်မတီ အင်ဂျင်နီယာ
ဌာန ( အဆောက်အအုံ ) မှပင် လာရောက် စစ်ဆေးမည်ဖြစ်ပြီး လူဆက်လက်နေထိုင်ရန်
အန္တရာယ်ရှိမရှိ စစ်ဆေး၍ သတ်မှတ်ချက် ချထားပေးမည်ဖြစ်ပြီး အန္တရာယ်ရှိ အဆောက်
အအုံအဖြစ် သတ်မှတ်ပါက ထိုအဆောက်အအုံတွင် နေထိုင်သူများအနေဖြင့် ဖယ်ရှား
နေထိုင်ရမည်ဖြစ်ပြီး အဆောက်အအုံဖြိုဖျက်ပြီးပါကလည်း အဆောက်အအုံတည်ရှိရာ
မြေကွက်အတွင်း ၀င်ရောက်နေထိုင်ခြင်းများကို ခွင့်မပြုပဲ ထိုတားမြစ်ချက်ကို ဖောက်
ဖျက်ပါက ထိုဖောက်ဖျက်သူများအား သက်ဆိုင်ရာ စည်ပင်သာယာရေးဌာနမှ တရားစွဲ
အရေးယူဆောင်ရွက်နိုင်ခြင်းကြောင့် အိမ်ရာတိုက်ခန်း ပြင်ဆင်ခြင်း၊ ဖြိုဖျက်အသစ်
ဆောက်လုပ်ခြင်းများ ပြုလုပ်ရန်ရှိသူများအတွက် ရေးသား တင်ပြလိုက်ပါသည်။
Property Media Team
www.Property.com.mm