အမွန္တကယ္ တန္ဖုိးနည္းအိမ္ရာႏွင့္ အငွားအိမ္ရာမ်ား ပိုမုိေမွ်ာ္လင့္

အမှန်တကယ် တန်ဖိုးနည်းအိမ်ရာနှင့် အငှားအိမ်ရာများ ပိုမိုမျှော်လင့် 

မြို့ပြသို့ ပြောင်းရွှေ့အခြေချအလုပ်လုပ်ကိုင်လိုသူများနှစ်စဉ် အများအပြား

တိုးတက်လျက်ရှိနေပြီး ထိုပြောင်းရွှေ့အခြေချသူများနှင့် လာရောက် အလုပ်

လုပ်ကိုင်သူများအတွက်မှာလည်း နှစ်စဉ် အိမ်ရာလိုအပ်ချက်များ ရှိနေဦး

မည် ဖြစ်သည်။အိမ်ခြံမြေဈေးကွက်ကျွမ်းကျင်သူများနှင့် ဆောက်လုပ်ရေး

လုပ်ငန်းရှင်များမှသုံးသပ်ပြောကြားချက်များအရ လက်ရှိအခြေအနေတွင် 

ရေရှည်ရင်းနှီးမြှုပ်နှံထားရန် ငွေကြေးအင်အား လိုအပ်ချက်များနှင့် အိမ်ခြံ

မြေဈေးကွက်ကျဆင်းနေမှုများ ကြောင့် အရောင်းအဝယ်မဖြစ်သဖြင့် 

ဆောက်လုပ်ရေးလုပ်ငန်းငယ်အချို့ ရပ်ဆိုင်းထားရသည့် အခြေအနေများ 

ဖြစ်ပေါ်နေပြီး အခက်အခဲကြုံတွေ့နေရသည်ဟု ဆိုသည်။

“ကျွန်တော်တို့က အကျိုးတူဆောက်တာပေ့ါ ၂၀၁၅ ထဲမှာတော့ အရောင်း

ဖြစ်တယ် အသင့်အတင့်ပေ့ါ ငွေလည်ပတ်နိုင်တယ် ဒီနှစ်ထဲမှာက ကြိုပွိုင့်

တချို့တလေလောက်ပဲ လာတာရှိတယ် ပွင့်ပွင့်လင်းလင်းပြောရရင် ငွေ

မနိုင်တော့ ဆောက်လက်စလေးတွေပဲ အပြီးသတ်နိုင်သလောက် လုပ်ပြီး

နားထားရတယ် တိုက်ခန်းဈေးတွေကလည်း ထပ်တတ်ဖို့နေနေသာသာ

လက်ရှိဈေးလောက်နဲ့တောင် အရောင်းအဝယ်ကပါးနေတော့ ရင်းနှီးဖို့

၀ယ်ချင်တဲ့သူတွေကလည်း ချင့်ချိန်လာကြတာပေ့ါ ကန်ထရိုက်တိုက်

ဆောက်ချင်တဲ့ အိမ်တွေလည်း မရဲဘူးဖြစ်နေတာတွေ ရှိတယ် တတ်နိုင်

တဲ့သူကတော့ ဆောက်ကြပါတယ် များသောအားဖြင့် မြို့နယ်လေးတွေ

မှာက ပေ ၄၀x၆၀ သို့မဟုတ် ၂၀x၄၀ အကွက်လေးတွေကို အကျိုးတူ

ဆောက်ကြတာများတယ်  အဓိကကတော့ ကန်ထရိုက်က ရင်းနှီးမှု

ပိုထည့်ကြတာများပါတယ် အရောင်းအဝယ်အခြေအနေကြည့်ပြီး ဆက်

ဆောက်ဖို့ရှိတာတွေလည်း များပါတယ် လောလောဆယ်တော့

ဈေးကွက်အခြေအနေက စောင့်ကြည့်နေရတုန်းပေ့ါ ခုချိန်မှာက လူတွေ

က တန်ဖိုးနည်းအိမ်ရာတွေ အငှားအိမ်ရာတွေအပေါ် ပိုအာရုံကျနေကြ

