လိႈင္သာယာစက္မႈဇုန္အတြင္း ဂိုေဒါင္ေျမကြက္ အငွားျဖစ္ထြန္းမႈမ်ားရိွ
အိမ်ခြံမြေရောင်းဝယ်ငှားဈေးကွက်တွင် လူနေအိမ်ခန်းတိုက်ခန်းများ အရောင်းအဝယ်ဈေးကွက် အတန်ငယ် အေးနေသေးသော်လည်း စက်မှုဇုန် ဂိုဒေါင်များ၊ မြေကွက်များအနေဖြင့် အငှားဈေးကွက် အသင့်အတင့် ကောင်းမွန်သော အခြေအနေရှိကြောင်း အိမ်ခြံမြေဈေးကွက် ကျွမ်းကျင်သူများမှ ပြောကြားသည်။
လှိုင်သာယာမြို့နယ် ရွှေလင်ဗန်းစက်မှုဇုန်အတွင်း Property.com.mm သတင်းမီဒီယာအဖွဲ့မှ ယခုတစ်ပတ်အတွင်း
လေ့လာစုံစမ်းရရှိသော သတင်းများအရ စက်မှုဇုန်အတွင်းနှင့် အနီးပတ်ဝန်းကျင်များ၌ ဂိုဒေါင်အငှားများ မကြာခဏ ဖြစ်ပြီး ဆောက်လုပ်ဆဲ ဂိုဒေါင်စက်ရုံများကိုလည်း တွေ့ရှိရသည်။ အရောင်းအဝယ်ဈေးကွက်အနေဖြင့် ကြိုကြား ဖြစ်ပေါ်မှုများရှိပြီး အရောင်းခေါ်ဆိုထားမှုများလည်း ရှိကာ ဈေးနှုန်းအနေဖြင့် ၁ ဧက လျှင် သိန်း ၆၀၀၀ ပတ်ဝန်းကျင်
ခန့် ခေါ်ဆိုပြီး အမှန်တကယ်အရောင်းအဝယ်ဖြစ်သည်မှာ သိန်း ၄၆၀၀ - ၄၈၀၀ ပတ်ဝန်းကျင်ခန့်ဖြင့် အရောင်းအဝယ် ဖြစ်သည်များရှိကြောင်း ဗဟန်းမြို့နယ်၊ သံလွင်လမ်းရှိ Estate Myanmar အိမ်ခြံမြေ အကျိုးဆောင်လုပ်ငန်းမှ ကိုမျိုးထိုက် က ပြောကြားသည်။
စက်မှုဇုန်အတွင်း၌ အထည်ချုပ်လုပ်ငန်း စက်ရုံများ၊ စားသောက်ကုန်နှင့် အသေးစားစက်မှုလုပ်ငန်းလုပ်ကိုင်မှုများ
တွေ့ရပြီး စက်ရုံဂိုထောင်ဆောက်လုပ်ရန် ရှင်းလင်းထားသည့် မြေကွက်နှင့် အငှားခေါ်ဆိုထားသော ဂိုထောင် များလည်း ရှိကာ ဂိုထောင်အငှားဈေးကွက်အနေဖြင့် တစ်ပေ ပတ်လည်လျှင် ၃၀၀ မှ ၃၅၀ ဝန်းကျင်ဖြင့် အငှားဖြစ်ကြောင်း သိရသည်။
စက်မှုကဏ္ဍ ဖွံ့ဖြိုးတိုးတက်ရေးအတွက် လက်ရှိ စက်မှုဇုန်များအား အဆင့်မြှင့်တင်၍ အခြေခံအဆောက်အအုံများ ဖြည့်ဆည်းပေးသွားမည်ဖြစ်ကြောင်း စက်မှုဝန်ကြီးဌာနမှ ထုတ်ပြန်ထားသည့် မူဝါဒများအရလည်း စက်မှုဇုန်အတွင်း လုပ်ငန်းစီးပွားရင်းနှီးမြှုပ်နှံလိုကြသည့် လုပ်ငန်းရှင်များအနေဖြင့် လုပ်ငန်းစီးပွားရပ်တည်မှုအတွက် စိတ်ဝင်စားစရာ အချက်တစ်ခုဖြစ်သည်။
Property.com.mm
Property Media Team