အင္းေလးကန္ ေရခန္းေျခာက္္လာ၍ ဘီလူးေခ်ာင္းေရအားလွ်ပ္စစ္ထုတ္လုပ္မႈ ေလ်ာ့က်
အင်းလေးကန် ရေ ခန်းခြောက်လာခြင်းကြောင့် ဘီ လူးချောင်းရေအားလျှပ်စစ် ဓာတ် အားထုတ်လုပ်မှုကို အကြီးအ ကျယ် ထိခိုက်စေကြောင်း အမှတ် (၂) ဘီလူးချောင်း ရေအားလျှပ် စစ်စီမံကိန်း မန်နေဂျာ ဒုတိယ အင်ဂျင်နီယာချုပ် ဦးမြတ်စိုးကျော်က ပြောသည်။
ပြီးခဲ့သည့်နှစ်အတွင်း အင်း လေးကန် ရေခန်းခြောက်လာမှု ကြောင့် ဘီလူးချောင်း ရေအား လျှပ်စစ်စီမံကိန်း လျှပ်စစ်ဓာတ် အားထုတ်လုပ်မှု ၄၀ ရာခိုင်နှုန်း လျော့ကျခဲ့ကြောင်း ၎င်းက ပြော ကြားသည်။
‘‘ဓာတ်အား လျှော့ထုတ် ထားပါတယ်။ ၂ နှစ်ရှိပါပြီ။ မနှစ် က ကြုံပါတယ်။ တစ်နှစ်ကျော် လည်း ကြုံခဲ့ရတယ်။ ဒါကြောင့် အခုလာမယ့်နှစ်ကို စောင့်ကြည့်ရ ပါမယ်။ ရာသီဥတုဆိုးတာ ဆက် ဖြစ်နိုင်မလား၊ ပုံမှန်ဖြစ်မလား စောင့်ကြည့်ရပါမယ်’’ဟု ဦးမြတ် စိုးကျော်က ပြောသည်။
အမှတ် (၂) ဘီလူးချောင်း ရေအားလျှပ်စစ်စီမံကိန်းတွင် နှစ် စဉ် ဓာတ်အား ၁,၁၉၀ GWH ကို ထုတ်လုပ်နိုင်သော်လည်း ပြီးခဲ့ သည့်နှစ်အတွင်း အင်းလေးကန် ရေခန်းခြောက်လာမှုကြောင့် ၆၇၀ GWH သာ ထုတ်လုပ်နိုင်ခဲ့သည်။
ဘီလူးချောင်း ရေအားလျှပ် စစ်စီမံကိန်းတွင် အမှတ် (၁)၊ (၂)၊ (၃) ဟူ၍ စီမံကိန်းသုံးခုမှ စုစု ပေါင်း လျှပ်စစ်ဓာတ်အားထုတ်လုပ်မှု ၂၄၈ မဂ္ဂါဝပ် (စက်တပ်ဆင် အင်အား)ရှိပြီး တစ်နိုင်ငံလုံး ဓာတ်အားထုတ်လုပ်မှု၏ ၅ ရာခိုင်နှုန်းရှိသည်။
အမှတ် (၂) စက်ရုံကို ၁၉၅၄၊အမှတ် (၁)ကို ၁၉၈၇ နှင့် အမှတ် (၃)ကို ၂၀၀၈ ခုနှစ်တွင် စတင်ခဲ့ ခြင်းဖြစ်သည်။ အမှတ် (၂) စက် ရုံသည် ဓာတ်အားထုတ်လုပ်မှုအ ပြင် အမှတ် (၁)နှင့် အမှတ် (၃) စက်ရုံများမှ လျှပ်စစ်ဓာတ်အား များကို စုဆောင်းပြီး ရန်ကုန်၊ မန္တလေးမြို့များသို့ ၂၃၀ KV ဓာတ်အားလိုင်းများဖြင့် မဟာဓာတ် အားလိုင်းမှတစ်ဆင့် ပို့ဆောင်နေ သည်။
အင်းလေးကန် တိမ်ကော လာမှုအတွက် ယခင်အစိုးရလက် ထက်က အကြီးစားပြင်ဆင်မှုများ ပြုလုပ်ခဲ့ပြီး လက်ရှိ အစိုးရလက် ထက်တွင် လုပ်ငန်းပြန်စခြင်း ရှိ၊ မရှိ မသိရသေးကြောင်း အဆိုပါစီမံကိန်း တာဝန်ကျအင်ဂျင်နီယာ က ပြောသည်။
ကယားပြည်နယ် လွိုင်ကော် မြို့နယ်ရှိ ဘီလူးချောင်း ရေအား လျှပ်စစ်စီမံကိန်းသည် အင်းလေး ကန်မှ အခြေခံစီးဆင်းလာသော ဘီလူးချောင်းရေကို အသုံးပြု၍ လျှပ်စစ်ဓာတ်အား ထုတ်လုပ်နေ ခြင်းဖြစ်သည်။
အကယ်၍ အင်းလေးကန် တွင် ရေဝင်ရောက်မှုမရှိတော့ပါက ဘီလူးချောင်း ရေအားလျှပ်စစ် စီမံကိန်းလည်းရပ်ဆိုင်းရမည်ဖြစ်ကြောင်း ဦးမြတ်စိုးကျော်က ပြောကြားသည်။
အင်းလေးကန်သည် ၂၀၁၆ ဧပြီလဆန်းကစတင်ပြီး စံချိန်တင် ခန်းခြောက်ခဲ့သည်။ ထို့ကြောင့် အင်းလေးဒေသ ရေရှည်တည်တံ့ ခိုင်မြဲရေးလုပ်ငန်းကို အစိုးရသစ်၏ ရက်ပေါင်းတစ်ရာအတွင်း လုပ်ဆောင်ခဲ့ကြောင်း အင်းတိုင်း ရင်းသားရေးရာဝန်ကြီး ဒေါက် တာထွန်းလှိုင်က ပြောထားသည်။
Source : 7day Daily News