မန္တလေးတိုင်းဒေသကြီး၌ တန်ဖိုးမျှတတိုက်ခန်း ၅၆ဝ ကို နိုဝင်ဘာလ အတွင်းရောင်းချပေးမည်

မန္တလေးတိုင်းဒေသကြီး မြို့ပြနှင့် အိမ်ရာဖွံ့ဖြိုးရေးဦးစီးဌာနမှ ချမ်းမြ သာစည်မြို့နယ် မြရည်နန္ဒာရပ်ကွက် (မမ-၁၆)တွင် ၂ဝ၁၅-၂ဝ၁၆ ဘဏ္ဍာနှစ်အတွင်း တည်ဆောက်သည့် မြရည်နန္ဒာ တန်ဖိုးမျှတအိမ်ရာတိုက် ခန်း ၅၆ဝ ကို လာမည့် နိုဝင်ဘာလ အတွင်း စတင်ရောင်းချတော့မည်ဖြစ်ကြောင်း သိရသည်။

အဆိုပါတန်ဖိုးမျှတ တိုက်ခန်းများအား နိုင်ငံအတွင်းရှိ ဝင်ငွေနည်း ပြည်သူများ၊ နိုင်ငံ့ဝန်ထမ်းများ၊ ပင်စင်စားများ၊ ကုမ္ပဏီဝန်ထမ်း စသဖြင့် မည်သူမဆိုလာရောက် လျှောက်ထားနိုင်ကြောင်း တိုင်းဒေသကြီး ညွှန်ကြားရေးမှူး ဦးအောင်ကျော်ဦးက ပြောသည်။

''နိုဝင်ဘာလအတွင်းမှာ တိုက်ခန်း တွေအားလုံး ပြီးစီးတော့မှာပါ။ သတ်မှတ်စည်းကမ်းနဲ့ညီတဲ့ ပြည်သူ တွေအားလုံးကို ရောင်းချပေးမှာဖြစ်ပါ တယ်။ ကျွန်တော်တို့ဌာနက ပြည်သူ တွေ လူနေမှုအဆင့်အတန်းမြင့်မား စွာနဲ့ အိုးပိုင်အိမ်ပိုင် နေနိုင်အောင် ရည်ရွယ်ပြီး အိမ်ရာတွေ တည်ဆောက် ပေးနေတာပါ။ လျှောက်လွှာရောင်းမယ့် ရက်ကို ဌာနကသတင်းစာထဲမှာ ကြေ ညာပေးပါမယ်''ဟု ၎င်းက ပြောသည်။

ရောင်းချမည့် တိုက်ခန်းများကို မြေဧရိယာ ၇ ဒသမ ၆၇ ဧကပေါ်တွင် ၈ ခန်းတွဲ ငါးထပ် အဆောက်အအုံ ၁၄ လုံး တိုက်ခန်းပေါင်း ၅၆ဝ တည်ဆောက်ထားပြီး တစ်ခန်းလျှင် အကျယ် ၅၆၇ စတုရန်းပေရှိကာ အိပ်ခန်း နှစ်ခန်း ရေချိုးခန်းတို့ပါဝင် ပြီး ရောင်းချမည့်ဈေးနှုန်းမှာ တစ်ခန်းလျှင် မြေညီထပ် ၂၂၃ သိန်း၊ ပထမ ထပ် ၂ဝ၈ သိန်း၊ ဒုတိယထပ် ၁၉၃ သိန်း၊ တတိယထပ် ၁၇၈ သိန်း၊ စတုတ္ထထပ် ၁၆၃ သိန်းတို့ဖြစ်ပြီး လက်ငင်းစနစ်၊ အရစ်ကျစနစ်၊ ဘဏ် ချေးငွေစနစ်များဖြင့် ရောင်းချပေးမည် ဖြစ်ကြောင်း သိရသည်။

တိုက်ခန်းဝယ်ယူရာတွင် နိုင်ငံ့ ဝန်ထမ်းဖြစ်ပါက လုပ်သက်အနည်း ဆုံး ငါးနှစ်ရှိရန်လိုအပ်ပြီး သက်ဆိုင် ရာဌာနအကြီးအကဲ၏ထောက်ခံချက် များနှင့်အတူ ဝန်ထမ်းကတ်မိတ္တူပူးတွဲ တင်ပြရမည်ဖြစ်ပြီး ပင်စင်စားများ ဖြစ်ပါက ပင်စင်စာအုပ်မိတ္တူ၊ သန်းခေါင်စာရင်း မိတ္တူတို့ဖြင့် လျှောက်ထားရန်နှင့် ကုမ္ပဏီဝန်ထမ်း ဖြစ်ပါက သက်ဆိုင်ရာကုမ္ပဏီ အကြီး အကဲ၏ ထောက်ခံချက်ပါရှိရမည်ဖြစ်သည်။

ထို့အပြင် တန်ဖိုးမျှတတိုက်ခန်း ဝယ်ယူရန်အတွက် လျှောက်ထားသူ၏မိသားစု ပျမ်းမျှလစဉ်ဝင်ငွေ စုစုပေါင်း မှာ အနည်းဆုံးကျပ် လေးသိန်းမှ ငါးသိန်းအထိ ဝင်ငွေရှိရမည်ဖြစ်ပြီး တိုက်ခန်းအား အရစ်ကျလေးလ လေးရစ်ဖြင့် အကြေပေးချေသောစနစ် သို့မဟုတ် ဘဏ်ချေးငွေစနစ်များ ဖြင့် ဝယ်ယူနိုင်ကြောင်း သိရသည်။

အရစ်ကျစနစ်ဖြင့် ဝယ်ယူမည့်သူ များအနေဖြင့် မြို့ပြနှင့် အိမ်ရာဖွံ့ဖြိုး ရေးဦးစီးဌာနနှင့် ဆက်သွယ်ဆောင် ရွက်ရမည်ဖြစ်ပြီး ဘဏ်ချေးငွေစနစ် ဖြင့်ဝယ်ယူပါက တိုက်ခန်းတန်ဖိုး၏ ၃ဝ ရာခိုင်နှုန်းအား တစ်ကြိမ်တည်း အကြေပေးချေခြင်း (သို့မဟုတ်) တစ်နှစ်အတွင်း အရစ်ကျပေးသွင်း ခြင်းဖြင့် ပထမဦးစွာ ဆောင်ရွက်၍ ကျန် ၇ဝ ရာခိုင်နှုန်းကို ဘဏ်ချေးငွေ ဖြင့် ရှစ်နှစ်အတွင်း လစဉ်အရစ်ကျ အကြေပေးသွင်းရန်အတွက် ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်နှင့် ဆက်သွယ် ဆောင်ရွက်နိုင်ကြောင်း စသည့် စည်းကမ်းချက် ၁၄ ချက်ဖြင့် ရောင်းချပေးမည်ဖြစ်သည်။

Source:MOI

မန္တလေးတိုင်းဒေသကြီး၌ တန်ဖိုးမျှတတိုက်ခန်း ၅၆ဝ ကို နိုဝင်ဘာလ အတွင်းရောင်းချပေးမည်

Facebook comments