တကသ အဆောက်အအုံဟောင်းနေရာတွင် ဆောက်လုပ်နေမှုများ လတ်တလော ရပ်ဆိုင်းလိုက်ကြောင်း သိရ
ရန်ကုန်တက္ကသိုလ်အတွင်းရှိ တကသ အဆောက်အအုံဟောင်းနေရာတွင် အဆောက်အအုံသစ် ပြန်လည်တည်ဆောက်ရန် ပြင်ဆင်နေမှုများ လတ်တလော ရပ်ဆိုင်းလိုက်ကြောင်း သိရသည်။
ကျောင်းသားသမဂ္ဂ အဆောက်အအုံ တည်ဆောက်ရေးအတွက် လွတ်လပ်သည့် ကော်မတီတစ်ရပ် ပေါ်ပေါက်ရန်ကြိုးစား ဆောင်ရွက်နေကြချိန်တွင် သမဂ္ဂအဆောက်အအုံ တည်ဆောက်ရေး ကော်မတီရုံးခန်းကို စတင် တည်ဆောက်နေခြင်းအပေါ် ဝေဖန်မှုများ ထွက်ပေါ်လာပြီးနောက် ယခုကဲ့သို့ တည်ဆောက်မှု လတ်တလော ရပ်ဆိုင်းလိုက်ခြင်း ဖြစ်ကြောင်း သိရသည်။
တကသ အဆောက်အအုံဟောင်း နေရာတွင် ဆောက်လုပ်နေမှုများအား ရပ်ဆိုင်းရန် မေတ္တာရပ်ခံထားကြောင်း တကသ အဆောက်အအုံ ပြန်လည်တည်ဆောက်ရေး ကော်မတီ ဖွဲ့စည်းရေးအဖွဲ့က ဖေဖော်ဝါရီ ၂၇ ရက်က သတင်းထုတ်ပြန်ကြောင်း သိရသည်။
ယခင် တကသ အဆောက်အအုံဟောင်း နေရာတွင် ဆောက်လုပ်နေသည်ဟု ဆိုသော ဆောင်ရွက်နေမှုများကို ခေတ္တ ရပ်ဆိုင်းပေးပါရန် မေတ္တာ ရပ်ခံထားကြောင်းနှင့် သက်ဆိုင်ရာ ဌာနမှနေ၍ ရပ်ဆိုင်းထားသည်ဟု သိရှိရပါကြောင်း တကသ အဆောက်အအုံ ပြန်လည် တည်ဆောက်ရေး ကော်မတီ ဖွဲ့စည်းရေးအဖွဲ့က သတင်းထုတ်ပြန်ခြင်းဖြစ်သည်။
တကသ အဆောက်အအုံ ပြန်လည် တည်ဆောက်ရေး ကော်မတီဖွဲ့ စည်းရေးအဖွဲ့ ကို ဖေဖော်ဝါရီ ၂၂ ရက်က အမျိုးသားဒီမိုကရေစီအဖွဲ့ချုပ်ဌာနချုပ်တွင် ပြုလုပ်သော အစည်းအဝေးတွင် ဖွဲ့စည်းခဲ့ခြင်းဖြစ်ပြီး အဆိုပါအဖွဲ့က ယနေ့ တော်ဝင်နှင်းဆီ စားသောက်ဆိုင်တွင်ပြုလုပ်မည့် တကသအဆောက်အအုံ ပြန်လည်တည်ဆောက်ရေး ကော်မတီအစည်းအဝေးသို့ ကျောင်းသားမျိုးဆက် အသီးသီး တက်ရောက်ဆွေးနွေးရန် ဖိတ်ကြားနေသော အဖွဲ့ဖြစ်သည်။
တကသ အဆောက်အအုံကို ပြန်လည် တည်ဆောက်ခြင်း မပြုမီ ကျောင်းသားသမဂ္ဂ၏ အခန်းကဏ္ဍနှင့် လွတ်လပ်ခွင့်ကို တရားဝင် အသိအမှတ်ပြုပေးရန် ၁၉၅၃ ခုနှစ်မှ ၂၀၁၇ ခုနှစ်အထိ ကျောင်းသားမျိုးဆက် အသီးသီးက သဘောတူညီချက်တစ်ရပ်ကို ထုတ်ပြန်ထားပြီး ထိုသို့ တကသ အဆောက်အအုံ ဆောက်လုပ်ရန်ကိစ္စအပေါ် ကျောင်းသားမျိုးဆက် အသီးသီးက အမြင်အမျိုးမျိုး ရှိနေကြချိန်၌ တကသ အဆောက်အအုံဟောင်းနေရာတွင် အဆောက်အအုံ ဆောက်လုပ်ရေးအား ရပ်တန့်ခဲ့ခြင်း ဖြစ်သည်ဟု သိရသည်။
ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်မှ ဦးဆောင်ကျင်းပသည့် ကျောင်းသားသမဂ္ဂ အဆောက်အအုံနှင့် ပတ်သက်၍ ကျောင်းသားမျိုးဆက် အသီးသီး ပါဝင်သော ဆွေးနွေးပွဲကို ဖေဖော်ဝါရီ ၂၆ ရက်က ရန်ကုန်မြို့ Orchid Hotel ၌ ကျင်းပခဲ့ပြီး ၁၉၅၃ ခုနှစ် ကျောင်းသားသမဂ္ဂ မျိုးဆက်မှသည် လက်ရှိ ကျောင်းသားသမဂ္ဂ မျိုးဆက်အထိ တက်ရောက်ဆွေးနွေးခဲ့ကြသည်။
ဆွေးနွေးမှုရလဒ်အဖြစ် သမဂ္ဂတည်ဆောက်ရေးနှင့် ပတ်သက်သည့် သဘောထားစုစည်းချက်နှင့် အလုပ်လမ်းညွှန်ချက် ၁၉ ချက် စုဆောင်းနိုင်ခဲ့ပြီး ၁၉၆၂ ဇူလိုင် ၇ တွင် တကသ အဆောက်အအုံအား ဖြိုချဖျက်ဆီးခဲ့ခြင်းမှာ ရုပ်ဝတ္ထုအဆောက်အအုံ တစ်ခုတည်းကိုသာ ဖြိုချဖျက်ဆီးခဲ့ခြင်း မဟုတ်ဘဲ ကျောင်းသားသမဂ္ဂများ၏ ရှင်သန်ရပ်တည်ခွင့်နှင့် သမဂ္ဂ ယဉ်ကျေးမှုဖွံ့ဖြိုးခွင့်ကိုပါ ရည်ရွယ်ချက်ရှိရှိဖြင့် ဖျက်ဆီးခဲ့ခြင်းဖြစ်သည်ဟု သဘောထား တူညီစွာရှိကြကြောင်း သိရသည်။
ထို့ပြင် ကျောင်းသားသမဂ္ဂများ တရားဝင်ရပ်တည်ခွင့်နှင့် လွတ်လပ်စွာ လှုပ်ရှားခွင့် ကို တရားဥပဒေအရ အသိအမှတ်ပြုပြီးမှသာ တကသ အဆောက်အအုံဆောက်လုပ်ရေးအား ခေတ်အဆက်ဆက် ကျောင်းသားမျိုး ဆက်များဖြင့် ကော်မတီ ဖွဲ့စည်းလုပ်ကိုင်သင့်ကြောင်း၊ တိုက်တွန်းကြောင်း အစည်းအဝေး တက်ရောက်လာသော ကျောင်းသားမျိုးဆက် အသီးသီး၏ သဘောတူမှုဖြင့် ကြေညာချက် တစ်ရပ်ထုတ်ပြန်ခဲ့သည်။
အဆိုပါကြေညာချက်တွင် ဖြိုဖျက်ခံရသည့် တကသ အဆောက်အအုံနေရာသည် တိုင်းပြည်၏ နယ်ချဲ့ဆန့်ကျင်ရေး၊ အမျိုးသား လွတ်မြောက်ရေး သမိုင်းသာမက၊ စစ်အာဏာရှင်စနစ်ဆန့်ကျင်ရေးသမိုင်းကိုပါ ယနေ့တိုင် ဆက်လက်ထမ်းပိုးထားဆဲဖြစ်ကြောင်း၊ သမဂ္ဂ အဆောက်အအုံဟောင်းနေရာ၏ သမိုင်းတန်ဖိုး ဆက်လက်တည်တံ့နိုင်ရေးအတွက် ကိုယ်စွမ်း ဥာဏ်စွမ်းရှိသမျှ ချိတ်ဆက်ကာကွယ်ကြမည်ဆိုသည့်အချက်မှာ အစည်းအဝေး တက်ရောက်လာသည့် ကျောင်းသားမျိုးဆက်များ၏ ခိုင်မာသောဆုံးဖြတ်ချက် အနှစ်သာရပင်ဖြစ်ကြောင်း၊ ပြည်သူရွေးချယ်တင်မြှောက်သော အစိုးရအဖွဲ့လက်ထက်တွင် ကျောင်းသား သမဂ္ဂသမိုင်း၏ အဆိုးရွားဆုံး အမည်း စက်တစ်ခုဖြစ်သော ဖြိုဖျက်ခံရသည့် ကျောင်းသားသမဂ္ဂအဆောက်အအုံအား ပြန်လည်တည်ဆောက်ရန် အားထုတ်မှုသည် သင့်မြတ်ကောင်းမွန်သော လုပ်ဆောင်မှုတစ်ခုအဖြစ် အသိအမှတ်ပြုကြောင်း၊ သို့သော် ရုပ်ဝတ္ထု အဆောက်အအုံအား ဆောက်လုပ်ပေးခြင်း သက်သက်ဖြင့် မလုံလောက်ဟုယူဆကြောင်း၊ ကျောင်းသားသမဂ္ဂများ၏ မူလတည်ရှိသော အခန်းကဏ္ဍအဆင့်အတန်းအား ပြန်လည် ဆောင်နှင်းပေးနိုင်ရန်လည်း အရေးကြီးလှကြောင်း ရေးသားထားသည်။
Source : Eleven Media Group