စာသင်ဆောင်များတည်ဆောက်ရန် လွှတ်တော်သို့ ကျပ်ဘီလီယံ ၂၅၀ ကျော် တောင်းခံထား
တက္ကသိုလ်၊ ကောလိပ်၊ စာသင်ကျောင်းများနှင့် သု တေသန လုပ်ငန်းများအတွက် လိုအပ်သည့် စာသင်ဆောင်များ တည်ဆောက်ရန် ပညာရေးဝန်ကြီးဌာနက ပြည်ထောင်စု လွှတ်တော်သို့ ကျပ်ဘီလီယံ ၂၅၀ ကျော်တင်ပြတောင်းခံခဲ့ကြောင်း သတင်းရရှိသည်။
၂၀၁၇-၁၈ ဘဏ္ဍာနှစ်တွင် ပညာရေးဝန်ကြီးဌာနက အသုံးပြု မည့် ဘတ်ဂျက်ကို ဇန်နဝါရီ ၃၁ ရက်က ကျင်းပသည့် ပြည်ထောင် စုလွှတ်တော်အစည်းအဝေးသို့ တင်ပြစဉ် စာသင်ဆောင်များ တည်ဆောက်ရေး ငွေလုံးငွေရင်း အသုံးစရိတ်အနေဖြင့် ကျပ် ၂၅၆ ဒသမ ၅၇၃ ဘီလီယံ ထည့်သွင်း တင်ပြခဲ့သည်။
လာမည့် ဘဏ္ဍာနှစ်အတွက် ပညာရေးဝန်ကြီးဌာနက သာမန် အသုံးစရိတ်နှင့် ငွေလုံးငွေရင်း အသုံးစရိတ် စုစုပေါင်း ကျပ် ၁ ဒသမ ၇၆၄ ထရီလီယံ(ကျပ် ဘီ လီယံ ၁,၇၀၀ ကျော်)တင်ပြခဲ့ခြင်း ဖြစ်သည်။
‘‘တည်ဆောက်ရေးလုပ်ငန်း တွေအနေနဲ့ တက္ကသိုလ်ကောလိပ် သိပ္ပံနဲ့ ကျောင်းတွေနဲ့ သုတေသန လုပ်ငန်းတွေအတွက်၊ လိုအပ်တဲ့ စာသင်ခန်းတွေအတွက် စာသင် ဆောင် ၂,၂၅၁ ဆောင်ပဲ တင်ပြ တောင်းခံတာဖြစ်ပါတယ်။ ပညာ ရေးဝန်ကြီးဌာနအနေနဲ့ ၂၀၁၆- ၁၇ ပညာသင်နှစ်နဲ့ ၂၀၁၅-၁၆ ပညာသင်နှစ်ရဲ့ကျောင်းသားဦး ရေကို နှိုင်းယှဉ်မယ်ဆိုရင် အခမဲ့ ပညာရေးကို အောင်မြင်စွာနဲ့ ထိ ထိရောက်ရောက် အကောင်အ ထည်ဖော်ဆောင်ရွက်တဲ့အတွက် ကြောင့် အလယ်တန်း၊ အထက် တန်းမှာဆိုရင် ကျောင်းသား ကျောင်းသူဦးရေ သိသိသာသာ တိုးတက်လာပါတယ်။ စုစုပေါင်း ကျောင်းသားဦးရေ မူလတန်း၊ အ လယ်တန်း၊ အထက်တန်းမှာဆို ရင် သုံးသိန်းကျော်တိုးတက်လာ ပါတယ်’’ဟု ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာ မျိုးသိမ်းကြီးက ပြောသည်။
ကျောင်းသား၊ ကျောင်းသူ အိပ်ဆောင်များ၊ ဆရာ၊ ဆရာမ နှင့် ဝန်ထမ်းအိမ်ရာများ၊ အခြေခံ ပညာကျောင်းများတွင် စာကြည့် တိုက်များ သိပ္ပံဆောင်များလိုအပ် လျက်ရှိရာ ယင်းအဆောက်အအုံများ တည်ဆောက်ရေးလုပ်ငန်းများ၌ အသုံးပြုနိုင်ရန် တင်ပြ တောင်းခံခဲ့သည်။
လက်ရှိတွင် တစ်နိုင်ငံလုံး၌ မူလတန်း၊ အလယ်တန်း၊ အ ထက်တန်းကျောင်း စုစုပေါင်း ၄၆,၀၀၆ ကျောင်း၊ ဆရာ၊ ဆရာမ ၃၆၈,၀၀၀ ကျော်နှင့် ကျောင်းသာ၊ကျောင်းသူ ၉,၀၇၀,၀၀၀ ကျော် ရှိပြီး အဆင့်မြင့်ပညာရေး၌ တက္က သိုလ်(ပညာရေး၊ နည်းပညာ နှင့် ကွန်ပျူတာ)၊ ပညာရေးကောလိပ် များ စုစုပေါင်း ၁၁၃ ကျောင်း၊ ဆရာ၊ ဆရာမ ၂၁,၀၀၀ ကျော်နှင့်ကျောင်းသား၊ ကျောင်းသူ ၈၃၀,၀၀၀ ကျော်ရှိကြောင်း သိရသည်။
Source : 7day Daily News