မြန်မာ့စီးပွားရေး အလားအလာနှင့် အခွင့်အလမ်းများတိုးတက်ရေး
နိုင်ငံတော်နှင့် ပြည်သူအများ ကြိုးစားဖော်ဆောင်ဖို့လို
နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က နိုင်ငံတစ်နိုင်ငံ၏
စီးပွားရေးတိုးတက်ကောင်းမွန်မှု အားသားချက်အား သုံးသပ်ပြောဆိုရာတွင်
ပြည်သူလူထုနှင့် တပ်မတော်အတွက် ဒီမိုကရေစီစနစ်၏ ကောင်းကျိုးကို ပြသ
နိုင်မည့်အရာတစ်ခုမှာ နိုင်ငံ၏ စီးပွားရေးအောင်မြင်မှု ဖြစ်ကြောင်း ပြောဆိုခဲ့သည်။
အစိုးရအနေဖြင့် မြို့ပြနှင့်ကျေးလက်ဒေသများ ပညာရေး၊ ကျန်းမာရေးအပါအ၀င်
လူမှုစီးပွားကဏ္ဍများ တစ်ပြေးညီဖွံ့ဖြိုးရေးအတွက် ကြိုးပမ်းဆောင်ရွက်လျက်ရှိပြီး
ဒေါ်အောင်ဆန်းစုကြည်၏ အမေရိကန်ခရီးစဉ်အတွင်း ချေးငွေအစုစု အာမခံ
အစီအစဉ်သစ်တစ်ရပ် ချမှတ်နိုင်ခဲ့ကာ မြန်မာနိုင်ငံ၏ လယ်ယာစိုက်ပျိုးရေး၊
မွေးမြူရေးနှင့် အခြားသော တစ်နိုင်တစ်ပိုင် အသေးစား အလတ်စား စီးပွားရေး
လုပ်ငန်းများ အထူးသဖြင့် အခြေခံလူတန်းစား ပြည်သူလူထုများအတွက်ဝန်ဆောင်မှု
ပေးနိုင်ရန်အတွက် ဆောင်ရွက်သွားရန် သဘောတူညီမှုရရှိခဲ့သည်။ မြန်မာနိုင်ငံသို့
ရောက်ရှိခဲ့သော သမ္မတအိုဘားမားကလည်း မြန်မာနိုင်ငံ၏ မြေယာပြဿ နာများ၊
စိုက်ပျိုးရေးကဏ္ဍများနှင့် ဆက်လျင်း၍ မြန်မာနိုင်ငံသည် စိုက်ပျိုးရေးကဏ္ဍကို
အားထားနေရဆဲ အခြေအနေရှိနေသေးပြီး မြေယာကိစ္စများနှင့် ပတ်သက်၍ ပြုပြင်
ပြောင်းလဲရေးလုပ်ငန်းများနှင့် စိုက်ပျိုးရေးကဏ္ဍအပိုင်းမှာ ထုတ်လုပ်မှု မြှင့်တင်နိုင်
ဖို့အတွက် အရေးကြီး လုပ်ဆောင်ရမယ့် အခြေအနေရှိကြောင်း ပြောဆိုခဲ့ခြင်း
များကြောင့် ထိုအစီအစဉ်အား တစ်နည်းတစ်လမ်း အကောင်အထည်ဖော်ပေးနိုင်ရန်
အတွက် စီစဉ်လုပ်ဆောင်ခြင်းဟုလည်း ယူဆရမည် ဖြစ်သည်။
ကမ္ဘာ့ဘဏ်မှ ထုတ်ပြန်ထားသော အစီရင်ခံစာအသစ်တွင် မြန်မာနိုင်ငံအပါအ၀င်
အရှေ့အာရှ ပစိဖိတ်ဒေသများအတွင်း စီးပွားရေးဖွံ့ဖြိုးတိုးတက်မှုနှုန်း တည်ငြိမ်မည်
