မေကြးတြင္ ေဆာက္လုပ္ေရးတင္ဒါမ်ားစိစစ္ရာ၌ က်ပ္သန္းတစ္ေသာင္းေက်ာ္ ပိုထြက္လာ

မကွေးတိုင်းဒေသကြီး ၌ ဆောက်လုပ်ရေးတင်ဒါများကို စိစစ်ရာ  ပိုလျှံငွေကျပ်သန်းတစ်သောင်းကျော် (၁၀ ဒသမ ၂၇ ဘီလီယံ)ထွက်လာကြောင်း မကွေးတိုင်းဒေသကြီး အစိုးရအဖွဲ့၏ တစ်နှစ်တာပြုပြင်ပြောင်းလဲရေး ဆောင်ရွက်ခဲ့မှုများတွင် ထည့်သွင်းဖော်ပြထားသည်။

ယင်းသို့ စိစစ်ရာတွင် လုပ်ငန်း အရည်အသွေးကိုလည်း ကောင်း၊ လုပ်ငန်းအရေအတွက် ကိုလည်းကောင်း၊ လုပ်ငန်းပမာ ဏကိုလည်းကောင်း မထိခိုက် စေဘဲ စိစစ်ခဲ့ကြောင်း တိုင်းဒေသ ကြီးအစိုးရ ထုတ်ပြန်ချက်တွင် ပါဝင်သည်။

‘‘အင်ဂျင်နီယာတွေကို ကိုယ့်တာဝန် ကိုယ်ပေးလိုက်တယ်။ တင်ဒါပြိုင်သူတွေကိုလည်း ဘယ် သူ့ကိုမှ ဘာမှမပေးဘဲ ရိုးရိုးသား သားဝင်ပြိုင်ဖို့ ပြောခဲ့တယ်။ ဒီ လောက်ပါပဲ’’ဟု မကွေးတိုင်း ဒေသကြီး ဆောက်လုပ်ရေးနှင့် ပို့ဆောင်ဆက်သွယ်ရေးဝန်ကြီး ဦးတင်နွယ်ဦးက တင်ဒါပိုလျှံငွေ ထွက်လာရခြင်းအကြောင်း ရှင်း ပြသည်။

ပိုလျှံငွေများကို ကျေးလက်  ဒေသဖွံ့ဖြိုးရေး၊ လျှပ်စစ်မီးရရှိ ရေးတို့အတွက် ခွဲဝေပေးခဲ့ ကြောင်းနှင့် ကျန်းမာရေးကဏ္ဍနှင့် လမ်းပန်းဆက်သွယ်ရေးကဏ္ဍ တွင် ပြန်လည်အသုံးပြုခဲ့ကြောင်း တိုင်းဒေသကြီးအစိုးရအဖွဲ့မှ သိ ရသည်။

ထို့အပြင် ပိုလျှံငွေမှ ကျေး ရွာချင်းဆက် လမ်းများ၊ သောက် ရေကန်များ ပြုပြင်ထိန်းသိမ်းရန် ကျပ်သန်းတစ်ထောင်ကျော် တန်ဖိုးရှိယန္တရားများ ဝယ်ယူခဲ့ကြောင်း သိရသည်။

မကွေးတိုင်းဒေသကြီး ဝန် ကြီးချုပ် ဒေါက်တာ အောင်မိုးညို ကလည်း အစိုးရအဖွဲ့၏ တစ်နှစ် တာပြုပြင်ပြောင်းလဲရေး ဆောင် ရွက်ခဲ့မှုများကို ပြောကြားရာတွင် ‘‘ယခင့် ယခင်အစိုးရတွေလက် ထက်က မလုပ်သင့်ဘဲ လုပ်ခဲ့တဲ့ အတွက် ဖြစ်ရတဲ့ ပြဿနာ၊ လုပ် သင့်ပါလျက်  မလုပ်တဲ့အတွက် ဖြစ်ရတဲ့  ပြဿနာတွေကို ရှင်းနေ ရတာဟာ တာဝန်ကြီးတစ်ခုလို ဖြစ်နေပါတယ်။ ဒါတွေ ဖြေရှင်းရ လို့ ကုန်တဲ့အချိန်နဲ့ ငွေတွေကို ဒီ ပြင်ဖွံ့ဖြိုးရေးလုပ်ငန်းတွေမှာ သုံး လို့ရတာပေါ့’’ဟု ထည့်သွင်းပြော ကြားခဲ့သည်။

အမျိုးသားဒီမိုကရေစီအဖွဲ့ ချုပ်အစိုးရ၏ တစ်နှစ်တာဆောင် ရွက်ချက်များကို ပြန်ကြားရေးဝန် ကြီးဌာနက နိုင်ငံပိုင်မီဒီယာများ တွင် ဖော်ပြနေသည်။

Source: 7 Daily

| Share on Facebook | Share on Google Plus | Share on Twitter