သိမ်းဆည်းခံမြေယာများ ပြန်လည်စွန့်လွှတ် ပေးနိုင်ရန် တနင်္သာရီတိုင်း အစိုးရအဖွဲ့သစ်ထံ ပထမဆုံးအကြိမ် အကူအညီတောင်း
တနင်္သာရီတိုင်းဒေသ ကြီးအတွင်း မြေဧရိယာအများဆုံး သိမ်းဆည်းခံထားရသည့် စိုက်ပျိုး ရေးလုပ်ငန်းများနှင့် အခြားလုပ် ငန်းများ၏ မြေယာသိမ်းဆည်းခံထားမှုများကို စိစစ်ပြီး ပြန်လည်စွန့်လွှတ်ပေးနိုင်ရန် ဒေသခံများက ဧပြီ ၂၇ ရက်တွင် ကရင်တိုင်းရင်းသားရေးရာဝန်ကြီး စောလုကာအပါအဝင် တိုင်းဒေသကြီး အစိုးရအဖွဲ့ထံသို့ ပထမဆုံးအကြိမ် အကူအညီ တောင်းခံခဲ့ကြောင်း သတင်းရရှိသည်။
ယင်းသိမ်းဆည်း မြေများ တွင် ကလိန်အောင်မြို့၊ နှမ်းကြဲ ကျေးရွာအုပ်စု၊ ကျေးဇူးတော် ကျေးရွာအနီးရှိ ရွှေပဒုမ္မာဆီအုန်း စိုက်ပျိုးရေးကုမ္ပဏီက သိမ်းယူ ထားသည့် မြေဧရိယာ ၆၁၁ ဧက၊ ကျွန်းစုမြို့နယ် ကတန်းကျွန်းပေါ် ရှိ ကြိုးပြင်ကာကွယ်တောအဖြစ် သိမ်းဆည်းထားသောဧက ၈,၅၀၀ကျော်၊ တနင်္သာရီမြို့နယ် ညောင် ပင်ကွင်း ကျေးရွာအုပ်စုအတွင်း ချစ်ကမ္ဘာ(CKB)ကုမ္ပဏီက ဆီ အုန်းစိုက်ပျိုးရန် သိမ်းယူထား သည့် မြေဧရိယာ ဧက ၂,၀၀၀၊ တနင်္သာရီမြို့နယ် သိမ်ပြင်ကျေး ရွာအုပ်စုရှိ MSPP ကုမ္ပဏီက ဆီအုန်းစိုက်ပျိုးရန် သိမ်းယူ ထားသည့်မြေဧရိယာ ၄၂,၂၀၀ ဧကနှင့် ပုလောမြို့နယ် ပလောက်မြို့တွင် တပ်မတော်တန်းမြင့်သင် တန်းကျောင်းဧရိယာအဖြစ် သိမ်း ယူထားသည့် မြေ ၆၈၇ ဧကတို့ အား ပြန်လည်စိစစ်၍ စွန့်လွှတ် ပေးနိုင်ရန် သက်ဆိုင်ရာဒေသခံ များက အကူအညီတောင်းခံခဲ့ ခြင်းဖြစ်ကြောင်း တနင်္သာရီတိုင်း အစိုးရအဖွဲ့ထံမှ သိရသည်။
အဆိုပါပြန်လည်စွန့်လွှတ် ပေးရန် အကူအညီတောင်းခံထား သည့် မြေယာများသည် ကရင် တိုင်းရင်းသားအများစု နေထိုင် သည့် ကျေးရွာများဖြစ်ကြောင်း၊ စီမံကိန်းအကောင်အထည်ဖော် ရန် ခွင့်ပြုချက်ရထားသည့် မြေနေရာများတွင် ဒေသခံများ၏ဥယျာဉ် ခြံမြေများပါဝင်နေကာ ယင်းနေရာများ၌ စီမံကိန်းများကို အပြည့် အဝ အကောင်အထည် ဖော် ဆောင်ရွက်ခြင်းမရှိသေး၍ ပြန်လည်စွန့်လွှတ်ရန် ကရင်တိုင်းရင်းသားရေးရာဝန်ကြီးအပါအ ဝင် သယံဇာတနှင့် သဘာဝပတ် ဝန်းကျင်ထိန်းသိမ်းရေးဝန်ကြီး၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးတို့ထံ အကူအညီ တောင်းခံခြင်းဖြစ်ကြောင်း ဒေသခံများက ပြောကြားသည်။
