အထပ်မြင့်အဆောက်အအုံများ ဆောက်လုပ်ရာတွင် တိုင်ကြားမှုများ ရှိလာ၍ ပြန်လည်စိစစ်မှုများ ပြုလုပ်ရန် တိုင်းဒေသကြှီးအစိုးရမှာကြား
ရန်ကုန်မြို့တွင်း ဆိတ်ငြိမ်ရပ်ကွက်များ၌ ရန်ကုန်မြို့တော်စည်ပင် သာယာရေး ကော်မတီ၏ ခွင့်ပြုချက်ဖြင့် ဆောက်လုပ် လျက်ရှိသော အထပ်မြင့်အဆောက်အအုံများတွင် ပတ်ဝန်းကျင် ပြည်သူများ၏ ကန့်ကွက်တိုင်ကြားမှုများရှိလာသဖြင့် ရန်ကုန်မြို့တော် စည်ပင်သာယာရေး ကော်မတီအနေဖြင့် ပြန်လည်စိစစ်ဆောင်ရွက်မှုများပြုလုပ်ရန် အကြောင်းကြား မှာကြားမှုများ ဆောင်ရွက်ထားကြောင်း သိရသည်။
“ကျွန်တော်တို့ တိုင်းဒေသကြီးအစိုးရအဖွဲ့အနေနဲ့ လတ်တလော တင်ပြလာတဲ့ အထပ်မြင့်အဆောက်အအုံတွေနဲ့ ပတ်သက်လို့ ပတ်ဝန်းကျင် မကျေနပ်တိုင်ကြားမှုတွေကို သက်ဆိုင်ရာစည်ပင်သာယာရေးကော်မတီ အင်ဂျင်နီယာဌာန (ယာ/အုံ) ကို ပြန်လည်စိစစ်တင်ပြရန် အကြောင်းကြားထားတာတွေ ရှိပါတယ်” ဟု တိုင်းဒေသကြီး အစိုးရအဖွဲ့မှ တာဝန်ရှိသူတစ်ဦးက ပြောသည်။
လတ်တလော ရန်ကုန်မြို့တွင် ဆိတ်ငြိမ်ရပ်ကွက်များ၌ ဆောက်လုပ်လျက် ရှိသော အထပ်မြင့်အဆောက်အအုံများနှင့် ပတ်သက်၍ ဆောက်လုပ် ဆဲနှင့် ဆောက်လုပ်ခွင့်ပြုခဲ့သော အထပ်မြင့်အဆောက်အအုံများအား ပတ်ဝန်းကျင်ရှိပြည်သူ များက သက်ဆိုင်ရာ တိုင်းဒေသကြီး အစိုးရအဖွဲ့မှတင်ဆင့် ကန့်ကွက်စာများနှင့်အတူ ပြန်လည် စိစစ်ဆောင်ရွက်ပေးရန် တောင်းဆိုတင်ပြလျက်ရှိကြောင်း သိရသည်။
ယင်းအထပ်မြင့် အဆောက်အအုံများနှင့်ပတ်သက်၍ ပြီးခဲ့သည့် ၂၀၁၃ ခုနှစ် က မရမ်းကုန်းမြို့နယ် (၇) ရပ်ကွက် သလ္လာဝတီလမ်း အမှတ် ၁၆(န) မြေကွက်ပေါ်၌ အထပ်မြင့် ဆောက်လုပ်နေမှုနှင့် ပတ်သက်၍ ပတ်ဝန်းကျင်ပြည်သူများက မေလဆန်းပိုင်းတွင် တိုင်းဒေသကြီး အစိုးရအဖွဲ့ရုံးသို့ ကန့်ကွက်စာပေးပို့ခဲ့ခြင်း ဖြစ်သော်လည်း အဆိုပါဆောက်လုပ်ခွင့်ရပိုင်ရှင်မှာ ဆက်လက်ဆောက်လုပ်နေမှုနှင့် ပတ်သက်၍ ပတ်ဝန်းကျင်ပြည်သူများက မေ ၂၉ ရက် မွန်းလွဲပိုင်းက မီဒီယာရှင်းလင်းပွဲပြုလုပ်ခဲ့သည်။