တယ် ဒါကလည်း ဘာပဲဖြစ်ဖြစ် ကောင်းပါတယ် အများနေထိုင်မှု အဆင်

ပြေရင် ကိုယ်လည်း ပြည်သူတစ်ဦးဆိုတော့ ကြိုဆိုတာပေ့ါ အစိုးရက

များများဆောက်ပေးနိုင်လေ ပြည်သူတွေ အကျိုးရှိလေပဲ ကိုယ့်လုပ်ငန်း

အနေနဲ့ကတော့ နေရာအကွက်ကွင်း ကောင်းရင် ဝယ်လက်တွေအတွက်

အကြိုက်တွေမယ့် နေရာကောင်း စီးပွားရေးလုပ်ငန်းလုပ်ဖို့ဖြစ်ဖြစ် အသွား

အလာ ဆက်သွယ်ရေး အဆင်ပြေနိုင်မယ့်နေရာလေးတွေဖြစ်ဖြစ် ဒါက

လည်း ဈေးကွက်တစ်ခုအနေနဲ့ ရှိနေဦးမှာပဲ အရောင်းအဝယ်လေးတွေ 

ပြန်လှုပ်လာရင်တော့ ဆက်လုပ်ဖို့ စဉ်းစားထားပါတယ်” ဟု

သာကေတမြို့နယ်အတွင်း ဆောက်လုပ်ရေးလုပ်ငန်းများ လုပ်ကိုင်နေ

သည့် ကန်ထရိုက်တစ်ဦးမှ ပြောသည်။

မြန်မာနိုင်ငံ ဆောက်လုပ်ရေးလုပ်ငန်းရှင်များ၏ ခန့်မှန်းချက်အရ ရန်ကုန်မြို့

တွင် နှစ်စဉ် အိမ်ရာတိုက်ခန်းလိုအပ်ချက်များအနေဖြင့် ၇၅၀၀၀ မှ ၁၀၀၀၀၀ 

ခန့်အထိရှိနိုင်ပြီး တိုးတတ်လာသော ရန်ကုန်မြို့ပြလူဦးရေနှင့် အိမ်ထောင်စု

များအတွက် အလျင်မီအောင် ဆောက်လုပ်ပေးနိုင်မှုများ ပြုလုပ်ပေးရန် 

လိုအပ်သလို အစိုးရအနေဖြင့် အိမ်ရာတည်ဆောက်ရေးလုပ်ငန်းများတွင် 

ထိရောက်သော စီမံကိန်းများနှင့် အခွင့်အလမ်းကောင်းများ ချမှတ်ပေးရန် 

လိုအပ်မည်ဟု ဆိုသည်။

ဆောက်လုပ်ရေးလုပ်ငန်းများအနေဖြင့် ဈေးကွက်မြှင့်တင်မှုနှင့် တိုက်ခန်းများ

အရောင်းထွက်စေရန်အတွက်  အိမ်ခြံမြေပြပွဲများ၌ ဝင်ရောက်ပြသခြင်းများ၊

ဘဏ်ချေးငွေ စနစ်များဖြင့် ချိတ်ဆက်၍ ဝယ်လိုများအတွက် အစီအစဉ်

အထောက်အပံ့ကောင်းများ ပံ့ပိုး၍ အားစိုက်လုပ်ဆောင်နေရသည့် အခြေ

အနေ ဖြစ်လျက်ရှိသည်။

ရန်ကုန်အိမ်ခြံမြေဈေးကွက် အနေအထားမှာ အိမ်ခြံမြေ ဝယ်ရောင်းသမားများ

နှင့် အခြားဝယ်လိုများ၊ ရင်းနှီးမြှုပ်နှံမှုအနေဖြင့်လည်း ဈေးကွက်အခြေအနေ 

ခိုင်မာမှု မရှိသေးသည့် အိမ်ရာတိုက်ခန်းများ၌ ရင်းနှီး မြှုပ်နှံလိုမှုများ အားနည်း

လျက် ရှိနေကြပြီး ဈေးနှုန်းသင့်တင့်သက်သာသော မြို့စွန်မြို့နယ်များ

အတွင်းရှိ မြေကွက်များအား ပိုမိုစိတ်ဝင်စားမှု ရှိလာကြောင်း သိရသည်။

