အခြေခံအဆောက်အအုံ ဖွံ့ဖြိုးရေးအတွက် မြန်မာကို ယန်းငွေ ၁၀၀ ဘီလီယံချေးရန် ဂျပန် ကမ်းလှမ်း
ဂျပန်နိုင်ငံက မြန်မာနိုင်ငံ ၏ အခြေခံအဆောက်အအုံဖွံ့ဖြိုး ရေးကဏ္ဍအတွက် အသုံးပြုရန် ယန်း ငွေ ၁၀၀ ဘီလီယံ (အမေရိကန်ဒေါ်လာ ၉၉၅ သန်းဝန်းကျင်) ထုတ်ချေးရန် ကမ်းလှမ်းခဲ့ကြောင်း သတင်းရရှိ သည်။
မြန်မာနိုင်ငံသို့ ချေးငွေထုတ်ပေး မည့်အစီအစဉ်ကို ဂျပန်အစိုးရ အရာရှိ တစ်ဦးက ဩဂုတ် ၂၆ ရက်တွင် ထုတ် ဖော်ပြောကြားခဲ့ပြီး ဒေါ်အောင်ဆန်းစုကြည် ဦးဆောင်သည့် မြန်မာအစိုးရသစ် စတင်အာဏာရလာသည့် မတ်လနောက်ပိုင်း ဂျပန်က ယင်းကဲ့သို့ ကမ်းလှမ်းမှုမျိုး ပထမဆုံးအကြိမ် ပြုလုပ်လာခြင်း ဖြစ်သည်။
ဂျပန်ဝန်ကြီးချုပ် ရှင်ဇိုအာ ဘေးသည် လာမည့် စက်တင်ဘာ လဆန်းတွင် အာဆီယံအဖွဲ့ ညီ လာခံ အစီအစဉ်များ တက်ရောက် ချိန်၌ အဆိုပါအစီအစဉ်ကို အ သေးစိတ် ထုတ်ပြန်ကြေညာဖွယ် ရှိကြောင်း အဆိုပါ အစိုးရအရာရှိ က ဆိုသည်။ အာဆီယံသည် မြန်မာအပါအဝင် အရှေ့တောင် အာရှ၁၀ နိုင်ငံ စုစည်းထားသည့် အဖွဲ့ဖြစ်သည်။ သယံဇာတ အလွန်ကြွယ်ဝပြီး စီးပွားရေး တိုးတက်မှုလျင်မြန်စွာ ဖြစ်ထွန်းနေသည့်မြန်မာနိုင်ငံတွင် ဂျပန်၏ နိုင်ငံရေးပြိုင်ဘက် တရုတ်၏ ဩဇာသက် ရောက်မှုကို တွန်းလှန်ရန် နည်း လမ်းတစ်ရပ်အနေဖြင့် ဂျပန်က မြန်မာ အစိုးရကို ကူညီထောက်ပံ့ မှုများ ပြုလုပ်ရန် လိုလားနေ ကြောင်း သိရသည်။
ဂျပန်၏ ချေးငွေကို မြန်မာ နိုင်ငံ၏ အကြီးဆုံး မြို့ကြီးနှစ်မြို့ ဖြစ်သည့် ရန်ကုန်နှင့် မန္တလေးတို့ ကြား ဆက်သွယ်ထားသည့် ရထား လမ်းပိုင်းများ ပြန်လည်ပြုပြင်ရေး ကဲ့သို့ အခြေခံ အဆောက်အအုံ မွမ်းမံရေး လုပ်ငန်းစဉ်များတွင် အသုံးပြုနိုင်ဖွယ် ရှိကြောင်း အဆို ပါ ဂျပန်အစိုးရ အရာရှိက မှတ် ချက်ပေးခဲ့သည်။
မြန်မာနိုင်ငံတွင် နှစ်ပေါင်း ၅၀ ကျော်အတွင်း အရပ်သား အစိုးရတစ်ရပ် ပထမဆုံးအကြိမ် အာဏာရလာပြီးနောက် အကူအ ညီပေး ကမ်းလှမ်းမှုများ ပြုလုပ်ရန် အခြားနိုင်ငံ အများအပြားက လိုလားနေကြသည်။
ပြီးခဲ့သည့် သီတင်းပတ် ဒေါ် အောင်ဆန်းစုကြည်၏ တရုတ် ခရီးစဉ်တွင် သမ္မတ စီကျင်းပင်က မြန်မာနိုင်ငံ၏ အခြေခံ အဆောက်အအုံများ တိုးတက်ဖွံ့ဖြိုးရေး ကဏ္ဍ၌ ပူးပေါင်းကူညီရန် ဆန္ဒရှိကြောင်းပြောကြားခဲ့သည်။
မြန်မာအစိုးရကို လက်တွေ့ကျကျ ဦးဆောင်နေသည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် အစိုးရသစ်အာဏာရလာပြီးနောက်ပိုင်း အရှေ့တောင်အာရှဒေသ ပြင်ပပထမဆုံး နိုင်ငံရပ်ခြား ခရီးစဉ်အဖြစ် တရုတ်သို့ သွားရောက်ရန် ရွေးချယ်ခဲ့ခြင်း ဖြစ်သည်။
Source : 7daydaily