တောင်သူများအတွက် သိန်း ၅၀၀ ထိရမည့် ချေးငွေအား ပြည်မြို့တွင် စတင်ထုတ်ချေးနေ

ဂျပန် နိုင်ငံ JACA အဖွဲ့အစည်းမှ ထည့်ဝင်ငွေ ယန်းသန်းပေါင်း ၁၅၁၃၅ ဘီလီယံ ၊ နိုင်ငံတော်အစိုးရမှ ထည့်ဝင်ငွေ ကျပ်ယန်းသန်းပေါင်း ၉၃၈ ဘီလီယံ စုစုပေါင်း ယန်းသန်း ၁၆၀၇၃ မြန်မာကျပ်ငွေ ၁၉၅ ဘီလီယံခန့် ဖြင့် JICA (Two Step Loan) အနေဖြင့် တစ်နိုင်ငံလုံးမှ တောင်သူများကို ချေးငွေ ထုတ်ပေးရန် စီစဉ်ခဲ့ခြင်းဖြစ်သည်။
၂၀၀၇-၂၀၀၈ ဘဏ္ဍာနှစ်အတွက် နေပြည်တော် ၊ ပဲခူးတိုင်း ၊ စစ်ကိုင်းတိုင်း ၊ မန္တလေးတိုင်း ၊ ဧရာဝတီတိုင်း တို့တွင် ချေးငွေထုတ်ချေးမည်ဖြစ်ပြီး ၂၀၀၈ -၂၀၀၉ ခုနှစ်တွင် မြန်မာတစ်နိုင်ငံလုံးတွင် ချေးငွေ ထုတ်ချေးမည်ဖြစ် သည်။ တောင်သူတစ်ဦးချင်းအတွက်ချေးငွေပမာဏ အများဆုံး သိန်း (၅၀၀) အထိ ချေးယူနိုင်ပြီး အစုအဖွဲ့အတွက် အများဆုံး သိန်း (၅၀၀၀) အထိချေး ယူနိုင်မည်ဖြစ်သည် ။ ၄င်းချေးငွေအတွက် တစ်လ အတိုးနှုန်း ၆၇ ပြား ကျသင့်မည်ဖြစ်ပြီး ၊ တစ်နှစ်စာ အတိုးနှုန်း ၈ ကျပ် ကျသင့်မည်ဖြစ်သည်။

“ကိုယ်ရဲ့ပိုင်ဆိုင်မှုလယ်ယာမြေပိုင်ဆိုင်မှုတွေနဲ့ အာမခံထားရပါတယ်၊ ထွန်စက်ကတော့ ဒီနေ့ပဲလက်ထဲရောက်ပါပြီ˝ဟု ငွေကျပ် ၄၁၃သိန်း ချေးေ ငွဖြင့် ထွန်စက်ဝယ်ယူသူ လယ်သမားကြီး ဦးထွားမောင်က ပြောသည်။

ချေးငွေထုတ်ပေးခြင်း အခမ်းအနားကို ပြည်မြို့၊ဗိုလ်ချုပ်လမ်းရှိ မူယာပင် ပန်းခြံဝန်း ခေတ္တရာမြို့တော်ခန်းမတွင် ကျင်းပပြုလုပ်ခဲ့ရာ ပဲခူးတိုင်း ၀န်ကြီး ချုပ် ဦးဝင်းသိန်း ၊ ပဲခူးတိုင်း စီမံကိန်း နှင့် ဘဏ္ဍာရေးဝန်ကြီးဌါန ၀န်ကြီး ဦးညွှန့်ရွှေ တို့ တက်ရောက်ခဲ့သည်။ အခမ်းအနားကျင်းပသည့် မူယာပင် ပန်းခြံဝန်းတွင် လယ်ယာသုံး ပစ္စည်းရောင်းချသည့် ကုမ္ပဏီများကလည်း ၄င်းတို့၏ ထုတ်ကုန်ပစ္စည်းများကို လာရောက်ခင်းကျင်းပြသခဲ့ကြသည်။

Source : Mizzima
http://www.property.com.mm/index.php/en/174/news