မြေငှါးဂရန် ထုတ်ပေးနိုင်ရေး ကွင်းဆင်း စစ်ဆေးခြင်းနှင့် နိုင်ငံသား စိစစ်ရေး ကတ်ပြားများ ပြုလုပ်ပေး
ဧရာဝတီ တိုင်းဒေသကြီး မြောင်းမြခရိုင် ဝါးခယ်မမြို့နယ် အထွေထွေ အုပ်ချုပ်ရေး ဦးစီးဌာန၏ ကြီးကြပ်မှုဖြင့် ဘဲချောင်း ကျေးရွာအုပ်စုမှ ကျေးရွာနေ ပြည်သူများအား ကျေးရွာမြေငှါးဂရန် ရရှိစေနိုင်ရေး ကွင်းဆင်းစစ်ဆေးခြင်းနှင့် အ.ထ.က (၂) ကျောင်းမှ ကျောင်းသား၊ ကျောင်းသူများအား နိုင်ငံသား စိစစ်ရေးကတ်ပြား ပြုလုပ် ဆောင်ရွက်ပေးမှုကို ဇွန် ၂၃ ရက် နံနက် ၉ နာရီက ပြုလုပ် ဆောင်ရွက်ခဲ့ကြောင်း သိရသည်။
ထိုသို့ ကျေးရွာမြေငှါးဂရန် ရရှိစေနိုင်ရေး ကွင်းဆင်း ဆောင်ရွက်မှုကို မြို့နယ် အုပ်ချုပ်ရေးမှူး ဦးထက်အောင်ဖြိုး ဦးဆောင်ပြီး လယ်ယာမြေ စီမံခန့်ခွဲရေးနှင့် စာရင်းအင်း ဦးစီးဌာန မြို့နယ် ဦးစီးအရာရှိ ဦးသန်းရှိန်နှင့် ၀န်ထမ်းများက ကျေးရွာနေ ပြည်သူတို့နှင့် တွေ့ဆုံကာ ကျေးရွာမြေငှါးဂရန် ပြုလုပ်ပေးရခြင်း ရည်ရွယ်ချက်၊ မြေငှါးဂရန်နှင့် ပတ်သတ်သည့် သတ်မှတ် စံချိန်စံညွှန်းများ၊ ဂရန်လျှောက်ထားရာတွင် ပါဝင်ရမည့် အချက်များ၊ မြေငှါးဂရန် ရရှိလာပါက ကျေးရွာနေ ပြည်သူတို့အနေဖြင့် ခံစားရမည့် အကျိုးကျေးဇူးများအား ရှင်းလင်းပြောကြားပေးပြီး ဘဲချောင်းကျေးရွာအုပ်စုရှိ မြေငှါးဂရန် လျှောက်ထားသော အိမ်ခြေ ၈၀ အနက်မှ သတ်မှတ်စံချိန်စံညွှန်းနှင့်အညီ ပြည့်စုံသော အိမ်ခြေ ၅၁ စုအား ကျေးရွာမြေငှါးဂရန် ထုတ်ပေးနိုင်ရေး ကွင်းဆင်းတိုင်းတာ စီစစ်ဆောင်ရွက်ခဲ့ကြောင်း သိရသည်။
ထို့နောက် အခြေခံပညာဦးစီးဌာနနှင့် လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာနတို့ ပေါင်းစပ် ကာ အ.ထ.က (၂) ကျောင်းရှိ အသက် ဆယ်နှစ်နှင့် အထက် နိုင်ငံသားစိစစ်ရေး ကတ်ပြား မပြုလုပ် ရသေးသည့် ကျောင်းသား၊ ကျောင်းသူများကို မြို့နယ်ဦးစီးအရာရှိ ဦးကျော်စိုးဝင်းနှင့် ၀န်ထမ်းများက နိုင်ငံသား စိစစ်ရေးကတ်ပြားများ ပြုလုပ်ဆောင်ရွက် ပေးလျက်ရှိရာ မြို့နယ် အုပ်ချုပ်ရေးမှူး၊ မြို့နယ် ပညာရေးမှူးနှင့် တာဝန် ရှိသူများက ကြည့်ရှုအားပေး ခဲ့ကြောင်း သိရသည်။
Source:MOI Webportal Myanmar