အစိုးရသက်တမ်းအတွင်း အိမ်ခြံမြေထိန်းခဲ့၍ စီးပွားရေးစနစ်တကျ ဖွံ့ဖြိုးလာဟု ဦးဖြိုးမင်းသိန်းပြော

‘‘ အိမ်ခြံမြေကြောင့် စီးပွားရေး နှောင့်နှေးသွားတာဆိုတာထက် အိမ်ခြံ မြေကြောင့် မြန်မာ့စီးပွားရေးမိုးပျံပူ ဖောင်းပေါက်သလိုမဖြစ်ဖို့ ထိန်းညှိ ခဲ့တာဖြစ်ပါတယ်။အခုဆိုရင် စနစ်တကျဖွံ့ဖြိုးတိုးတက်မှုကို တွေ့မြင်နေရတာ ဖြစ်ပါတယ်’’ ဟု ဦးဖြိုးမင်းသိန်းက ပြောသည်။

ဆောက်လုပ်ရေး ကဏ္ဍနယ်ပယ်နှင့် အိမ်ရာစီမံကိန်းများ စနစ်တကျဖွံ့ဖြိုးအောင်ဆောင်ရွက် ခြင်းသည် မြန်မာ့စီးပွားရေတည် ငြိမ်မှု ရှိလာစေရန်ဖြစ်ပြီး အိမ်ခြံမြေကဏ္ဍ လှုပ်ခတ်မှုက မြန်မာနိုင်ငံ၏ စီးပွားရေးနှင့် ဘဏ်ဖွံ့ဖြိုးတိုးတက်မှုများကို သက်ရောက်မှုရှိကြောင်း ဦးဖြိုးမင်းသိန်းက ပြောသည်။ ထို့ကြောင့် အစိုးရကဘဏ်များ တောင့်တင်းခိုင်မာရန် အိမ်ခြံမြေကို ထိန်းသိမ်းခဲ့ရကြောင်း ၎င်းကဆက်လက်ပြောသည်။

မြန်မာနိုင်ငံတွင် အဆင့်မြင့် အိမ်ရာစီမံကိန်းများအတွက် အိမ်ခန်းလိုအပ်ချက် ရာဂဏန်းရှိပြီး အလယ် အလတ်တန်းစား အိမ်ရာ လိုအပ်မှု ထောင်ဂဏန်းရှိနေ သည်။ အခြေခံလူတန်းစားများ အတွက်အိမ်ရာလိုအပ်ချက် သိန်းချီရှိနေပြီး ရန်ကုန်တိုင်း တစ်ခုတည်းအတွက် အခြေခံအိမ်ရာ လိုအပ်ချက်တစ်သိန်းခွဲရှိကြောင်း ၎င်းကပြောသည်။

၂၀၁၆ မေလက ရန်ကုန်မြို့ မှ ဆောက်လုပ်ရန် ပြင်ဆင်နေဆဲ၊ ဆောက်လုပ်ဆဲ အဆောက်အအုံ ၁၈၅ လုံးကို တိုင်းအစိုးရက ပြန်လည်စစ်ဆေးရန် ရန်ကုန်မြို့ တော်အင်္ဂါရပ်နှင့်အညီ အဆောက်အအုံများ တည်ဆောက်မှု စိစစ် ရေးကော်မတီက ဆောက်လုပ်မှု ရပ်ဆိုင်းစေခဲ့သည်။ အဆိုပါ ကော်မတီတွင် ရန်ကုန်တိုင်းဝန် ကြီးချုပ် ဦးဖြိုးမင်းသိန်းက ဦးဆောင်ခဲ့သည်။

ထိုညွှန်ကြားချက်ကြောင့် ဆောက်လုပ်ရေး လောက၌ ကြီးမားသော ဂယက်ဖြစ်ပေါ်ခဲ့ပြီး ရန်ကုန်မြို့၌ အထပ်မြင့်အဆောက်အအုံရာနှင့်ချီ ရပ်ဆိုင်းခဲ့ သည်။

Source : 7Daydaily