ရန္ကုန္တိုင္းအစိုးရ ၀င္ေငြပိုရသျဖင့္ ျပည္သူအက်ိဳးျဖစ္မည့္ လုပ္ငန္းမ်ားတုိးျမႇင့္ လုပ္ကိုင္မည္ဟုဆို
၂၀၁၆-၂၀၁၇ ဘဏ္ဍာ နှစ်တွင် ရန်ကုန်တိုင်းအစိုးရက ယခင်နှစ်ထက် ဝင်ငွေ ၅၅ ရာခိုင် နှုန်းတိုးတက်လာ၍ ပြည်သူူလူထု အကျိုးဖြစ်ထွန်းစေမည့် လုပ်ငန်းများ တိုးမြှင့်လုပ်ကိုင်မည်ဖြစ်ကြောင်း တိုင်းဒေသကြီးစီမံကိန်း နှင့် ဘဏ္ဍာရေးဝန်ကြီးက ပြော သည်။
အောက်တိုဘာ ၃ ရက် ရန်ကုန်တိုင်းဒေသကြီးလွှတ် တော်၌ ၂၀၁၆-၂၀၁၇ ဘဏ္ဍာနှစ် အတွက် ဖြည့်စွက်ခွင့်ပြုငွေနှင့် ပြု ပြင်ပြီးခန့်မှန်းခြေငွေစာရင်း လျာ ထားချက်ကို စီမံကိန်းနှင့် ဘဏ္ဍာ ရေးဝန်ကြီးက လွှတ်တော်၏ အ တည်ပြုချက်ရယူရန် တင်ပြရာ ယခုဘဏ္ဍနှစ်အတွက် အခွန်ငွေ ပိုမိုရရှိမှုကြောင့် ဝင်ငွေမှာ မူလ လျာထားချက်ထက် ကျပ်ဘီလီယံ ၁၈၅ ဒသမ ၈၀၉ ပိုမိုများပြားခဲ့ ကြောင်း ထည့်သွင်းပြောကြားခဲ့ ခြင်းဖြစ်သည်။
‘‘ရငွေမှာ ပြန်ပြီးလေ့လာ ကြည့်တော့ မူလက ၃၃၆ ဒသမ ၂၁၈ ဘီလီယံကနေ ၅၂၈ ဒသမ ၀၂၁ ဘီလီယံတိုးပြီးရမှာဖြစ်တဲ့အ တွက် ၅၅ ရာခိုင်နှုန်းတိုးမြှင့်လာ တာတွေ့ရမှာပါ။ ဒါက ရတဲ့အ ပိုင်းပေါ့။ အသုံးစရိတ်ပိုင်းမှာ တိုး မြှင့်ရတဲ့အတွက် သုံးတဲ့အပိုင်းကို လည်း တိုးမြှင့်ထားပါတယ်’’ဟု ရန်ကုန်တိုင်းဒေသကြီး စီမံကိန်း နှင့်ဘဏ္ဍာရေးဝန်ကြီး ဦးမြင့် သောင်းက ပြောသည်။
ရန်ကုန်တိုင်းဒေသကြီး၏ ပို မိုရရှိလာသည့် ကျပ်ဘီလီယံ ၁၈၅ ဒသမ ၈၀၉ ကို အိမ်ရာစီမံ ကိန်းနှင့် အများပိုင်ဘတ်စ်ကား လိုင်းအတွက် (ကျပ် ၇၅ ဘီလီယံ ထိ) အများဆုံးရင်းနှီးမြှုပ်နှံမည် ဖြစ်ပြီး လမ်းမများတွင် ရေကြီးရေ လျှံမှုကာကွယ်ရန် (ကျပ် ၇ ဒသမ ၇၀၇ ဘီလီယံ)၊ အဖျောက်ကမ်း ပါးပြိုမှု ထိန်းသိမ်းရန် (ကျပ် ၃ ဒသမ ၃၈၈ ဘီလီယံ)နှင့် လယ် ယာမြေပြုပြင်ရန် (ကျပ် ၈ ဒသမ ၈၄ ဘီလီယံ)အတွက် သုံးစွဲမည် ဖြစ်ကြောင်း စီမံကိန်းနှင့် ဘဏ္ဍာ ရေးဝန်ကြီးက ရှင်းလင်းသည်။ သာမန်ရန်ပုံငွေထဲမှလည်း တိုင်း ရင်းသားအခွင့်အရေးများ ကာ ကွယ်စောင့်ရှောက်ရေးအတွက် ကျပ်သန်း ၁၂၀ နှင့် တိုင်းရင်းသား စာပေနှင့် ယဉ်ကျေးမှုအတွက် ကျပ်သန်း ၂၀ သုံးစွဲမည်ဟု ၎င်း က ဆိုသည်။
