တနင်္သာရီတိုင်းဒေသကြီး၊ မြိတ်ကျွန်းစုရှိ စောမွန်လှကျွန်းနှင့် ကွမ်းသီးကျွန်းများပေါ်တွင် ကျပ်သန်းပေါင်း ၉,၀၀၀ နီးပါး ရင်းနှီး မြှုပ်နှံ၍ အပန်းဖြေစခန်း တည်ဆောက်ရန် မြိတ်အများပိုင်ကုမ္ပဏီက ပြင်ဆင်လျက်ရှိသည်။ "ဒီဒေသမှာ အရမ်းလှပြီး အသုံးမပြုရ သေးတဲ့ ကျွန်းပေါင်း ၈၀၀ လောက်ရှိတယ်။ အပန်းဖြေစရာနေရာအဖြစ် သေသေချာချာ လုပ်ထားတာ မရှိသေးတော့ ခရီးသွားတွေကို မဆွဲဆောင်နိုင်ဘူး။ ဒါကြောင့် ခုလိုဆောက်ဖို့ စီစဉ်ခဲ့တာပါ" ဟု မြိတ်
အများပိုင်ကုမ္ပဏီ၏ စီမံကိန်းဒါရိုက်တာ ဦးအောင်ချိန်က ပြောသည်။
မြိတ်မြို့အနီးရှိ စောမွန်လှကျွန်းနှင့် ကွမ်းသီးကျွန်းများပေါ်တွင် အပန်းဖြေစခန်းတည်ဆောက်ရန် လွန်ခဲ့သည့်နှစ်နှစ်ကတည်းက စတင်ပြင်ဆင်နေခဲ့ခြင်းဖြစ်ပြီး စောမွန်လှ ကျွန်းပေါ်တွင် ကျပ်သန်းပေါင်း ၄,၃၀၀ ကျော် နှင့် ကွမ်းသီးကျွန်းပေါ်တွင် ကျပ်သန်းပေါင်း ၄,၆၀၀ ကျော် ရင်းနှီးမြှုပ်နှံ၍ အပန်းဖြေစခန်းများတည်ဆောက်ရန် မြန်မာနိုင်ငံ ရင်းနှီး မြှုပ်နှံမှု ကော်မရှင်ကို တင်ပြထားသည်ဟု လည်း မြန်မာတိုင်း(မ်)နှင့် တွေ့ဆုံရာတွင် ပြောကြားသွားသည်။ "စောမွန်လှကျွန်းမှာ အပန်းဖြေစခန်းဆောက်ဖို့ ရင်းနှီးမြှုပ်နှံမှု ကော်မရှင်ကို လျှောက်ထားခဲ့တာ စက်တင်ဘာလက ပထမ အဆင့်အတွက် အစစ်ဆေးခံခဲ့ပြီးပါပြီ။ နောက်သုံးလအတွင်း အပြီး သတ်ခွင့်ပြုချက် ရပြီး စီမံကိန်းစတင်နိုင်ဖို့ မျှော်လင့်ပါတယ်" ဟု
ဦးအောင်ချိန်က ပြောသည်။ မြိတ်မြို့မှ သင်္ဘောခရီးစဉ် သုံးနာရီ အကွာ အဝေးရှိ စောမွန်လှကျွန်းပေါ်တွင် ပထမ အဆင့်က ဘန်ဂလိုအလုံး ၂၀ ကို သုံးနှစ်အတွင်း အပြီးတည်ဆောက်မည်ဖြစ်ရာ "စောမွန်လှကျွန်းက စုစုပေါင်း ၁,၆၆၁ ဧက ရှိတယ်။ စီမံကိန်း ပထမအဆင့်က ဧက ၂၀ ကို စလုပ်မယ်၊ ဒုတိယ အဆင့်ကတော့ ၂၉ ဧက ဆက်လုပ်သွားမယ်" ဟု ဦးအောင်ချိန်က ပြောသည်။ အဆိုပါကျွန်း
များပေါ်တွင် အပန်းဖြေစခန်းတည်ဆောက်ရန် တိုင်းဒေသကြီးအစိုးရ ထံက နှစ်ရှည် ငှားရမ်းခြင်းဖြစ်ပြီး တရားဝင်ငှားရမ်းခမှာ တစ်ဧကလျှင် ကျပ် ၂၀,၀၀၀ နှုန်း ဖြစ်သော်လည်း စီမံကိန်းပြင်ပမြေနေရာ များပါ ထိန်းသိမ်းရမည်ဖြစ်သဖြင့်
အဆိုပါ နှုန်းထက် လျော့နည်း မည်ဖြစ်သည်။ အဆိုပါ ကျွန်းများငှားရမ်းခသည် ပထမ ၁၀ နှစ်ပြီးပါက ၂၀ ရာခိုင်နှုန်း ဈေးတက်မည်ဖြစ်ပြီးနှ စ် ၅၀ ပြည့်မြောက်ချိန်တွင် ၁၀၀ ရာခိုင်နှုန်း အထိ တိုးသွားမည် ဖြစ်သည်။ စောမွန်