ဟု ခန့်မှန်းထားကြောင်း ထုတ်ပြန်ကြေညာထားသော်လည်း လက်ရှိမြန်မာနိုင်ငံ၏
ငွေကြေးဈေးကွက် မတည်ငြိမ်မှု၊ ငွေကြေးဖောင်းပွမှုနှုန်းများ မြင့်တတ်လာလျက်
ရှိနေပြီး ဘဏ်လုပ်ငန်းဆိုင်ရာ ကျွမ်းကျင်ပညာရှင်အချို့မှ အကြံပြုပြောကြားမှု
များတွင် မြန်မာနိုင်ငံအနေဖြင့် ပြည်ပပို့ကုန်ကျဆင်းနေပြီး သွင်းကုန်မြင့်တတ်
နေခြင်းများက ငွေကြေးဖောင်းပွမှုအတွက် အချက်တစ်ခုဖြစ်ပြီး မြန်မာနိုင်ငံ၏
ဒေါ်လာဈေးကွက်မှာလည်း တရားဝင်လမ်းကြောင်းသာမက တရားမ၀င်သော
လမ်းကြောင်းများမှပါ ၀င်ရောက်နေခြင်းများနှင့် ဒေါ်လာအရောင်းအ၀ယ်အား
ကုန်ပစ္စည်းတစ်ခုကဲ့သို့ စုဆောင်းရောင်းဝယ်မှုများကြောင့်လည်း ၀ယ်လိုအားနှင့်
ရောင်းလိုအား ကွာခြားပြီး ဈေးအတတ်အကျအပေါ်မူတည်၍ ငွေကြေးဖောင်းပွ
မှုများလည်း ရှိသောကြောင့် ထိန်းချုပ်ရန် ခက်ခဲမှု ရှိနိုင်ကြောင်းသိရသည်။
ကမ္ဘာ့ဘဏ်မှ မြန်မာနိုင်ငံဆိုင်ရာ စီးပွားရေးပညာရှင်တစ်ဦးမှ သုံးသပ်ရာတွင်
ငွေကြေးဖောင်းဖွမှုများလာပါက ရင်းနှီးမြှုပ်နှံမှုများ လျော့ပါးသွားနိုင်ကြောင်းနှင့်
ထိုအခြေအနေများအား ဂရုမစိုက်ပဲ မျှော်လင့်ချက်ကောင်းကောင်းဖြင့် ရင်းနှီးမြှုပ်နှံ
မှုများ ဆက်လက်လုပ်ဆောင်သွားကြပါက နိုင်ငံ၏ စီးပွားရေးဖွံ့ဖြိုးမှုအား မထိခိုက်
နိုင်ကြောင်း ပြောကြားခဲ့ပြီး ဘဏ်များအနေဖြင့်လည်း ငွေကြေးရိုက်ထုတ်ခြင်းများ
အား မလုပ်သင့်ပဲ ဗဟိုဘဏ်မှ အစိုးရအား ငွေကြေးထောက်ပံ့မှုများတွင် ငွေကြေး
က စီးပွားရေးထုတ်လုပ်မှု နှုန်းထားထက် များလာပါက ငွေကြေးဖောင်းပွမှု ပိုများ
လာနိုင်ကြောင်း သုံးသပ်ပြောကြားကြသည်။
လက်ရှိ မြန်မာနိုင်ငံ၏ ပြည်ပရင်းနှီးမြှုပ်နှံမှုများတွင် စင်္ကာပူနိုင်ငံနိုင်ငံမှ အများဆုံး
လာရောက် ရင်းနှီးမြှုပ်ထားပြီး တရုတ်၊ ထိုင်းနိုင်ငံနှင့် ဟောင်ကောင်တို့မှလည်း
လာရောက်ရင်းနှီးမြှုပ်ထားကာ ၂၀၁၆ - ၂၀၁၇ ဘဏ္ဍာနှစ် ၈ လပိုင်းအထိ စုစုပေါင်း