ရန်ကုန်တိုင်းဒေသကြီး အစိုးရအဖွဲ့၏ ဝင်ငွေတိုးလာ၍ ပြည်သူလူထု ဖွံ့ဖြိုးရေးလုပ်ငန်း များစွာ တိုးချဲ့လုပ်ကိုင်မည်ဖြစ်ပြီး စီမံကိန်းနှင့် ဘဏ္ဍာရေးဝန်ကြီး တင်ပြသွားသော အိမ်ရာစီမံကိန်း နှင့် အများပိုင်ဘတ်စ်ကားလိုင်း များအတွက် ရင်းနှီးမြှုပ်နှံမှုသည် ပြည်သူအား တိုက်ရိုက်ထိရောက် မှုရှိနိုင်မည်ဟု ယုံကြည်ကြောင်း ဆိပ်ကြီးခနောင်တိုမြို့နယ် မဲဆန္ဒ နယ် အမှတ် (၁) လွှတ်တော်ကိုယ် စားလှယ် ဒေါ်စန္ဒာမင်းက ပြော သည်။
‘‘ကျွန်မတို့က ဒါမျိုးငွေတွေ ဟာ တကယ်ရှိ၊ မရှိဆိုတာ နောင် နှစ်ရဲ့ စာရင်းစစ်ချုပ်မှာ အစီရင်ခံ စာမှာပေါ်လာမှာပဲ။ အစီရင်ခံစာ ဆိုတာ တစ်နှစ်တစ်ခါ အစီရင်ခံရ တယ်။ အဲဒီအစီရင်ခံစာမှာ ပြည့် ပြည့်စုံစုံ၊ ငွေတွေဘယ်လောက်ရ ထားတယ်။ ဘယ်နေရာတွေမှာ ဘယ်လောက်သုံးထားလဲ။ ဒီနေ ရာတွေ ထိရောက်တဲ့စာရင်းစစ် တွေ ဘယ်လိုလုပ်ထားလဲဆိုတာ အစီရင်ခံစာအပေါ်မှာ မူတည် လာလိမ့်မယ်။ တကယ်လို့ သူ့ ဘက်မှာ လိုအပ်တာဆိုလို့ရှိရင် လည်း ကျွန်မတို့ လွှတ်တော်မှာ ဖြည့်စွက်မေးလို့ ရတယ်။ ဒါ ကျွန်မတို့က စောင့်ကြည့်တဲ့အနေ အထားပဲ’’ဟု ၎င်းက ဆက်လက် ပြောသည်။
ယင်းကဲ့သို့ ရန်ကုန်တိုင်းဒေ သကြီး၏ ဝင်ငွေတိုးတက်လာမှုမှာ ကုန်သွယ်လုပ်ငန်းခွန် ၁၅ ရာခိုင် နှုန်း၊ အထူးကုန်စည်ခွန် ၁၅ ရာ ခိုင်နှုန်းနှင့် ဝင်ငွေခွန် ၅ ရာခိုင်နှုန်း စသည်ဖြင့် ပြည်တွင်းအခွန်များ ဦးစီးဌာနက အခွန်ငွေတိုးမြှင့် ကောက်ခံမှုကြောင့် အဓိကဖြစ်ပြီး ရန်ကုန်မြို့တော်စည်ပင်သာယာ ရေးကော်မတီ (YCDC)နှင့်အခြား ဌာနများမှရရှိသော အခွန်များ ကြောင့်လည်းဖြစ်သည်ဟု အ ထက်ပါဝန်ကြီးက လွှတ်တော်၌ ပြောကြားသည်။
ရန်ကုန်တိုင်းဒေသကြီး အစိုးရအဖွဲ့ကိုယ်စား စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်း ၏ ‘‘ရန်ကုန်တိုင်းဒေသကြီး၏ ၂၀၁၆-၂၀၁၇ ဘဏ္ဍာရေးနှစ်အ တွက် ဖြည့်စွက်ခွင့်ပြုငွေနှင့် ပြုပြင်ပြီးခန့်မှန်းခြေငွေစာရင်းလျာ ထားချက်’’ တင်သွင်းချက်ကို လွှတ်တော်က အတည်ပြုပေးခဲ့၍ ဝန်ကြီးချုပ်က နေပြည်တော်ရှိ ဘဏ္ဍာရေးကော်မရှင်ထံ ဆက် လက်တင်ပြမည်ဖြစ်ကြောင်း သတင်းရရှိသည်။
Source : 7Day Daily