ရင်းနှီးမြှုပ်နှံသူ ဝယ်လက်အများစုမှာ နယ်ဒေသများရှိ အိမ်ခြံမြေဈေးကွက်များ

အားပိုမိုစိတ်ဝင်စားမှုများ များလာကြပြီး အိုးပိုင်အိမ်ပိုင်မရှိသူ အခြေခံလူတန်း

စားပြည်သူများအနေဖြင့်မူ အစိုးရမှ ဖော်ဆောင်ပေးမည့် တန်ဖိုးနည်းအိမ်ရာ

များနှင့် အငှားအိမ်ရာစနစ်များကို ပိုမိုကောင်းမွန်ပြည့်စုံစွာ လုပ်ဆောင်ပေးနိုင်

မည့်အခြေအနေ အချိန်ခါကာလကို မျှော်လင့်မှုများ ရှိနေကြသည်။

“ကျွန်တော်တို့အနေနဲ့တော့ တန်ဖိုးနည်းအိမ်ရာဆိုတာလည်း ကြိုဆိုတယ်

ပိုမျှော်လင့်တာက အငှားအိမ်ရာတွေများများ ဆောက်စေချင်တယ်ပေ့ါ

ခုကြားမိတာက ၅ နှစ်ပေ့ါ နေထိုင်ခွင့်ပေးမယ် ငါးနှစ်ပြည့်သွားရင်လည်း

ထပ်ပြီး အငှားနေထိုင်ခွင့် တင်နိုင်တယ် ဘာပဲပြောပြော အပြင်မှာ ငှားနေရတာ

ထက်စာရင် အများကြီး နေထိုင်မှု စရိတ်စက သက်သာတယ်လေ ရန်ကုန်မှာ

က ကိုယ်ပိုင်အိမ်မရှိတဲ့ အောက်ခြေလူတန်းစားတွေက အများကြီးပဲဆိုတော့

အငှားအိမ်ရာတွေက ပိုအထောက်အကူပြုမယ်လို့ ထင်တယ် ဒီကြားထဲမှာ

တန်ဖိုးနည်းအိမ်ရာ ဝယ်ချင်တဲ့သူတွေအတွက်လည်း စုမိဆောင်းမိအောင်

ကြိုးစားသွားရင် ကိုယ်ပိုင်အခန်းတစ်ခုတော့ ပိုင်လာနိုင်တာပဲ ခုချပေးမယ့်

တန်ဖိုးနည်းအိမ်ရာတွေဆိုတာက သာမန်ဝင်ငွေထက် ပိုဝင်ငွေကောင်းတဲ့

သူတွေလောက်ပဲ ပိုအကျိုးရှိမယ် သူ့နေရာနဲ့သူပေ့ါ နေရေထိုင်ရေးအတွက်

ပိုအကျိုးပြုနိုင်တာကတော့ အငှားအိမ်ရာတွေက ပိုအဆင်ပြေမယ်လို့ထင်

ပါတယ်”ဟု တန်ဖိုးနည်းအိမ်ရာ လျှောက်ထားသူ ပြည်သူတစ်ဦးမှ ပြောသည်။

လက်ရှိ အစိုးရသစ်လက်ထက်တွင် နိုင်ငံအနှံ တိုင်းဒေသကြီး၊ ပြည်နယ်များ

တွင်တန်ဖိုးနည်းအိမ်ရာများနှင့် အငှားအိမ်ရာစနစ်များကို အကောင်အထည်

ဖော်ဆောက်လုပ်ပေးနေပြီး ရန်ကုန်တိုင်းဒေသကြီးအတွင်းတွင် အငှားအိမ်ရာ

အခန်းပေါင်း ၁၂၀၀ ကျော်တည်ဆောက်ပေးထားပြီး တစ်ပြည်လုံးအတိုင်း

အတာအားဖြင့် အငှားအိမ်ရာအခန်းပေါင်း ၅၀၀၀ ခန့် တည်ဆောက်လျက်

ရှိကြောင်းသိရသည်။

Property Media Team

www.Property.com.mm