ကချင်ပြည်နယ် ချီဗွေနှင့် ဆော့လော်မြို့နယ်အတွင်းရှိ မြေ ၃၈၆၁၇၆ ဧကအား အီမောဘွန်း အမျိုးသားဥယျာဉ်အဖြစ် သတ်မှတ်ရန် ဆောင်ရွက်နေ
ကချင်ပြည်နယ် ချီဗွေနှင့်ဆော့လော်မြို့နယ်အတွင်းရှိ မြေ ၃၈၆၁၇၆ ဧကအား အီမောဘွန်း အမျိုးသားဥယျာဉ်အဖြစ် သတ်မှတ်ရန် ဆောင်ရွက်နေကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနမှ သိရသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီးသည် တောရိုင်းတိရစ္ဆာန်နှင့် သဘာဝအပင်များ ကာကွယ်ရေးနှင့် သဘာဝနယ်မြေများ ထိန်းသိမ်းရေးဥပဒေအရ အပ်နှင်းထားသည့် အခွင့်အာဏာများကို ကျင့်သုံးကာ ကချင်ပြည်နယ် မြစ်ကြီးနားခရိုင် ချီဗွေမြို့နယ် နှင့်ဆော့လော်မြို့နယ်အတွင်း ကျရောက်နေသည့် အကျယ်အ၀န်း ၃၈၆၁၇၆ ဧက(၆၀၃ ဒသမ ၄ စတုရန်းမိုင်)ရှိ မြေကို သဘာ၀၀န်းကျင်နှင့် ဇီဝမျိုးစုံမျိုးကွဲများ ထိန်းသိမ်းကာကွယ်ရန် “အီမောဘွန်း အမျိုးသားဥယျာဉ်”အဖြစ် သတ်မှတ်ရန် ရည်ရွယ်ကြောင်း ကြေညာချက်ကို ထုတ်ပြန်ခဲ့ပြီး ဖြစ်ကြောင်း သိရသည်။
အီမောဘွန်းအမျိုးသားဥယျာဉ်အဖြစ် တည်ထောင်ရန် ရည်ရွယ်သည့် နယ်မြေအတွင်း ကျူးကျော်ဝင်ရောက် နေထိုင်ခြင်း၊ အမျိုးသားဥယျာဉ်နယ်မြေအတွင်း အဆိပ်အတောက်ဖြစ်စေသော ပစ္စည်းကိုဖြစ်စေ၊ ဓာတ်သတ္တု အညစ်အကြေးကို ဖြစ်စေ လက်ဝယ်ထားခြင်း သို့မဟုတ် စွန့်ပစ်ခြင်း၊ အမျိုးသားဥယျာဉ်နယ်မြေအတွင်း ရေထု၊ လေထုကို တမင်ညစ်ညမ်းစေခြင်း၊ ရေစီးရေလာ ပျက်စီးစေခြင်း သို့မဟုတ် ရေတွင်အဆိပ်ခတ်ခြင်းများကို မပြုလုပ်ရန် တားမြစ်ထားကြောင်း သိရသည်။
ထို့ပြင် ကာကွယ်ထားသည့် တိရစ္ဆာန်များ အပါအ၀င် မည်သည့် တောရိုင်းတိရစ္ဆာန်ကိုမျှ အမျိုးသားဥယျာဉ်နယ်မြေအတွင်း ဖမ်းဆီးခြင်း၊ သတ်ဖြတ်ခြင်း သို့မဟုတ် အနာတရ ဖြစ်စေခြင်း၊ ယင်းတောရိုင်းတိရစ္ဆာန်ကို ဖြစ်စေ၊ ၎င်း၏ အစိတ်အပိုင်းကိုဖြစ်စေ လက်ဝယ်ထားခြင်း၊ ရောင်းချခြင်း၊ သယ်ဆောင်ခြင်း သို့မဟုတ် လွှဲပြောင်းခြင်း လုံးဝမပြုလုပ်ရန်၊ အမျိုးသားဥယျာဉ်နယ်မြေအတွင်း မည်သည့် သဘာဝအပင်ကိုမဆို ခုတ်ယူခြင်း၊ စုဆောင်းခြင်း သို့မဟုတ် တစ်နည်းနည်းဖြင့် ဖျက်ဆီးခြင်း၊ လက်ဝယ်ပိုင်ဆိုင်ခြင်း လုံးဝမပြုလုပ်ရန် တားမြစ်ထားကြောင်း သိရသည်။
အမျိုးသားဥယျာဉ်အဖြစ် သတ်မှတ် တည်ထောင်မည့် နယ်မြေရှိ အများပြည်သူတို့၏ အခွင့်အရေးထိခိုက်နစ်နာမှုများကို သတ်မှတ်ထားသည့် နည်းလမ်းများနှင့်အညီ စုံစမ်းစစ်ဆေးနိုင်ရန်နှင့် နယ်မြေသတ်မှတ် တည်ထောင်ရေးလုပ်ငန်းများ ဆောင်ရွက်နိုင်ရန် တောရိုင်းတိရစ္ဆာန်နှင့် သဘာဝအပင်များ ကာကွယ်ရေးနှင့် သဘာဝနယ်မြေများ ထိန်းသိမ်းရေးဥပဒေအရ တာဝန်ရှိသူများ ပါဝင်သည့် ပဏာမစိစစ်ရေးအဖွဲ့ကို ဖွဲ့စည်းတာဝန်ပေးအပ်ခဲ့ပြီး ဖြစ်ကြောင်း သိရသည်။
Source : Eleven Media Group