နိုင်ငံတော်စီမံကိန်း ဆောက်လုပ်ရေးတင်ဒါများ ပိုမိုပွင့်လင်း မြင်သာလာရန် လုပ်ငန်းရှင်များ မျှော်လင့်ယုံကြည်
၂၀၁၆ ခုနှစ်၊ ဧပြီလ ၁ ရက်နေ့မှ စတင် အသက်ဝင်လာမည့် အစိုးရသစ်လက်ထက်တွင် စီမံကိန်းလုပ်ငန်းများအတွက် လုပ်ငန်း လုပ်ကိုင်လိုသည့် ပုဂ္ဂလိက ဆောက်လုပ်ရေး ကုမ္မဏီများသို့ တင်ဒါခေါ်ယူရာတွင် ယခုထက် ပွင့်လင်းမြင်သာမှုရှိရှိဖြင့် ဆောင်ရွက် လိမ့်မည်ဟု ယုံကြည်ကြောင်း မြန်မာနိုင်ငံ ဆောက်လုပ်ရေးဆိုင်ရာ လုပ်ငန်းရှင်များ အသင်းဥက္ကဋ္ဌ ဦးသာဌေးက ပြောသည်။
"ပြောင်းလဲလာတဲ့ နိုင်ငံရေး အတွေး အခေါ်တွေကို မျက်ခြည်မပြတ်ကြည့်ပြီး ပူး ပေါင်းဆောင်ရွက်ဖို့ လိုပါတယ်။ ၁၃ ကျပ်တိုး ဘဏ်စနစ်နဲ့လည်း ကျွန်တော်တို့အောင်မြင် ဖို့ တော်တော်ခက်တယ်။ ဘယ်သူမှနာလန်ထူမှာ မဟုတ်ဘူး။ ဒီလိုအတိုးနှုန်းနဲ့ဆို ပြည်ပ ကုမ္ပဏီတွေကို ဘယ်လိုမှမယှဉ်နိုင်ဘူး။ ပြည်တွင်းက လက်ချိုးရေလို့ရတယ်။ ကုမ္ပဏီ ငါးခုလောက်ပဲယှဉ်နိုင်တဲ့ အနေအထားရှိတယ်"ဟု နိုဝင်ဘာ ၂၉ ရက် မြန်မာကွန်ဗင်း ရှင်းစင်တာ၌ ပြုလုပ်ခဲ့သည့် အထူးအစည်း အဝေးတွင် ၎င်းကပြောသည်။
"ကျွန်တော်တို့ ခဏခဏ တင်ဒါတွေ ၀င်ပြိုင်ခဲ့ပါတယ်၊ ရန်ကုန်တိုင်းထဲက တင်ဒါတွေ ဆိုရင်လည်း ၀င်ပြိုင်ပေမယ့် တစ်ခုမှ မရခဲ့ပါဘူး။ အစိုးရသစ်လက်ထက်မှာတော့ တင်ဒါတွေကို ပွင့်လင်းမြင်သာမှုရှိရှိ လုပ်မယ် လို့ မျှော်လင့်တဲ့အတွက် ကျွန်တော်တို့အလှည့် ရောက်လာလိမ့်မယ်လို့ ယုံကြည်ပါတယ်"ဟု ၎င်းကပြောသည်။
မြန်မာနိုင်ငံ ဆောက်လုပ်ရေးဆိုင်ရာ လုပ်ငန်းရှင်များအသင်းတွင် ဆောက်လုပ်ရေး ကုမ္ပဏီပေါင်း ၇၀၀ ကျော်နှင့် အသင်းဝင် စုစုပေါင်း ၃,၀၀၀ ကျော်ရှိသည်။ အသင်းဝင် ဆောက်လုပ်ရေးကုမ္ပဏီအချို့ စုစည်းပြီး Myanmar Construction and Develop-ment (MCD) Public Co Ltd ကို ထူထောင်ခဲ့ပြီး နိုင်ငံတော်မှ ခေါ်ယူခဲ့သည့် တင်ဒါများကို ၀င်ရောက်ယှဉ်ပြိုင်ခဲ့သည်။
