FDI ဆွဲဆောင်ရေး မန္တလေးစက်မှုဇုန်ကုို အဆင့်မြှင့်မည်
မန္တလေးစက်မှုဇုန်တွင် အကြီးစား စက်မှုလုပ်ငန်း ၃၉၂ ခု၊ အလတ်စား စက်မှုလုပ်ငန်း ၃၀၄ ခု၊ အသေးစား စက်မှုလုပ်ငန်း ၅၉၆ ခု အပါအဝင် ကုန်ထုတ်လုပ်မှုအတွက် လုပ်ငန်းအုပ်စု အမျိုးအစား ၁၃ ခုဖြင့် လည်ပတ်နေကြောင်း၊ မန္တလေးစက်မှုဇုန်ကို ၁၉၉၀ ပြည့်နှစ်မှ စတင်တည်ထောင်ခဲ့ပြီး မြေဧရိယာ ၁၈၂၀ ဧက ပေါ်တွင် မြေကွက်ပေါင်း ၃၅၀ ဖော်ထုတ်ကာ စက်မှုလုပ်ငန်းများကို ဆောင်ရွက်လျက်ရှိကြောင်း၊ လက်ရှိကာလတွင် စက်မှုဇုန် ဖွံ့ဖြိုးတိုးတက်ရေးကော်မတီကို ဖွဲ့စည်းကာ လုပ်ကိုင်ဆောင်ရွက်လျက်ရှိကြောင်း သိရှိရသည်။
မန္တလေးစက်မှုဇုန်တွင် လက်ရှိဘဏ္ဍာရေးနှစ်၌ ငွေကျပ် ၅၉၃၉၇ ဒသမ ၃၀၈ သန်းခန့် ရင်းနှီးမြုပ်နှံ လည်ပတ်လျက်ရှိပြီး စက်မှုလုပ်ငန်းထုတ်ကုန်များမှာ စားသောက်ရေး၊ ဝတ်ဆင်ရေး၊ နေထိုင်ရေး၊ လူသုံးကုန်ပစ္စည်းများ၊ အိမ်သုံးကုန်ပစ္စည်း၊ စက္ကူထုတ်လုပ်ရေး၊ သံရည်ကြိုကုန်ကြမ်းပစ္စည်း၊ စာပေနှင့်အနုပညာ၊ စိုက်ပျိုးရေးကိရိယာ၊ စက်မှုနှင့်စက်ပစ္စည်းကိရိယာ၊ သယ်ယူပို့ဆောင်ရေး၊ လျှပ်စစ်ပစ္စည်း၊ အထွေထွေစက်မှုလုပ်ငန်း ဟူ၍ လုပ်ငန်းအုပ်စု အမျိုးအစား ၁၃ ခုရှိကြောင်း သိရသည်။
“မန္တလေးစက်မှုဇုန်ကနေ သွင်းကုန်အစားထိုးလုပ်ငန်းများအနေနဲ့ လုပ်ငန်းပေါင်း ၂၇ ခုလောက် ရှိတယ်။ စက်နဲ့ စက်ကိရိယာထုတ်လုပ်မှုတွေ၊ ကားထုတ်လုပ်မှုလုပ်ငန်းတွေ၊ ပလပ်စတစ်လူသုံးကုန်မျိုးစုံ၊ လျှပ်စစ်လုပ်ငန်းသုံး ပစ္စည်းထုတ်လုပ်မှုတွေနဲ့ တွင်ခုံနဲ့ အခြားစက်မှုလုပ်ငန်းတွေကို ဦးစားပေးလုပ်ကိုင်နေကြပါတယ်၊ ထုတ်လုပ်မှုတွေအားလုံးမှာ ဈေးကွက်နဲ့ သုံးစွဲအားကောင်းတဲ့ လျှပ်စစ်ပစ္စည်းအုပ်စုနဲ့ စက်၊ စက်ကိရိယာ အပိုပစ္စည်းအုပ်စုက အများဆုံးပါပဲ”ဟု မန္တလေးစက်မှု ဇုန်စီမံခန့်ခွဲရေးကော်မတီမှ တာဝန်ရှိသူတစ်ဦးက ပြောသည်။
ပြည်ပသို့တင်ပို့သော ကုန်ပစ္စည်းများတွင် အဓိက သစ်အချောထည်လုပ်ငန်း ၈ ခုမှ တန်ဖိုးမြှင့်သစ်အချောထည် ပစ္စည်းများကို ပြင်သစ်၊ အီတလီ၊ တရုတ်၊ ထိုင်း၊ အင်္ဂလန်၊ ကိုရီးယား၊ စင်ကာပူနိုင်ငံများသို့ တင်ပို့လျက်ရှိသလို စက်မှုဇုန်လုပ်ငန်းများ တိုးတက်ဖွံ့ဖြိုးစေရန်အတွက် နိုင်ငံတကာမှ တိုက်ရိုက်ရင်းနှီးမြှုပ်နှံမှုများကို ဆွဲဆောင်ကာ နိုင်ငံတကာအဆင့်မီ စက်မှုဇုန် အဖြစ်ပြောင်းလဲနိုင်ရေး ဆောင်ရွက်နေသည်ဟု စက်မှုဇုန်တာဝန်ရှိသူများက ဆုိုသည်။
မန္တလေးစက်မှုဇုန်တွင် စက်ရုံ၊ အလုပ်ရုံ ၁၂၉၄ ခု ရှိပြီး အလုပ်သမား ၁၆၄၁၅ ဦးဖြင့် ပုံမှန်အတိုင်း လည်ပတ်နေလျက်ရှိပြီး စက်မှုဇုန်၏ ကုန်ထုတ်လုပ်မှု တန်ဖိုးမှာ ကျပ်သန်းပေါင်း ၂၆၇၈၈၀ ဒသမ ၈၁၉ ရှိကြောင်း သိရသည်။
Source : Irrawaddy News