နိုင်ငံခြားရင်းနှီးမြှုပ်နှံမှုတန်ဖိုး ဒေါ်လာ သန်း ၇၀၀ ကျော် ရှိကြောင်း သိရသည်။
၁၉၈၉ ခုနှစ်တွင် မြန်မာနိုင်ငံအားခွင့်ပြုထားသည့် ကုန်သွယ်မှုဆိုင်ရာ အထူးအခွင့်
အရေးကို အမေရိကန်နိုင်ငံက ရုပ်သိမ်းခဲ့ပြီးနောက် ယခုနှစ် စက်တင်ဘာလအတွင်း
က ပြန်လည် ပေးအပ်ခဲ့သည်။ ထို့သို့ ဖြေလျော့ပေးမှုအပေါ် အကောင်းမြင်သုံးသပ်
မှုများ အများစုတွေ့ရပြီး စီးပွားရေးအခွင့်အလမ်းများနှင့် စပ်လျင်း၍ အမေရိကန်နိုင်ငံ
အပါအ၀င် ပြည်ပနိုင်ငံများ၏ အလေးထားယုံကြည်မှု အခန်းကဏ္ဍတစ်ရပ်တိုးမြှင့်
စေလိုက်သည့် အခြေအနေကောင်းတစ်ခုဖြစ်လာပြီး ကုန်သွယ်မှု ဆိုင်ရာ အထူး
အခွင့်အရေးအရ တိုက်ရိုက်ရင်းနှီးမြှုပ်နှံမှုများပိုမိုဖြစ်ထွန်းလာနိုင်မည်ဟု ယူဆရ
မည်ဖြစ်သည်။
ထို့အပြင် နိုင်ငံ၏ စီးပွားရေးလုပ်ငန်းပိုမိုတိုးတက်စေရေအတွက် မြန်မာနိုင်ငံရင်းနှီး
မြှုပ်နှံမှု ကော်မရှင်မှ မြန်မာနိုင်ငံရင်းနှီးမြှုပ်နှံမှုဆိုရာ ဥပဒေသစ်တစ်ရပ်ထွက်ပေါ်လာ
ပြီးနောက် ကော်မရှင်မှ ခွင့်ပြုသည့် လုပ်ငန်းများအား ၀င်ငွေခွန် ၅ နှစ် ကင်းလွတ်ခွင့်
ရမည့် သတ်မှတ်ချက်များကြောင့် လာရောက်ရင်းနှီးမြှုပ်နှံမည့် ပြည်ပလုပ်ငန်းရှင်များ
ပိုမိုဝင်ရောက်လာဖွယ်ရှိမည်ဟု ယေဘုယျအားဖြင့် သုံးသပ်ရမည်ဖြစ်သည်။
အခွန်ကင်းလွတ်ခွင့်ပြုသည့် လုပ်ငန်းများမှာ နိုင်ငံတော်မှ မြှင့်တင်ဆောင်ရွက်ရန်
သတ်မှတ်ထားသည့် လုပ်ငန်းနယ်ပယ်များ၌လုပ်ငန်းလုပ်ကိုင်မှုများ ဖြစ်ရမည်ဖြစ်ပြီး
ဖွံ့ဖြိုးမှုနည်းပါးနေသေးသော ဒေသများတွင် ၇ နှစ်အထိ အခွန်ကင်းလွတ်ခွင့် ပြုမည်
ဖြစ်ကာ ကုမ္ပဏီများဆိုင်ရာ အက်ဥပဒေနှင့် စပ်လျင်း၍ ဆက်လက်အတည်ပြု ပြဋ္ဌာန်း
နိုင်ရန်အတွက်လည်း နိုင်ငံတော်သမ္မတထံ တင်ပြထားပြီး လွှတ်တော်သို့ ဆက်လက်
တင်သွင်းသွားမည်ဟု သိရသည်။
အိမ်ရာအဆောက်အအုံကဏ္ဍအနေဖြင့် ပြည်ပရင်းနှီးမြှုပ်နှံမှု စီမံကိန်းများ၌ စင်္ကာပူ
