မန္တလေး အိမ်ခြံမြေအငှားဈေးကွက်မှာတော့ မြို့ထဲနဲ့ သွားလာရနီးတဲ့ တိုက်ခန်းနဲ့ အိမ်ရာတွေကို ငှားရမ်းတာများပါတယ်။
ဖိုးလမင်း အိမ်၊ခြံ၊မြေနှင့် အထွေထွေအကျိုးဆောင်လုပ်ငန်းမှ ကိုဝဏ္ဏစိုးက မြို့ထဲနဲ့ နီးတဲ့အတွက် သွားရေးလာရေးအဆင်ပြေတယ်၊မြို့ထဲမှာလို ဌားရမ်းခဈေးတအား မမြင့်တာလဲပါတယ် လို့ပြောပါတယ်။
မန္တလေးမြို့ထဲနဲ့ နီးတဲ့ ရတနာတိုင်းပြည်အိမ်ရာတိုက်ခန်း၊လမ်း ၃၀ လူမှုဝန်ထမ်းတိုက်ခန်းနဲ့ မြို့သစ်ဘက်မှာရှိတဲ့ လမ်းသွယ်တွေက လုံးချင်းနေအိမ်တွေက တစ်လကို
ကျပ်ငါးသိန်းဝန်းကျင်ရှိတဲ့ အတွက်အဲသည်နေရာတွေကို ငှားရမ်းတဲ့ သူတွေများတယ်လို့ မန္တလေးကအိမ်ခြံမြေ ၀န်ဆောင်မှု လုပ်ငန်းလုပ်ကိုင်သူ တချို့ကဆိုပါတယ်။
အိမ်ခြံမြေငှားရမ်းမှုတွေကတော့ ပုံမှန်ရှိနေပေမဲ့လည်း အရောင်းအ၀ယ်ခက်ကျဲကျဲသာ ဖြစ်တာကိုတွေ့ရပါတယ်။
Source : The Modern