အိမ်ခြံမြေ ရာသီဥတုကောင်းဖို့ ဈေးကွက် အားကောင်းမယ့် အနေအထား စောင့်ရဦးမည်

အိမ်ခြံမြေဈေးကွက်က အခုအချိန်မှာ အစိုးရသစ်လုပ်ဆောင်ပေးမယ့် ဥပဒေတွေနဲ့ အခြေခံဝန်ဆောင်မှုတွေ ပြည့်စုံလာပြီး ဈေးကွက်ပြန်အားကောင်းလာမယ့်အနေအထားကို စောင့်ရဦးမှာ ဖြစ်တယ်လို့ သိရပါတယ်။

လတ်တလောမှာအိမ်ခြံမြေဈေးကွက်အနေအထားက၂၀၁၄ ခုနှစ် ဇန်လကစပြီး စောင့်ကြည့်ကာလအနေနဲ့ ဖြစ်ခဲ့ တယ်။ ဈေးကွက်အေးစက်နေတာကအရောင်းပိုင်းဆိုင်ရာမှာသိန်း၅၀ဝ အောက်တွေလောက်ပဲ အရောင်းအဝယ်ဖြစ်တာပါ။ ကျန်တဲ့တန်ဖိုးမြင့်တွေကတော့ ဖြစ်တောင့် ဖြစ်ခဲအနေနဲ့ပဲ အရောင်းအဝယ် ဖြစ်တာလို့ ဈေးကွက်အတွင်းက သိရတယ်။

မြန်မာနိုင်ငံ အိမ်ခြံမြေဝန်ဆောင်မှုအသင်းက ဥက္ကဋ္ဌဦးခင်မောင်သန်းက “အစိုးရပိုင်းက ပေါ်လစီတွေ အမြန်အကောင်အထည်ဖော်လာရင် ဈေးကွက်အားကောင်းပြီး ပြန်ဖြစ်လာမယ် ၊ ဈေးကွက်ပုံမှန်ဖြစ်လာအောင်နဲ့ စီးပွားရေးလုပ်ငန်းတွေလုပ်ကိုင်နိုင်အောင် အခွင့်အလမ်းတွေ၊ ဥပဒေတွေ လုပ်ဆောင်ပေးဖို့ လိုတယ်၊ အိမ်ခြံမြေဆိုင်ရာ ဥပဒေပိုင်းတွေကိုလဲ အသင်းကနေ အကြံပြုလုပ်ဆောင်ဖို့တွေရှိပါတယ်၊ ဒါ တွေကို ပူးပေါင်းဆောင်ရွက်ပေးနိုင်မယ်ဆို သင့်တင့်လျောက်ပတ်တဲ့ ဈေးကွက်တစ်ခု ပြန်ပြီး သက်ဝင်လှုပ်ရှားလာမှာပါ”လို့ ပြောပါတယ်။

အိမ်ခြံမြေဈေးကွက်မှာ ဈေးကွက်ဖြစ်နေတယ်လို့ပြောရတဲ့ အငှားဈေးကွက်က ၂၀၁၅ ခုနှစ် ၆ လပိုင်းအထိ အားကောင်းပေမဲ့ နောက်ပိုင်းမှာ အငှားဈေးကျလာတယ်။ လက်ရှိမှာတော့ ငှားရမ်းခဈေး ပြန်ကျပြီး အငှားဈေးကွက်ဖြစ်နေတာပါ။

ဝသုန်အကျိုးဆောင်က ဦးမောင်ဝင်းက“ဈေးကွက်မှာက အပေါင်ဈေးကွက်နဲ့ ငွေဖော်ပြီး လုပ်ဆောင်နေကြတယ်၊ အငှားတွေက ပုံမှန်တော့ ဖြစ်နေတယ်၊ အရောင်းမဖြစ်တော့ အငှားဘက်လှည့်ကြတာ၊ အခု အရောင်းဈေးကွက်မှာက ငွေနိုင်တဲ့သူတွေက အငှားထားတယ်၊ မနိုင်တဲ့သူတွေက လျှော့ဈေးနဲ့ ထုတ်တယ်၊ တန်ဖိုးမြင့်တဲ့နေ ရာ မြို့တွင်းပိုင်းတွေကတော့ ဈေးကွက် အေးနေတယ်”လို့ ပြောပါတယ်။

အိမ်ခြံမြေဈေးကွက် ပြန်ကောင်းဖို့က အချိန်တစ်ခုအထိပေးပြီးလုပ်ရမှာ ဖြစ်တယ်။ လက်ရှိမှာ အငှားဈေးကွက် ဖြစ်တယ်ဆိုတာက ဈေးကွက်အတွင်းမှာ အရောင်းဈေးကွက်ထက်အငှားဈေးကွက်ပိုဖြစ်နေတာကို ပြောတာဖြစ်တယ်လို့ အ ကျိုး ဆောင်တချို့က ပြောပါတယ်။ ဈေးကွက်ထဲမှာ ထူးခြားပြီး ဈေးကွက်ပြန်လိုက်နေတာတစ်ခုက ကွန်ဒိုဈေးကွက် ဖြစ်တယ်လို့လည်း သိရပါတယ်။

Source: The Kumudra