ပုဂံတွင် ဆောက်လက်စ ဟိုတယ် ၂၅ လုံးကို အမြင့်ပေကန့်သတ်ချက်ဖြင့် ဆက်လက်တည်ဆောက်ခွင့်ပြု

ပုဂံဒေသတွင် ဆက် လက်ဆောက်လုပ်ခွင့် ရပ်ဆိုင်းခံ ထားရသည့် ဟိုတယ် ၄၂ လုံး အနက် လုံးဝဆောက်လုပ်ရခြင်း မရှိသေးသည့် ဟိုတယ် ၁၇ လုံးမှလွဲ၍ ကျန်ဆောက်လက်စ ဟိုတယ် ၂၅ လုံးကို အမြင့်ပေကန့် သတ်ချက်ဖြင့် ဆက်လက်တည် ဆောက်လုပ်ကိုင်ခွင့်ပြုမည်ဖြစ် ကြောင်း သာသနာရေးနှင့် ယဉ် ကျေးမှုဝန်ကြီးဌာန ပြည်ထောင် စုဝန်ကြီး သူရဦးအောင်ကိုက ပြောကြားသည်။

သို့သော် ဆောက်လက်စ ဟိုတယ်များအားလုံးကို ပေ ၃၀ အမြင့်ထိသာ ခွင့်ပြုမည်ဖြစ်သော ကြောင့် သတ်မှတ်အမြင့်ထက် ကျော်လွန်နေပါက ပြန်လည် လျှော့ချပေးရမည်ဖြစ်ကြောင်း သူရဦးအောင်ကိုက ဆက်လက် ပြောကြားသည်။

‘‘လုံးဝဆောက်လုပ်ရခြင်း မရှိသေးတဲ့ ၁၇ လုံးကိုတော့ တား မြစ်သွားမှာဖြစ်ပြီး ကျန်တစ်ဝက် တစ်ပျက်ပြီးနေတဲ့ ဟိုတယ်တွေ ကိုတော့ ဆက်ပြီးတည်ဆောက် ခွင့်ပေးမှာ ဖြစ်ပါတယ်။ ဒါပေမဲ့ စေတီပုထိုးတွေရဲ့ မြင်ကွင်းကို ကာမသွားစေဖို့အတွက် ပေ ၃၀ ထက် ပိုမမြင့်ရဆိုတာ ရှိပါတယ်။ အဲဒီအမြင့်ထက် ကျော်နေတာ တွေကိုတော့ ပြန်ပြီးညှိသွားမှာ ဖြစ်ပါတယ်’’ဟု ဇူလိုင် ၂၉ ရက်ကမန္တလေးမြို့ရှိ ဟိုတယ် မန္တလေး တွင် ပြုလုပ်သည့် ပုဂံကို ယူနက်စကိုက ကမ္ဘာ့အမွေအနှစ်အဖြစ် အသိအမှတ်ပြုလာစေရန် ပြုလုပ်သည့် ဆွေးနွေးပွဲ ခေတ္တရပ်နား ချိန်၌ ပြည်ထောင်စုဝန်ကြီး သူရ ဦးအောင်ကိုက သတင်းထောက် များအား ဖြေကြားခဲ့သည်။

ပုဂံဒေသတွင် ဟိုတယ်များ နှင့် လူနေအိမ်များအပါအဝင် အ ဆောက်အအုံများအားလုံးကို အ မြင့်ပေ ၃၀ ထက်မကျော်စေရန် သတ်မှတ်ဆောင်ရွက်မည်ဖြစ်ပြီး အချို့သော ဟိုတယ်များမှာ ပေ ၄၀၊ ပေ ၅၀ အထိ တည်ဆောက် ထားကြောင်း၊ လူနေအိမ်အချို့မှာ လည်း ခရီးသည်များအား HomeStay အနေဖြင့် ဝန်ဆောင်မှုပေး ရန် အိမ်ကို အထပ်မြင့်မှုများ ဆောက်လုပ်ထားသည့်အတွက် အဆိုပါအဆောက်အအုံများကို ပြန်လည်လျှော့ချပေးရန် ညှိနှိုင်းမည်ဖြစ်ကြောင်း ပြည်ထောင်စု ဝန်ကြီးက ပြောသည်။

ခွင့်ပြုသည့် ဟိုတယ်များကို အရင်းကျေကာလအဖြစ် ၁၅ နှစ်သာ လုပ်ကိုင်ခွင့်ပြုမည်ဖြစ်ပြီး အဆိုပါကာလကို ကျော်လွန်ပါကဆက်လက်လုပ်ကိုင်ခွင့်မပြုတော့ ဘဲ ရှေးဟောင်းဇုန်နယ်နိမိတ်ဖြင့် ကင်းလွတ်သည့် ဟိုတယ်ဇုန်နေ ရာသစ်သို့ ရွှေ့ပြောင်းလုပ်ကိုင်ရ မည်ဖြစ်ကြောင်း ဝန်ကြီးက ပြော ကြားသည်။