နိုင်ငံမှ အများဆုံး ရင်းနှီးမြှုပ်နှံမှု ပြုထားပြီး ဟောင်ကောင်၊ တရုတ်၊ မလေးရှားနှင့်
ဂျပန်နိုင်ငံတို့မှလည်း ရင်းနှီးမြှုပ်နှံထားလျက် ရှိသော်လည်း အိမ်ခြံမြေကဏ္ဍများတွင်
ပြည်ပရင်းနှီး မြှုပ်နှံမှုပမာဏအနေအားဖြင့် အခြားရင်းနှီးမြှုပ်နှံမှုများ၏ ၅ ရာခိုင်နှုန်း
ခန့်သာရှိသေးကြောင်း သိရသည်။ သို့ရာတွင် ယခင်ကာလများကထက် နိုင်ငံရေးနှင့်
စီးပွားရေးအခြေအနေများ တိုးတက်ကောင်းမွန်လာနေခြင်းများနှင့် ခရီးသွားလုပ်ငန်း
များ ဖွံ့ဖြိုးလာနေသည့် အခြေအနေများကြောင့် အိမ်ရာအဆောက်အအုံများနှင့် အိမ်
ခြံမြေရင်းနှီးမြှုပ်နှံမှုများပါ လိုက်ပါတိုးတက်လာနိုင်မယ့် အလားအလာကောင်းများ
ရှိနေပြီး ပြည်တွင်းပြည်ပ အိမ်ခြံမြေ ဈေးကွက်ကျွမ်းကျင်သူများ အဆိုအရ မြန်မာ
နိုင်ငံ၏ ဟိုတယ်နှင့်ခရီးသွားလုပ်ငန်း ပိုမိုတိုးတက်စေရေးအတွက် အဆင့်မြင့်ဟိုတယ်
နှင့် အခန်းများ အများအပြားလိုအပ်မည်ဖြစ်ကာ အစိုးရနှင့် ပုဂ္ဂလိကလုပ်ငန်းရှင်များ
ပူးပေါင်း ဆောင်ရွက်နိုင်ကြရန်လည်း လိုအပ်ကြောင်း အကြံပြုပြောကြားကြသည်။
ခြံမြေ အိမ်ရာ အဆောက်အအုံ လမ်းတံတားများ တိုးချဲ့ဖော်ဆောင်ရင်းဖြင့်
လက်ရှိအနေအထားတွင် ခရီးသွားလုပ်ငန်းဈေးကွက်အားသာချက် ကောင်းမွန်
လှသော မြန်မာနိုင်ငံအတွက် အကောင်အထည်မဖော်ဆောင်ရသေးသော ခရီး
သွားလာမှု ရင်းမြစ်များစွာ ကျန်ရှိနေသေးပြီး ခရီးသွားလုပ်ငန်း ဖွံ့ဖြိုးမှုကိုပါ
တပါတည်း အင်တိုက်အားတိုက် ဆောင်ရွက်နိုင်ရန် လိုအပ်လှသလို မြေတွင်း
သယံဇာတမလိုသော မီးခိုးတိတ် စီးပွားရေးအား ကောင်းမွန်စွာ အကောင်အထည်
ဖော်နိုင်ရေးသည်လည်း အရေးကြီးလှသော အချက်တစ်ခုဖြစ်ပြီး အိမ်ခြံမြေ
ဈေးကွက် ဖြစ်ထွန်းပြောင်းလဲမှုအတွက်လည်း ဆက်စပ်အကျိုးပြုလာနိုင်မည်
ဖြစ်သည်။
လက်ရှိအခြေအနေတွင် မြန်မာနိုင်ငံအစိုးရအနေဖြင့် ပြည်တွင်းငြိမ်းချမ်းရေးနှင့်
လက်နက်ကိုင်အဖွဲ့အစည်းများအား ကိုင်တွယ်ဖြေရှင်းနေမှု ပြဿနာများ၊ စစ်ဘေး