ဆောက်လုပ်ရေး စီမံကိန်းများနှင့် ရန်ကုန် တိုင်းဒေသကြီးအတွင်းရှိ ဆောက်လုပ်ရေး စီမံကိန်းများအတွက် ခေါ်ဆိုထားသည့် တင်ဒါ များကို ၀င်ရောက်ယှဉ်ပြိုင်ခဲ့သော်လည်း လုပ်ငန်းစီမံကိန်းများကို သာမန်ကုမ္ပဏီများ မှာ တစ်ခုတလေမှပင် လုပ်ကိုင်ခွင့်မရရှိခဲ့ဘဲ အင်အားကြီး ဆောက်လုပ်ရေးကုမ္ပဏီများသာ လုပ်ကိုင်ခွင့်ရရှိခဲ့ကြောင်း ဆောက်လုပ်ရေး လုပ်ငန်းရှင်အသိုင်းအ၀ိုင်းက ပြောသည်။ ယင်းအတွက် အစိုးရသစ်လက်ထက်တွင် တင်ဒါစည်းမျဉ်းစည်းကမ်းနှင့် လုပ်ထုံး လုပ်နည်းများကို ပြန်လည်စိစစ်ကြပ်မတ်သွားရန် လုပ်ငန်းလုပ်ကိုင်သူများက မျှော်လင့် လျက်ရှိသည်။
"နောက်အစိုးရကတော့ အခုအစိုးရထက် ပိုပြီးစွမ်းဆောင်ရည်အား ကောင်းလာမယ်။ ပိုပြီးပွင့်လင်းမြင်သာမှု ရှိရှိနဲ့ တင်ဒါတွေကို လုပ်လာမယ်လို့ထင်တယ်။ နိုင်ငံတည်ဆောက် ရေး လုပ်ငန်းတွေမှာလည်း ကျွန်တော်တို့ ပါဝင်ပြီး လုပ်လာနိုင်မယ်လို့ ထင်ပါတယ်" ဟု ဆောက်လုပ်ရေးလုပ်ငန်းရှင် ဦးကျော်ကျော် စိုးက ပြောသည်။ ထိုသို့ တင်ဒါများ ခေါ်ယူလုပ်ကိုင်ရာတွင် လည်း ပွင့်လင်းမြင်သာမှု အားနည်းခြင်း၊ အချိန်ကပ်ကာ တင်ဒါခေါ် ယူခဲ့ခြင်းနှင့် လူပုဂ္ဂိုလ် ဦးစားပေးမှုတို့ကြောင့် အလယ် အလတ် အဆင့်ရှိ ဆောက်လုပ်ရေး ကုမ္ပဏီ များမှာ စီမံကိန်းများအတွက် လုပ်ပိုင်ခွင့် မရရှိ ခဲ့ဘဲ အင်အာကြီး ဆောက်လုပ်ရေး ကုမ္ပဏီ များသာ စီမံကိန်းများကို လုပ်ကိုင်ခွင့် ရရှိခဲ့ကြောင်း မြန်မာနိုင်ငံ ဆောက်လုပ်ရေး
ဆိုင်ရာ လုပ်ငန်းရှင်များအသင်းက တွဲဖက်အတွင်း ရေးမှူး ဦးအေးလင်းက နိုဝင်ဘာ ၂၉ ရက်တွင် မြန်မာတိုင်း(မ်) ကို ပြောသည်။
အစိုးရ သစ်လက်ထက်တွင် တင်ဒါခေါ်ယူသည့် စည်းမျဉ်းစည်းကမ်းများနှင့် ပက်သက်ပြီး ပြန်လည်ပြင်ဆင် လုပ်ကိုင်သွားမည်ဟု မျှော် လင့်ကြောင်း ၎င်းကပြောသည်။ "တင်ဒါခေါ်ခဲ့တာနဲ့ ပက်သက်ပြီး အမှန်အတိုင်းပြောရရင် သူတို့လုပ်နေကြလူကိုပဲ ဦးစားပေးရွေးခဲ့သလို ဖြစ်နေတယ်။ စည်းမျဉ်း စည်းကမ်းဘောင်ထဲကနေ သူတို့က တင်ဒါတော့ ခေါ်လိုက်ပါတယ်။ တကယ်တင်ဒါ ဖွင့် လိုက်တော့ အစ်ကိုတို့လို လုပ်ငန်းရှင်တွေဘက် က အဆိုပြုလွှာတွေမှာ အားနည်းတာတွေ လည်း ပါနိုင်ပါတယ်" ဟု ၎င်းကပြောသည်။