‘‘ဒေသခံတွေရဲ့အကူအညီ တောင်းခံထားတဲ့ စာတွေမှာ မြေ ယာသိမ်းဆည်းခံထားရတာနဲ့ ပတ်သက်ပြီး အချက်အလက်တွေ ပါနေပါတယ်။ အခုလို အကူအညီ တောင်းခံထားတဲ့ ဒီအချက်အ လက်တွေကို စုဆောင်းထားရမှာ ပါ။ ဒါမှမြေယာသိမ်းဆည်းခံ ထားရတာနဲ့ ပတ်သက်လို့ ဖြေရှင်း ဖို့ မူဝါဒတွေရလာရင် မြန်မြန် ဆောင်ရွက်ပေးသွားနိုင်မယ်။ တိုင်းဒေသကြီးအဆင့်နဲ့ ဖြေရှင်း နိုင်ရင် တိုင်းဒေသကြီးမှာ ဖြေရှင်း ရမယ်။ ပြည်ထောင်စုအဆင့်က ဖြေရှင်းရမယ့်အရာတွေကို ပြည် ထောင်စုကို ပေးပို့သွားမယ်။ မဟုတ်ရင် မူဝါဒတွေ ရလာပြီးမှ အချက်အလက်တွေ ပြန်ရှာရမယ် ဆိုရင် အချိန်တွေ ကြန့်ကြာသွား နိုင်တယ်’’ဟု ကရင်တိုင်းရင်းသား ရေးရာဝန်ကြီး စောလုကာက ပြောကြားသည်။
အဆိုပါအကူအညီတောင်း ခံသည့် စာများသည် သိမ်းဆည်းခံ မြေယာများနှင့်ပတ်သက်၍ တိုင်း ဒေသကြီးအစိုးရ အဖွဲ့သစ်ထံ ပထမဦးဆုံးအကူအညီတောင်းခံ သည့်စာများလည်း ဖြစ်ကြောင်း သတင်းရရှိသည်။
ထို့အပြင် ဧပြီ ၂၇ ရက်တွင် တနင်္သာရီတိုင်းဒေသကြီးအစိုးရ အဖွဲ့ဝင်များနှင့် ဒေသခံများသည် ထားဝယ်မြို့ရှိ CEC ရိပ်သာ၌ တိုင်းဒေသကြီးအတွင်းရှိ မြို့နယ် များမှ သိမ်းဆည်းခံမြေယာများ နှင့်ပတ်သက်၍ ပထမဦးဆုံး တွေ့ ဆုံဆွေးနွေးခဲ့သည်။
တနင်္သာရီတိုင်းဒေသကြီးအ တွင်း သိမ်းဆည်းခံထားရသော မြေယာများတွင် အဓိကလုပ်ကိုင် သည့် လုပ်ငန်းများမှာ သတ္တုတူး ဖော်ရေးနှင့်စိုက်ပျိုးရေးလုပ်ငန်း များဖြစ်ကြောင်း သိမ်းဆည်းခံမြေ ယာပြဿနာများနှင့်ပတ်သက်၍ ကူညီဖြေရှင်းပေးနေသော တာက ပေါအဖွဲ့ထံမှ သိရသည်။ ထို့အ ပြင် ကြိုးဝိုင်း၊ ကြိုးပြင်ကာကွယ် တောများ သတ်မှတ်ရာတွင်လည်း ဒေသခံများ၏ဥယျာဉ်ခြံမြေများ ပါဝင်နေကြောင်း တာကပေါအဖွဲ့ က ဆိုသည်။
ဒေသအတွင်းရှိ ကရင်တိုင်း ရင်းသားကျေးရွာအများစုသည် ၁၉၉၀ ပြည့်နှစ်ဝန်းကျင်တွင် ပြည်တွင်းစစ်များကြောင့် နယ်စပ် ဒေသများနှင့် ထိုင်းနိုင်ငံသို့ တိမ်း ရှောင်နေကြခဲ့ရပြီး ပြန်လည်အ ခြေချသည့်အချိန်၌ ယခင်ကျေးရွာနေရာများသည် စိုက်ပျိုးရေး ကုမ္ပဏီများ၏ဧရိယာအတွင်း ကျ ရောက်နေကြကြောင်း တာကပေါ အဖွဲ့မှ နော်ပီသလောက ပြော ကြားသည်။
ပြီးခဲ့သည့်အစိုးရလက်ထက် တွင် တိုင်းဒေသကြီးအတွင်း သိမ်း ဆည်းခံမြေယာများနှင့်ပတ်သက် ၍ သက်ဆိုင်ရာအစိုးရထံ တင်ပြ အကူအညီ တောင်းခံခဲ့သော်လည်း ပြန်လည်ဖြေရှင်းပေးမှု နည်းပါးခဲ့ကြောင်း ၎င်းက ဆက် လက်ပြောကြားသည်။
Source: 7daydaily