တန်ဖိုးနည်းအိမ်ရာ များလာရင် အိမ်ငှားရမ်းခဈေးနှုန်း ကျဆင်းနိုင်
.jpg)
စီးပွားရေးပညာရှင် ဦးလှမောင်က “တကယ် လူတိုင်းဝယ်နိုင်တဲ့တန်ဖိုးနဲ့ ရောင်းမယ့် အိမ်ရာတွေ ပေါ်လာရင်အခုအငှားဈေးတွေလည်း ဈေးနှုန်းတည်ငြိမ်ပြီး ကျဆင်းလာနိုင်တယ်၊ အခုပြဿနာက စာချုပ်ပြည့်တိုင်း ဈေးတက်ပြီး ချုပ်ရတဲ့ အခန်းခတွေကို မခံနိုင်ကြတာ များတယ်၊ တတ်နိုင်တဲ့ဈေးနဲ့ နေရာတွေပြောင်းရင်း မြို့စွန်ကို ရောက်ကုန်ကြတာ”လို့ ပြောပါတယ်။
ရန်ကုန်မြို့ရဲ့ အိမ်ခန်းငှားရမ်းခ ဈေးနှုန်းတွေက ကျပ် ၁၀ဝ,ဝ၀ဝ အောက် နည်းပါးလာပါတယ်။ တချို့အိမ်ခန်းတွေရဲ့ ငှားရမ်းခတွေဟာ မြို့စွန်ဘက်တွေမှာကို ကျပ် ၁၀ဝ,ဝ၀ဝ ကနေ ကျပ် ၃၀ဝ,ဝ၀ဝ လောက်အထိ ဈေးကွက်ရှိနေပါတယ်။
အစိုးရက အကောင်အထည်ဖော် ဆောက်လုပ်ထားတဲ့ တန်ဖိုးမျှတ အိမ်ရာစီမံကိန်းတွေမှာတင် အိမ်ငှားခတွေက ကျပ်၅၀ဝ,ဝ၀ဝ လောက်အထိ ဈေးတွေ မြင့်မားနေ
တာကြောင့် အခြေခံလူတန်းစား အများစုရဲ့ နေထိုင်မှုတွေက အိမ်တန်းလျား၊ စုပေါင်းအဆောင်တွေက အခန်းတွေနဲ့ ကျူးကျော်တဲတွေ ဖြစ်လာပါတယ်။
အိမ်ရာတည်ဆောက်မှုများ
လက်ရှိအစိုးရက ရက် ၁၀ဝ စီမံချက်နဲ့ တန်ဖိုးနည်းအိမ်ရာတွေ ရောင်းချပေးဖို့ ရှိသလို အိမ်ရာအသစ်တွေလည်း ဆောက်လုပ်ဖို့ ဆောင်ရွက်နေပါ
တယ်။ ရက် ၁၀ဝ စီမံချက်နဲ့ ရောင်းချမယ့် အိမ်ရာတွေကတော့ အခန်းပေါင်း ၂၂၀၈ ခန်း ဖြစ်ပြီး ဈေးနှုန်းက ကျပ်သိန်း ၁၂၀ ခန့် ဖြစ်ပါတယ်။ ဒဂုံဆိပ်ကမ်း၊ လှိုင်သာယာမြို့နယ်တွေက အိမ်ခန်းတွေဖြစ်ပြီး ဆောက်လုပ်ပြီးစီးသလောက်ရှိနေပြီ ဖြစ်ပါတယ်။ လက်ရှိအခန်းတွေကို ရောင်းချမှာကတော့ ရန်ကုန်တိုင်းဒေသကြီး အစိုးရအစီအစဉ်နဲ့ ဖြစ်ပါတယ်။ အခန်းအကျယ်တွေကတော့ ရွှေလင်ပန်းအိမ်ရာ အိမ်ခန်းတွေက ၃၆၈ စတုရန်းပေအကျယ်နဲ့ ဒဂုံဆိပ်ကမ်းမြို့နယ်ကတော့ ၄၂၂ စတုရန်းပေနဲ့ ၅၂၂ စတုရန်းပေ ကျယ်ဝန်းပါတယ်။