“အခုအနေအထားပြောရရင် သူတို့က ဆက်လုပ်ဆောက်လုပ်နေတယ်။ အထပ်အမြင့် ပြင်ဆင်မှုလည်းမရှိဘူး။ တိုင်းဒေသကြီးအစိုးရကလည်း သက်ဆိုင်ရာ မြို့တော်စည်ပင်သာယာရေးကော်မတီ အင်ဂျင်နီယာဌာန (ယာ/အုံ) ကို ပြန်လည်စိစစ်ဖို့ ညွှန်ကြားစာပေးပို့ ထားပြီးဖြစ်တယ်။ ဒါပေမယ့်လည်း ဘာမှ ထိရောက်မှုမရှိသေးဘူး” ဟု တိုင်းဒေသကြီး အစိုးရအဖွဲ့တွင် တိုင်တန်းစာပေးပို့ခဲ့သော ကိုရဲမင်းက မီဒီယာများအား ပြောကြားခဲ့သည်။
အဆိုပါ အဆောက်အအုံကို ပိုင်ရှင်ဒေါ်ပိုးဖြူက ရန်ကုန်မြို့တော် စည်ပင်သာယာရေးကော်မတီ အင်ဂျင်နီယာဌာန (ယာ/အုံ) ၏ ခွင့်ပြုချက်ဖြင့် ပြီးခဲ့သည့် ၂၀၁၃ ခုနှစ်က ရှစ်ထပ်ခွဲအဆောက်အအုံ ဆောက် လုပ်ခဲ့ခြင်းဖြစ်သည်။ ထိုသို့ ဆောက်လုပ်ရာတွင် အမှန်တကယ် ပတ်ဝန်းကျင်တွင်နေထိုင်သည့် အိမ်ပိုင်ရှင်အများစု၏ သဘောဆန္ဒမယူဘဲ ပတ်ဝန်းကျင်နေ အမှန်တကယ်သုံးဦးလောက်သာ သဘောတူ လက်မှတ်ရေးထိုးကာ သက်ဆိုင်ရာသို့ တင်ပြခဲ့ခြင်း ဖြစ်ကြောင်းနှင့် အခြားလက်မှတ်ထိုး သူများမှာ အတုအယောင်များသာဖြစ်ကြောင်း၊ ထိုကြောင့် ကျန်ရှိသည့် ပတ်ဝန်းကျင် ပြည်သူများမှာ မကျေနပ်မှုဖြစ်ကာ ယခုကဲ့သို့ တရားစွဲဆိုခြင်းနှင့် တိုင်းဒေသကြီးအစိုးရအဖွဲ့သို့ တိုင်ကြားခြင်းများ ပေါ်ပေါက်ခဲ့ခြင်းဖြစ်ကြောင်းသိရသည်။
ယင်းသတင်းစာ ရှင်းလင်းပွဲအကြောင်းအရာများနှင့်ပတ်သက်၍ ပိုင်ရှင်ဒေါ်ပိုးဖြူအား ဆက်သွယ်မေးမြန်းရာ အဆိုပါအဆောက်အအုံ တည်ဆောက်မှုနှင့်ပတ်သက်၍ တရားဥပဒေအတိုင်းသာ ဆက်လက်လုပ်ဆောင် သွားမည်ဖြစ်ကြောင်း ဖြေကြားခဲ့သည်။
ယခုအခင်းဖြစ်ပွားလျက်ရှိသော အထပ်မြင့်အဆောက်အအုံဆောက်ရာ ရန်ကုန်မြို့ မရမ်းကုန်းမြို့နယ် (၇) ရပ်ကွက် သလ္လာဝတီလမ်းသည် တစ်ဖက်ပိတ်လမ်းဖြစ်ပြီး ရပ်ကွက်တည်နေရာမှာလည်း ရန်ကုန်မြို့တွင် ဆိတ်ငြိမ်ရပ်ကွက်အဖြစ် သတ်မှတ်ထားခြင်းကြောင့် ယင်းအထပ်မြင့် အဆောက်အအုံပြီးစီးလျှင် ယခုလက်ရှိ စိန်ခေါ်မှု တစ်ရပ်ဖြစ်သည့် ယာဉ်ကြော ကျပ်တည်းမှုလည်း ပိုမိုဖြစ်ပေါ်လာနိုင်ပြီး လျှပ်စစ်နှင့် အမှိုက်ကိစ္စများမှအဆုံး အခက်အခဲများစွာ ရင်ဆိုင်ကြုံတွေ့လာနိုင် ကြောင်း ပတ်ဝန်းကျင်ရှိ ပြည်သူများကအဆိုပါ သတင်းစာရှင်းလင်းပွဲ တွင် ပြောကြားခဲ့သည်။
Source: MOI Webportal Myanmar