‘‘သက်တမ်းကုန်သွားတဲ့ ဟိုတယ်တွေကို တချို့လည်း ဖျက်သိမ်းရတာ ရှိပါမယ်။ မဖျက်သိမ်း ဘဲနဲ့ လူထုအပန်းဖြေတဲ့နေရာမျိုး၊ စာကြည့်တိုက်မျိုး၊ ပညာပေးတဲ့ နေရာမျိုးတွေကိုလည်း ထားခဲ့မှာ ပါ’’ဟု သူရဦးအောင်ကိုက ပြော သည်။

‘‘ပေ ၃၀နှစ်ထပ်တွေက ရှုပ်  တယ်ဗျ။ ပေ ၃၀ဆိုလည်း ပေ ၃၀ မမြင့်ရပြီးရောပေါ့။ ပေ ၃၀မမြင့် ဘဲ သုံးထပ်ဆောက်ရင်တောင် ပြ ဿနာဖြစ်နေပြန်ရော။ ကျွန်တော် တို့လိုချင်တာက ပင်လယ်ရေမျက် နှာပြင်အထက် ဘယ်လောက်အ မြင့်ဆိုပြီး  သတ်မှတ်ရမှာ။ ပုဂံ မြို့ထဲမှာကိုပဲ ကုန်းပေါ်ကျတဲ့နေ ရာနဲ့ ကုန်းမြင့်ကျတဲ့နေရာရှိ တယ်။ ခေတ်မမီသေးဘူးလို့ပြော ရမှာပဲ။ ဒုတိယသမ္မတဦးဉာဏ် ထွန်းလက်ထက်တုန်းကတည်း ကပြောနေတာ။ ဒီအတိုင်းပဲ ဆက် သွားနေတာပဲ။ ဇုန်သုံးဇုန်အတွင်း မှာ ဘယ်အဆောက်အအုံမှ ဆောက်လို့မရဘူးဆိုပြီး ပြောနေ တာ ၁၉၉၈ကတည်းကပြောနေ တာ။ ဆောက်နေကြတာပဲ။ အခု လည်း ဒီအတိုင်းပဲပြောနေတာပဲ။ အဲဒါတွေကို ဘာလို့အရေးမယူ တာလဲ။ ၁၉၉၈နောက်ပိုင်းမှာ ဆောက်တဲ့လူတွေကော အရေး မယူတော့ဘူးလား’’ဟု ပုဂံမြို့ ဟိုတယ်လုပ်ငန်းရှင်များအသင်း ဥက္ကဋ္ဌဦးဇော်ဝိတ်ကပြောသည်။

လုံးဝမတည်ဆောက်ရသေး သည့် ၁၇ လုံးသည် ရှေးဟောင်းဇုန် သုံးခု၏ အပြင်ဘက်တွင်သာ တည်ဆောက်ခွင့် ရမည်ဖြစ်ပြီး လက်ရှိတည်ဆောက်ခွင့်ရထား သည့်နေရာများ၌ တည်ဆောက်ခွင့်ကို တားမြစ်မည်ဟု ဆိုသည်။

လက်ရှိတွင် ပုဂံဒေသ၌ ဟိုတယ်ပေါင်း ၁၄၁ လုံးရှိပြီး အားလုံးနီးပါးမှာ ရှေးဟောင်းယဉ်ကျေးမှုနယ်မြေအတွင်း၌ တည်ရှိနေ၍ အချိန်ကာလတစ်ခု သတ်မှတ်ကာ ယဉ်ကျေးမှုနယ်မြေအပြင်ဘက်သို့ ရွှေ့ပြောင်းပေးရမည်ဖြစ်ကြောင်း ရှေးဟောင်းသုတေသနနှင့် စာကြည့်တိုက်ဦးစီးဌာန ညွှန်ကြားရေးမှူးချုပ် (ငြိမ်း)နှင့် ပုဂံ ဒေသကို ကမ္ဘာ့အမွေအနှစ်တင် သွင်းရေးအတွက် အဆိုပြုစာရေး သားပြုစုရေးအဖွဲ့ဥက္ကဋ္ဌ ဦးစန်း ၀င်းက ပြောသည်။

ဟိုတယ်များ ခွင့်ပြုလိုက် သည့်အတွက် ကမ္ဘာ့အမွေအနှစ် စာရင်းအဖြစ် ဝင်ရောက်ရေးကို မထိခိုက်စေရန် သတ်မှတ်ချက် များကို ယူနက်စကိုနှင့် ညှိနှိုင်း ဆောင်ရွက်မည်ဖြစ်ကြောင်း သိရသည်။

Source: 7daydaily

| Share on Facebook | Share on Google Plus | Share on Twitter