မင်္ဂလာဒုံ၊ ဒဂုံမြို့သစ် တောင်ပိုင်း၊ သန်လျင်နဲ့ လှိုင်သာယာတို့မှာ ဆောက်လုပ်သွားမှာလည်း ဖြစ်ပါတယ်။ ရက် ၁၀ဝ စီမံချက်မှာ စတင်ဆောက်လုပ်မယ့် အိမ်ခန်းတွေကတော့ အခန်းပေါင်း ၈၇၀ဝ ဖြစ်ပြီး မာစတာပလန်(Master Plan)ရေးဆွဲကာ ကျပ်သိန်း ၁၀ဝ အောက်နဲ့ ရောင်းချမှာ ဖြစ်ပါတယ်။ အခန်းအကျယ်တွေကတော့ ၁၈ ပေ × ၁၈ ပေ၊ ၁၀ ပေ × ပေ ၂၀ နဲ့ ပေ ၂၀ × ပေ ၂၀ တို့ပဲ ဖြစ်ပါတယ်။
ကျပ်သိန်း ၁၀ဝ အောက်နဲ့ ရောင်းချမယ့် တန်ဖိုးနည်းအိမ်ရာတွေကို ၁၅ နှစ် အရစ်ကျပုံစံနှင့် ဝယ်ယူနိုင်ဖို့ ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်(CHD)နဲ့ ချိတ်ဆက်ဆွေးနွေးတာတွေ ပြုလုပ်လျက်ရှိပါတယ်။ အစိုးရက လက်ရှိ အများဆုံး အရစ်ကျပေးတဲ့ နှစ်ကတော့ ၈ နှစ်အထိဖြစ်ပြီး ပထမအရစ်ကို အခန်းတန်ဖိုးရဲ့ ၃၀ ရာခိုင်နှုန်း ပေးသွင်းရတဲ့ပုံစံ ဖြစ်ပါတယ်။
"လူတိုင်းဝယ်နိုင်ဖို့ဆိုရင် သိန်း ၅၀ လောက်ကို အနှစ် ၂၀ လောက် အရစ်ကျပေးမှ အခြေခံလူတန်းစားတွေ ဝယ်နိုင်မှာ၊ ဒီလိုဖြစ်ဖို့ ဘဏ်စနစ်တွေ ပြောင်းလဲဖို့ လိုသေးတယ်"လို့ မြို့ပြနှင့်အိမ်ရာ ဖွံ့ဖြိုးမှုဦးစီးဌာနက တာဝန်ရှိသူတစ်ဦးက ပြောပါတယ်။
အိမ်ခန်း လိုအပ်ချက်
ရန်ကုန်မြို့ရဲ့ လူဦးရေ ၃ ပုံ ၁ ပုံဟာ အိမ်ရာပိုင်ဆိုင်ခြင်းမရှိတဲ့ အခြေခံလူတန်းစားတွေ ဖြစ်ပါတယ်။ အခြေခံလူတန်းစားတွေရဲ့ နေထိုင်မှုက အငှားဈေးကွက်နဲ့ ကျူးကျော်တဲတွေဖြစ်လို့ ယခုနောက်ပိုင်း ကျူးကျော်ရှင်းလင်းရေး အစီအစဉ်တွေကြောင့် တန်ဖိုးနည်းအိမ်ခန်း ငှားရမ်းမှုဈေးကွက် မြင့်တက်လာပါတယ်။ သည်လို ငှားရမ်းမှု များပြားလာတာနဲ့အတူ ဈေးနှုန်းတွေကလည်း များလာပါတယ်။ အရင်က အဆောင်ခန်းတွဲ ငှားရမ်းခက လှိုင်သာယာနဲ့ ဒဂုံဆိပ်ကမ်းမြို့နယ်တွေမှာ ကျပ် ၂၀,ဝ၀ဝ ဝန်းကျင်လောက်သာ ရှိပေမယ့် အခုနောက်ပိုင်းမှာ ကျပ် ၄၀,ဝ၀ဝ လောက်အထိ ဈေးတွေ မြင့်လာပါတယ်။
ဒါကြောင့် အိမ်ရာတွေက တကယ့်အခြေခံလူတန်းစားတွေ ဝယ်ယူလာနိုင်မှသာ လက်ရှိ အငှားဈေးနှုန်းတွေအားလုံး ကျဆင်းပြီး ဈေးနှုန်းတည်ငြိမ်နိုင်မှာ ဖြစ်ပါတယ်။
Source: Kumudra News