ဒေသဖွံ့ဖြိုးရေးဆောင်ရွက်ရန် စေတုတ္တရာဖွံ့ဖြိုးတိုးတက်ရေးအဖွဲ့ ဖွဲ့စည်း
မကွေးတိုင်းဒေသကြီး စေတုတ္တရာမြို့နယ်ရှိ ကျေးရွာများ စုပေါင်း၍ ဒေသဖွံ့ဖြိုးရေးလုပ် ငန်းများ ဆောင်ရွက်နိုင်ရန် စေတုတ္တရာဖွံ့ဖြိုးတိုးတက်ရေးအဖွဲ့ကို ဧပြီ ၂၀ ရက်တွင် စတင်ဖွဲ့စည်းခဲ့ကြောင်း သတင်းရရှိသည်။
စေတုတ္တရာမြို့နယ်အတွင်း ကျေးရွာအုပ်စုပေါင်း ၄၈ ခုရှိရာ ကျေးရွာ ၃၃ အုပ်စုမှ ကိုယ်စားလှယ်များနှင့် မြို့ပေါ်ရှိပြည်သူများပူးပေါင်း၍ စေတုတ္တရာဖွံ့ဖြိုးတိုးတက်ရေးအဖွဲ့ ဖွဲ့စည်းခဲ့ခြင်းဖြစ်ကြောင်း ယင်းအဖွဲ့ အတွင်းရေးမှူး ဦးဝင်းမြင့်ထွေးက ပြောသည်။
‘‘အဓိကရည်ရွယ်ချက် ခြောက်ချက်ရှိပါတယ်။ အဲဒီအထဲ ကမှ လယ်ယာမြေရှားပါးမှုပြဿ နာ၊ သဘာဝမဟုတ်ဘဲ ရေကြီး ရေလျှံမှုပေါ့။ ပြီးခဲ့တဲ့ ရေဘေးမှာ သဘာဝဘေးအန္တရာယ်လို့ အစိုးရ က သတ်မှတ်ပေမယ့် ကျွန်တော် တို့ ဒေသခံတွေက အဲဒီလိုမသတ် မှတ်ဘူး။ အဲဒါက လူကလုပ်လို့ဖြစ် တဲ့ အန္တရာယ်လို့ မြင်တယ်။ ဆည် ကြီးနှစ်ခုကြားမှာ ပိတ်မိနေတာ။ ဒါတွေကိုလည်း ကာကွယ်သွားဖို့ ရည်ရွယ်ပါတယ်’’ဟု ၎င်းက ပြောသည်။
မုန်းဆည်နှင့် ကြီးအုံကြီးဝ ဆည်တို့ တည်ဆောက်ခဲ့မှုကြောင့် စေတုတ္တရာမြို့နယ်အတွင်း လယ် ယာမြေများ ဆုံးရှုံးခဲ့ခြင်း၊ ၂၀၁၅ အတွင်းက ဖြစ်ပွားခဲ့သည့် ရေဘေးကြောင့် ထပ်မံ၍ လယ်ယာမြေများဆုံးရှုံးခြင်းများ ဖြစ်ပေါ်ခဲ့ရသည်။ ထို့ကြောင့် ဒေသခံတို့၏ အကျိုးစီးပွားအတွက် စီးပွားရေးပုံစံများ ပြောင်းလဲလုပ်ကိုင်နိုင်ရန် ဆောင်ရွက်မည်ဟု ယင်းအဖွဲ့အတွင်းရေးမှူး ဦးမြင့်တိုးကဆိုသည်။
‘‘အုပ်စုပိုင် သစ်တောတွေ စိုက်သွားမယ်။ အဓိကစိုက်မှာက တော့ ၀ါးပေါ့။ ဒီဝါးကနေ မျှစ်ရ မယ်။ ၀ါးကိုမျိုးကောင်းမျိုးသန့်ရ အောင် လုပ်မယ်။ အဲဒီကနေ ၀င် ငွေရအောင် လုပ်မယ်။ လယ်ယာ စိုက်ပျိုးလို့ အဆင်မပြေတော့ စီးပွားရေးပုံစံပြောင်းတဲ့ သဘော ပေါ့။ အဲဒီအတွက်လည်း ကူညီမယ့် အဖွဲ့အစည်းတွေနဲ့ ချိတ်ဆက်ထားပါတယ်’’ဟု ဦးမြင့်တိုးက ပြောသည်။
ထို့အပြင် မုန်းဆည်မှ ပင်မ ရေပိုလွှဲနိမ့်ကျနေမှုသည် အန္တ ရာယ်တစ်ခု ဖြစ်နေခြင်းကြောင့် ယင်းကိစ္စကိုလည်း စနစ်တကျ ကာကွယ်နိုင်ရန် ဆောင်ရွက်မည် ဖြစ်ပြီး ဒေသခံပြည်သူများ၏ အကျိုးစီးပွားကို ပုံစံအမျိုးမျိုးဖြင့် ကာကွယ်စောင့်ရှောက်နိုင်ရန် ကြိုးပမ်းမည်ဖြစ်ကြောင်း ၎င်းကဆိုသည်။ ယခုဖွဲ့စည်းခဲ့သည့် စေတုတ္တရာ ဖွံ့ဖြိုးတိုးတက်ရေးအဖွဲ့တွင် အဖွဲ့ဝင် ၁၅၉ ဦး ပါဝင်ပြီး စေတုတ္တရာမြို့နယ်၌ လူအင်အားအများဆုံးဖြင့် ဖွဲ့စည်းထားသည့် ပထမဆုံး လူမှုအဖွဲ့အစည်းဖြစ်ကြောင်း သတင်းရရှိသည်။ ယင်းအဖွဲ့အနေဖြင့် အစိုးရသစ်နှင့်အတူ သက်ဆိုင်ရာ ဌာနများနှင့်ပါ ဆွေးနွေး ညှိနှိုင်း၍ ရပ်ရွာပြည်သူတို့၏ အကျိုးစီးပွားများကို ကာကွယ်စောင့် ရှောက်မည်ဖြစ်ကြောင်း တာဝန်ရှိသူများက ဆိုသည်။
Source: 7daydaily