"အခုဖြစ်နေတဲ့ တင်ဒါတွေက တစ်ပတ်လောက်ကပ်ခေါ်ပြီးတင်ခိုင်းတော့ ဘယ်သူမှ အဆင်မပြေကြဘူး။ အတွင်းသတင်း ကြိုသိတဲ့ လူလောက်ပဲ အဆင်ပြေပြီးတင်နိုင်တဲ့ အတွက် နောက်ပိုင်းအစိုးရသစ်က စီမံကိန်း တွေအတွက် တင်ဒါခေါ်မယ်ဆိုရင်တော့ နှစ်ဦးနှစ်ဖက် ကြိုတင်ညှိနှိုင်းပြီး အဆိုပြုလွှာ တင်နိုင်ဖို့အတွက် လုံလောက်တဲ့ အချိန်ပေး သင့်တယ်။ အစိုးရသစ်လက်ထက်မှာ သူ့မျက်နှာ ကိုယ့်မျက်နှာ၊ သူသာတယ်၊ ငါသာတယ် မရှိနိုင်တော့ဘူး။ ပထမအစိုးရ လက် ထက်မှာ ကောင်းတာတွေရှိသလို မကောင်းတာတွေ လည်း ရှိတဲ့အတွက် နောက်အစိုးရ က သင်ခန်းစာယူပြီးလုပ်ရင် ပိုကောင်းဖို့ပဲ ရှိပါတယ်"ဟု ၎င်းကပြောသည်။ အစိုးရသစ် လက်ထက်တွင် ပိုမိုပွင့်လင်း မြင်သာလာနိုင်သည့် တင်ဒါခေါ်
ယူမှုစနစ် များ၊ ပြုပြင်ပြောင်းလဲမှုများ၊ လုပ်ထုံးလုပ်နည်း များကြောင့် ဆောက်လုပ်ရေးလုပ်ငန်းများ ပိုမိုဖွံ့ဖြိုးတိုးတက်လာနိုင်သလို ပြည်ပမှ အလုံး အရင်းဖြင့် ၀င်ရောက်လာနိုင် သည့် ဆောက်လုပ်ရေး ကုမ္ပဏီများနှင့် လက်တွဲလုပ်ကိုင်ရန် အတွက် ပြည်တွင်းဆောက် လုပ်ရေး ကုမ္ပဏီ များက နည်းပညာ၊ ငွေအရင်းအနှီးနှင့် လူ့စွမ်းအား အရင်းအမြစ်များကိုပါ ကြိုတင် မြှင့်တင်နိုင်မှသာ ပြည်ပမှ ၀င်ရောက်လာနိုင် သည့် ဆောက်လုပ်ရေးလုပ်ငန်းများနှင့် ရင်ပေါင်တန်း လုပ်ကိုင်လာနိုင်မည်ဖြစ် ကြောင်း ၎င်းကပြောသည်။ နိုင်ငံအတွင်း လမ်းတံတား၊ ရေမီး၊ လျှပ်စစ် စသည့် အခြေခံအဆောက်အအုံ စီမံကိန်းများ တည်ဆောက်လုပ်ကိုင်မှုများအတွက် လိုအပ်သည့် အခြေခံအဆောက်အအုံများကို
ပူးတွဲလုပ်ကိုင်နိုင်ရန် Korea Oversea Construction Association မှ မြန်မာနိုင်ငံ ဆောက်လုပ်ရေးဆိုင်ရာ လုပ်ငန်းရှင်များ အသင်းသို့ မကြာသေးမီကကမ်းလှမ်းလာခဲ့ သည်။ ယင်းအတွက် လိုအပ်သည့် ငွေကြေး ပံ့ပိုးမှုကိုလည်း ကိုရီးယားနိုင်ငံ၏ EXIM bank ဘက်က အတိုးနှုန်း သုည ဒသမ ၀၁ ရာခိုင်နှုန်း အတိုးဖြင့် ရေရှည် ထုတ်ချေးရန် ကမ်းလှမ်းမှု များ ရှိလာခဲ့ကြောင်း MCEA ၏ တွဲဖက် အတွင်းရေးမှူး ဦးအေးလင်းကပြောသည်။ ယင်းတည်ဆောက်ရေး လုပ်ငန်းများ အတွက် လိုအပ်သည့် လုပ်ကိုင်နိုင်ခွင့်နှင့် ငွေရေးကြေးရေး ဆိုင်ရာသဘောတူညီချက် များအတွက် မြန်မာနိုင်ငံတော် ဗဟိုဘဏ် နှင့် သက်ဆိုင်ရာ အစိုးရတိုင်းဒေသကြီး၊ ပြည်နယ် အစိုးရအဖွဲ့တို့နှင့် ပြန်လည်ညှိနှိုင်း လုပ်ဆောင်သွားမည်ဖြစ်ကြောင်း ၎င်းက ပြောသည်။
Source : http://myanmar.mmtimes.com/