ဒဏ်ခံလူထု ပြဿနာများနှင့် ရခိုင်ပြည်နယ် ဘင်္ဂါလီအရေး ပြဿနာများ ဖြေရှင်း
ဆောင်ရွက်နေရဆဲဖြစ်ကာ ယခုလတ်တလောဖြစ်ပွားနေသော မောင်တောနယ်စပ်
ပြဿနာများအပါအ၀င်၊ နိုင်ငံဖွံ့ဖြိုးတိုးတက်ရေးအတွက် အဘက်ဘက်မှ လစ်ဟင်း
နေသော ပညာရေး၊ ကျန်းမာရေးနှင့်အခြား ပြုပြင်စီမံဆောင်ရွက်ဖွယ်များကြောင့်လည်း
စီးပွားရေးနှင့် နိုင်ငံဖွံ့ဖြိုးရေးလုပ်ငန်းစဉ်များအား အားစိုက်လုပ်ဆောင်ရန်အတွက်
အနည်းနှင့်အများ အချိန်ယူလုပ်ဆောင်ရမည့် အခြေအနေရှိနေသော်လည်း အစိုးရ
သစ်တာဝန်ယူမှုနောက်ပိုင်း ရလဒ်ကောင်းများ အကောင်အထည်ဖော်ဆောင်နိုင်ရေး
နှင့် တိုင်းပြည် ပြည်သူလူထုအကျိုးအတွက် အခြေခံ စားဝတ်နေထိုင်ရေး လိုအပ်ချက်
များမှအစ နိုင်ငံ့စီးပွားရေးအတွက် စက်မှုကုန်ထုတ်လုပ်ငန်းများနှင့် ပြည်တွင်းပြည်ပ
ရင်းနှီးမြှုပ်နှံသူများအတွက် မူဝါဒကောင်းများနှင့် ဈေးကွက်ဆွဲဆောင်မှုများ၊ မြေနေရာ
များနှင့် ခိုင်မှန် မှန်ကန်သော အထောက်အပံ့ကောင်းများ အတည်တကျ ဖြစ်ထွန်း
လုပ်ကိုင်လာကြရန်လိုအပ်ပြီး ဘဏ်၊ ငွေကြေးစနစ်များအပါအ၀င်၊ အခြေခံ
အဆောက်အအုံ လမ်းတံတားများ ပြည့်ဝခေတ်မှီစွာ လုပ်ဆောင်နိုင်ဖို့ လိုအပ်သလို
နိုင်ငံတော်နှင့် တိုင်းနှင့်ပြည်နယ် အစိုးရဌာနဆိုင်ရာ အဖွဲ့အစည်းများအတွင်း တာဝန်
ရှိသူများအနေဖြင့်လည်း စေတနာမှန်ကန်မှု ရှိယုံမျှသာမကပဲ နိုင်ငံရေး စီးပွားရေးနှင့်
အခြားဆိုင်ရာကဏ္ဍများအလိုက် ကျွမ်းကျင်ပညာရှင်များနှင့် နည်းစနစ်မှန် လုပ်ရပ်
ကောင်းတို့ဖြင့် ဟန်ချက်ညီညီ လုပ်ဆောင်သွားပါက အကောင်းဘက်သို့ ပိုမိုရှေ့ရှု
ဦးတည်သော မြန်မာ့စီးပွားရေး တစ်ခေတ်နှင့် ပြည်သူလူထု၏ တိုးတက်သော လူနေမှု
ဘ၀ပုံရိပ်ကောင်းများလည်း လိုက်ပါဖြစ်ထွန်းလာမည်ဖြစ်ပါကြောင်း Property.com.mm
သတင်းမီဒီယာအဖွဲ့မှ လေ့လာရေးသား တင်ပြလိုက်ပါသည်။
Property Media Team
www.Property.com.mm