ဧရာဝဏ်၊ ရတနာ အထပ်မြင့် အိမ်ရာစီမံကိန်း ဆက်လက် တည်ဆောက်ရန် ရင်းနှီးမြှုပ်နှံမှုများစွာ လိုအပ်နေသဖြင့် တိုင်းရင်းသား လုပ်ငန်းရှင်များနှင့် ပူးပေါင်းဆောင်ရွက်ရန် ညှိနှိုင်းလျက်ရှိ
ရန်ကုန်တိုင်းဒေသကြီး၊ ဒဂုံဆိပ်ကမ်း မြို့နယ်အတွင်း အကောင်အထည် ဖော်လျက်ရှိသည့် ဧရာဝဏ်နှင့် ရတနာ အထပ်မြင့် အိမ်ရာစီမံကိန်းကို နိုင်ငံတော် အစိုးရချည်း ဆက်လက် တည်ဆောက်ရန် ရင်းနှီးမြှုပ်နှံမှု စရိတ်များစွာ လိုအပ်နေသဖြင့် တိုင်းရင်းသား လုပ်ငန်းရှင်များနှင့် ပူးပေါင်း ဆောင်ရွက်ရန် ညှိနှိုင်းလျက်ရှိကြောင်း မြို့ပြနှင့်အိမ်ရာ ဖွံ့ဖြိုးရေး ဦးစီးဌာနမှ ညွှန်ကြားရေးမှူးချုပ် ဦးမင်းထိန်က ဇန်န၀ါရီ ၂၁ ရက်က ပြောကြားသည်။
“ဧရာဝဏ်၊ ရတနာ အထပ်မြင့်အိမ်ရာနဲ့ ပတ်သက်လို့ ပါဆယ် ၁၁ ခုပေါ့။ Master Plan အရ ၄၉ လုံး ပါဝင်ပါတယ်။ အဲဒီ ၄၉ လုံးပါဝင်တဲ့အခါ နိုင်ငံတော် အစိုးရချည်း တည်ဆောက်ဖို့အတွက် Invstment Cost က များစွာလိုအပ်ပါတယ်။ အဲဒီအတွက် အခုခေတ်စနစ်အရလည်း တိုင်းရင်းသား လုပ်ငန်းရှင်တွေပါ ပူးပေါင်း ပါဝင်ခြင်းအားဖြင့် ရန်ကုန်တိုင်း ဒေသကြီးမှာ လိုအပ်နေတဲ့ အိမ်ရာတွေကို ပိုမိုတည်ဆောက်နိုင်မှာဖြစ်လို့ ပုဂ္ဂလိက လုပ်ငန်းရှင်တွေကို ဖိတ်ခေါ်ထားပါတယ်။ ဒီလိုဖိတ်ခေါ်တဲ့အခါ တိုင်းရင်းသား လုပ်ငန်းရှင်သုံးဦးက လာရောက်ညှိနှိုင်း ဆောင်ရွက်လျက် ရှိပါတယ်။ မကြာခင်မှာ တိုင်းရင်းသား လုပ်ငန်းရှင်များနဲ့ ဆက်လက်ပြီး ကျန်ရှိနေတဲ့ ပါဆယ်တွေကို အကောင်အထည်ဖော် ဆောင်ရွက်သွားမှာ ဖြစ်ပါတယ်” ဟု ညွှန်ကြားရေးမှူးချုပ် ဦးမင်းထိန်က ပြောကြားသည်။
ဆောက်လုပ်ရေး ၀န်ကြီးဌာန အနေဖြင့် ၁၈ ထပ် အဆောက်အအုံ ၄၉ လုံးပါဝင်သည့် ဧရာဝဏ်နှင့် ရတနာအိမ်ရာ စီမံကိန်းမှ ကျန်ရှိနေသည့် အထပ်မြင့် အဆောက်အအုံများကို လက်ရှိအစိုးရသစ် လက်ထက်အတွင်း အပြီးတည်ဆောက်သွားမည် ဖြစ်ကြောင်း သိရသည်။
ထို့ပြင် ရန်ကုန်တိုင်းဒေသကြီး အတွင်း ဧရာဝဏ်၊ ရတနာကဲ့သို့ တန်ဖိုးသင့်အိမ်ရာ စီမံကိန်းများအပြင် တန်ဖိုးနည်း၊ တန်ဖိုးသင့်နှင့် တန်ဖိုးမျှတအိမ်ရာ စီမံကိန်းများကို ဆက်လက် အကောင်အထည် ဖော်မည်ဟုလည်း သိရသည်။
“ဒီလိုဆောင်ရွက်တဲ့အခါ မြို့ပြအင်္ဂါရပ်နဲ့ ညီအောင် တန်ဖိုးမျှတ၊ တန်ဖိုးသင့်၊ အဆင့်မြင့်၊ အထပ်မြင့် အိမ်ရာတွေကို ဆောင်ရွက်သွားမှာ ဖြစ်ပါတယ်။ ဒီလိုဆောင်ရွက်တဲ့အခါ ဧရာဝဏ်၊ ရတနာအိမ်ရာ စီမံကိန်းကလည်း တစ်ခုအပါအ၀င် ဖြစ်ပါတယ်။ ၁၈ ထပ်အဆောက်အအုံ ဖြစ်ပါတယ်။ အဲဒီမှာလည်း ပြီးခဲ့တဲ့ ၂၄ ရက်က ပါဆယ်ဂျီပေါ့ ဖွင့်လှစ်နိုင်ခဲ့ပြီ ဖြစ်ပါတယ်။ ထွက်ပေါ်လာတဲ့ အခန်းတွေကို အများပြည်သူတွေကို ပွင့်လင်းမြင်သာစွာ ရောင်းချပေးလျက် ရှိပါတယ်” ဟု ဦးမင်းထိန်က ပြောကြားသည်။
ဧရာဝဏ်၊ ရတနာ စီမံကိန်းရှိ ရတနာနှင်းဆီ အိမ်ရာမှ လက်ရှိအချိန်အထိ အိမ်ခန်းပေါင်း ၃၂၀ ကျော်ကို ရောင်းချထားပြီ ဖြစ်ကြောင်းနှင့် ပြည်သူများက လာရောက် စုံစမ်းဝယ်ယူမှုများ ရှိနေကြောင်း သိရသည်။
ရတနာနှင်းဆီ အဆင့်မြင့်အိမ်ရာ စီမံကိန်းကို စင်ကာပူနိုင်ငံ၏ Surbana Jurong မှ ဒီဇိုင်းရေးဆွဲထားခြင်း ဖြစ်ကြောင်း၊ မြို့ပြနှင့် အိမ်ရာ ဖွံ့ဖြိုးရေးဦးစီးဌာန၊ ရတနာလမ်းတွင် တည်ဆောက်ထားခြင်းဖြစ်ကာ အခန်းအကျယ်အ၀န်းကို လိုက်၍ ကျပ်သိန်း ၆၀၀ မှ သိန်း ၁၂၀၀ အထိ တန်ဖိုးရှိ ကွန်ဒိုတိုက်ခန်းများ ရောင်းချလျက်ရှိကြောင်း သတင်းရရှိသည်။
Source : Elever Media Group