ငွေကြေးခဝါချမှု မြန်မာ့စီးပွားဖွံ့ဖြိုးမှုကို ခြိမ်းခြောက်နေ
မြန်မာနိုင်ငံ စီးပွားရေး အလျင်အမြန် တိုးတက်လာခြင်းကို ငွေကြေးခ၀ါချမှု တိုးလာမည့် အန္တရာယ်က ခြိမ်းခြောက်နေသည်ဟု လေ့လာစောင့်ကြည့်သူများက ပြောနေကြသည်။ယခုနှစ်အတွင်းတွင် မြန်မာနိုင်ငံ၏ စီးပွားရေး ၈.၄ ရာခိုင်နှုန်း တိုးတက်လာမည်ဟု အာရှဖွံ့ဖြိုးရေးဘဏ် (ADB)က ခန့်မှန်းထားသော်လည်း ငွေကြေးခ၀ါချမှုများကို လွှတ်ပေးထားခြင်းက ရင်းနှီးမြှုပ်နှံသူများ၏ ယုံကြည်မှုကို ထိခိုက်စေနိုင်သည်။အိမ်ခြံမြေလုပ်ငန်း ကဏ္ဍသည် မြန်မာနိုင်ငံကဲ့သို့ ဖွံ့ဖြိုးဆဲ နိုင်ငံတစ်ခုတွင် ဆက်လက်ကောင်းမွန်နေမည်ဟု ခန့်မှန်းရသော်လည်း အဆိုပါလုပ်ငန်းကဏ္ဍကို တရားမ၀င်ငွေများကို တရားဝင်ဖြစ်အောင် ပြောင်းလဲသည့်နေရာအဖြစ် အချို့က အသုံးပြုလေ့ရှိသည်။ မြန်မာနိုင်ငံမှ ငွေကြေးခ၀ါချမှုနှင့် ပတ်သက်၍ စာရင်းအချက်အလက်များ ရှာဖွေရန် ခက်ခဲသော်လည်း ငွေကြေးခ၀ါချမှု ရှိနေကြောင်းကို အလွယ်တကူ သတ်မှတ်နိုင်ပါသည်။“မန္တလေးမှာ တရားမ၀င် မူးယစ်ဆေးနဲ့ ကျောက်စိမ်း တွေကို ဥပဒေနဲ့အညီ အရေးယူမှုတွေ လုပ်လိုက်တဲ့အခါ အိမ်ခြံမြေ ဈေးနှုန်းတွေနဲ့ တခြားစီးပွားရေးတွေ အရှိန်လျော့သွားပါတယ်။ ဒါကြောင့် ပြောင်းပြန်တွက်ကြည့်မယ်ဆိုရင် ရွှေ့ပြောင်းလာတဲ့ ငွေကြေးတွေကြောင့်၊ ရွှေ့ပြောင်းလာတဲ့ လူတွေကြောင့်၊ မူးယစ်ဆေးနဲ့ ကျောက်စိမ်းကနေရတဲ့ ငွေတွေကြောင့် အိမ်ခြံမြေလုပ်ငန်းဈေးကွက် ကြီးထွားလာခဲ့တာ ဖြစ်ပါတယ်” ဟု စီးပွားရေးဆိုင်ရာ ဆောင်းပါးရှင်တစ်ဦး ဖြစ်သော ဦးခင်မောင်ညို(ဘောဂဗေဒ)က ပြောသည်။မြန်မာနိုင်ငံတွင် အများစုက တန်ဘိုးကြီး ပစ္စည်းများ ၀ယ်ယူရာတွင် ငွေသားကိုသာ အသုံးပြုသည့် အလေ့အထရှိသောကြောင့် ငွေကြေးများနောက်သို့ ခြေရာခံလိုက်ရန် ခက်ခဲစေသည်။“ငွေသား မသုံးတော့တဲ့ တိုင်းပြည်တစ်ပြည်မှာ ဆိုရင် ငွေပေးချေဖို့အတွက် ချက်လက်မှတ် ဒါမှမဟုတ် ခရက်ဒစ်ကတ် ဒါမှမဟုတ် အီလက်ထရောနစ် ငွေလွှဲပြောင်းစနစ်ကို သုံးမှာ ဖြစ်တဲ့အတွက် အဲဒီငွေလွှဲပြောင်းမှုတိုင်းကို ခြေရာခံ လိုက်လို့ရတယ်” ဟု ကုလသမဂ္ဂ မူးယစ်ဆေးနှင့် ရာဇ၀တ်မှုဆိုင်ရာရုံး (UNODC)မှ ငွေကြေးခ၀ါချမှုဆိုင်ရာ အကြံပေး Chris Batt က ပြောသည်။“ဒါကြောင့် ငွေကြေးဆိုင်ရာ အဖွဲ့အစည်းတွေအနေနဲ့ ငွေကြေးရဲ့ မူလဇစ်မြစ်နောက်ကို လိုက်ဖို့ လွယ်တယ်။ ဒီငွေတွေဟာ ရာဇ၀တ်မှု တစ်ခုခုနဲ့ ပတ်သက်ခြင်း ရှိ၊မရှိကိုလည်း တာဝန်ရှိသူတွေက စုံစမ်းစစ်ဆေးဖို့ လွယ်ကူစေပါတယ်။ ငွေသားကို အခြေပြုတဲ့ စီးပွားရေး စနစ်မှာတော့ ဒီလိုလုပ်ဖို့ သိပ်အဆင်မပြေပါဘူး”ဟု သူက ထပ်ပြောသည်။၂၀၁၄ ခုနှစ်က မြန်မာနိုင်ငံတွင် ငွေကြေးခ၀ါချမှုတိုက်ဖျက်ရေး ဥပဒေကို ပြဌာန်းပြီး ငွေကြေးခ၀ါချမှုကို တိုက်ဖျက်ရန် ကတိပြုခဲ့သည်။ သို့သော်လည်း ဥပဒေဆိုသည်မှာ အသုံးချခြင်းမရှိပါက အသုံးမ၀င်ကြောင်း ဝေဖန်သူများက ပြောကြသည်။“ငွေကြေးခ၀ါချမှုတိုက်ဖျက်ရေး ဥပဒေကို ပြဌာန်းပြီးတဲ့နောက်မှာ နည်းဥပဒေတွေနဲ့ လုပ်ထုံးလုပ်နည်းတွေက ထွက်မလာဘူး။ ကျင့်သုံးဆောင်ရွက်မှု မရှိဘူး။ ကျနော် မှတ်မိသလောက် ငွေကြေးခ၀ါချမှုနဲ့ အရေးယူတဲ့ အမှုလည်း မရှိဘူး။ ဥပဒေ တစ်ခုတည်းနဲ့ မလုံလောက်ပါဘူး။ နည်းဥပဒေတွေနဲ့ လုပ်ထုံးလုပ်နည်းတွေ၊ အသေးစိတ် ညွှန်ကြားချက်တွေ လိုအပ်ပါတယ်။ တကယ်လို့ ကျနော်တို့မှာ အဲဒါတွေ ရှိနေရင်တောင် အရေးယူဆောင်ရွက်မယ့် အာဏာပိုင်အဖွဲ့အစည်းတွေ အင်အားကောင်းဖို့ ခိုင်မာဖို့လည်း လိုပါသေးတယ်” ဟု ဦးခင်မောင်ညိုက ပြောသည်။UNODC ကလည်း သဘောတူသည်။ ငွေကြေးခ၀ါချမှုကို လွှတ်ထားခဲ့လျှင် မြန်မာနိုင်ငံ၏ ဂုဏ်သိက္ခာကို ထိခိုက်နိုင်သည် ဟု သူတို့က ပြောသည်။ နိုင်ငံတကာမှ ရင်းနှီးမြှုပ်နှံသူများက မြန်မာနိုင်ငံ၏ စီးပွားရေးသည် စစ်မှန်သော ဖြောင့်မှန်သော လုပ်ငန်းများပေါ်တွင် အခြေမခံဘဲ ရာဇ၀တ်မှုနှင့် မကင်းသည့် အခြေအနေများပေါ်တွင် အခြေခံသည်ဟု ယူဆသွားခဲ့လျှင် သူတို့၏ ယုံကြည်မှု ဆုံးရှုံးသွားနိုင်သောကြောင့် ဖြစ်သည်။အရှေ့တောင်အာရှဒေသက တစုတစည်းဖြစ်သော စီးပွားရေး အသိုင်းအ၀ိုင်းတစ်ခု ဖြစ်လာနေပြီး လူများနှင့် ငွေကြေးများ လွတ်လပ်စွာ စီးဆင်းခြင်းကြောင့် ငွေကြေးခ၀ါချမှုများ တိုးလာနိုင်သလို ငွေကြေးများနောက်သို့ ခြေရာခံလိုက်ရန် ခက်ခဲလာနိုင်သည်ကိုလည်း လေ့လာစောင့်ကြည့်သူများက ထောက်ပြနေကြသည်။Source : Irrawaddy News
Facebook comments