လှကျွန်းပေါ်တွင် စီမံကိန်းပထမ အဆင့် စတင်ရန် ရင်းနှီးမြှုပ်နှံမှုကော်မရှင်၏ ခွင့်ပြုချက် ရရှိထားသော်လည်း စီမံကိန်း ဒုတိယအဆင့်အတွက် ခွင့်ပြုချက်ရရှိချိန်မှာ ဆောက်လုပ်ရေး လုပ်ငန်းများ စတင်နိုင်မည်ဖြစ်သည်ဟု သိရသည်။
"စီမံကိန်းဆောင်ရွက်ဖို့ ဒီဇိုင်းလည်း ဆွဲပြီး ပြီ။ လက်ရှိမှာ ရင်းနှီးမြှုပ်နှံမှု ကော်မရှင်ရဲ့ ခွင့်ပြုချက်ကို စောင့်နေတဲ့အနေအထားဖြစ်ပါတယ်" ဦးအောင်ချိန်က ပြောသည်။ မြိတ်မြို့မှ သင်္ဘောခရီးစဉ် တစ်နာရီခွဲအကွာအဝေးရှိ ကွမ်းသီးကျွန်း
သည် စုစုပေါင်း ၄,၂၇၂ ဧက အကျယ်အ၀န်းရှိပြီး အဆိုပါ ကျွန်းပေါ်တွင် ပထမအဆင့် ဧက ၂၀ တွင် ဗီလာပုံစံ အဆောက် အအုံအလုံး ၃၀ တည် ဆောက်သွားမည်ဖြစ်သော်လည်း အဆိုပါ ကျွန်းပေါ်တွင် အပန်းဖြေစခန်း တည်ဆောက် ရေးအတွက် ရင်းနှီးမြှုပ်နှံမှုကော်မရှင်သို့ တင်ပြထားခြင်း မရှိသေးဟု လည်း ၎င်းက ပြောသည်။
မြိတ်ကျွန်းစုရှိ အဆိုပါကျွန်းများပေါ်တွင် အပန်းဖြေစခန်း တည်ဆောက်ရေးစီမံကိန်း ကို မြိတ်အများပိုင်ကုမ္ပဏီနှင့် ရွှေလင်းအိမ်ကုမ္ပဏီတို့ အကျိုးတူ ရင်းနှီးမြှုပ်နှံလုပ်ကိုင်သွားမည် ဖြစ်သည်။ အဆိုပါကျွန်းများပေါ်တွင် အပန်းဖြေစခန်းတည်ဆောက်ရန် စီစဉ်ဆောင်ရွက်နေ သည်မှာ ကြာပြီဖြစ်သော်လည်း မြိတ်ကျွန်းစု သို့ နိုင်ငံခြားခရီးသည်များ သွားလာခွင့်ကို သက်ဆိုင်ရာက တားမြစ်ထားသည့်အတွက် စီမံကိန်း အကောင်အထည်ဖော်ရန် ကြန့်ကြာ
နေခြင်းဖြစ်သည်ဟု မြိတ်အများပိုင်ကုမ္ပဏီ ဒါရိုက်တာတစ်ဦးဖြစ်သူ ဦးသက်စိုးက ပြောသည်။
မြိတ်ကျွန်းစုကို မြန်မာနိုင်ငံ၏ အထင် ကရ ခရီးသွားနေရာများဖြစ်သည့် ပုဂံနှင့် အင်းလေးကဲ့သို့ ခရီးသွားလုပ်ငန်း ဖွံ့ဖြိုး တိုးတက်လာရန် မျှော်မှန်းထားသော်လည်း ကျွန်းအများစုမှာ အပန်းဖြေ စခန်း တည် ဆောက်ရန်နှင့် ထိန်းသိမ်းရန် ခက်ခဲသောကြောင့် ဖွံ့ဖြိုးမှု နောက်ကျလျက်ရှိသည်။ ဟိုတယ်နှင့် ခရီးသွားလာရေး ၀န်ကြီးဌာန စာရင်းများအရ တနင်္သာရီတိုင်းဒေသကြီး မြို့ကြီးတစ်မြို့ဖြစ်သော မြိတ်တွင် ဟိုတယ် ငါးလုံးသာရှိပြီး အခြားမိုတယ်များအပါအ၀င်
စုစုပေါင်း တည်းခိုနိုင်သည့် အခန်းပေါင်း ၁၉၆ ခန်းသာ ရှိသည်သည်။ "ကျွန်း (မြိတ်ကျွန်းစု) တွေကို နိုင်ငံခြား ခရီးသည်တွေ သွားခွင့်ပြုလိုက်တာ တစ်လေ ကျာ်လောက်ပဲ ရှိသေးတယ်။ ခုအပန်းဖြေ စခန်းတည်ဆောက်မယ့် ကျွန်းနှစ်ကျွန်းက
လည်း အဓိကအားဖြင့် နိုင်ငံခြားခရီးသည်တွေအတွက် ရည်ရွယ်ပါတယ်။ ကျွန်းကိုဧည့်သည်တွေ သွားလာရေးအတွက်တော့ စဉ်းစားဆဲဖြစ်ပါတယ်" ဟု ဦးအောင်ချိန်က ပြောသည်။
Source : http://myanmar.mmtimes.com/