ေဆာက္လုပ္ေရးက႑ ရင္းႏွီးျမႇဳပ္ႏွံမႈမ်ားအတြက္ တည္ၿငိမ္သည့္မူ၀ါဒလို
နိုင်ငံတကာမှ လာရောက်သည့် ရင်းနှီးမြှုပ်နှံမှု လုပ်ငန်းများနှင့်အတူ ရန်ကုန်မြို့တွင် ရုံးခန်း၊ အိမ်ခန်း လိုအပ်ချက်များ တိုးလာရာ ဆောက်လုပ်ရေးကဏ္ဍတွင် ရင်းနှီးမြှုပ်နှံမည့်သူများအတွက် တည်ငြိမ်သော မူဝါဒတစ်ခု လိုအပ်နေသည်ဟု ဆောက်လုပ်ရေးလုပ်ငန်း ရှင်များက ပြောသည်။
"ဆန်ရှင်ရုပ်ဖို့ လုပ်နေပြီဖြစ်တဲ့အတွက်လာပြီး အလုပ်လုပ်မယ့်လူတွေ၊ လာလည်မယ့်သူတွေက ပိုပြီးများလာမှာ သေချာတယ်။ သူတို့တွေအတွက် အခုချိန်မှာတောင် ရုံးခန်း အိမ်ခန်းလိုအပ်ချက်က ရှိနေတယ်။ ပြည်ပက လုပ်ငန်းရှင်တွေလည်း ရောက်သင့်သလောက်တော့ ရောက်နေပြီ။ အလုပ်လာ လုပ်တဲ့ ပြည်ပက ဝန်ထမ်းတွေကျတော့လည်း ကွန်ဒိုတွေ ငှားခဈေးကြီးလို့ အပြင်အိမ်တွေ တိုက်ခန်းတွေမှာ ဖြစ်သလို ငှားနေကြရတယ်။ ဈေးကွက်ရှိမှန်းသိပေမဲ့ အရောင်းအဝယ်က အေးတဲ့အတွက် ဆောက်လုပ်ရေးသမားတွေ ကလည်း ဆောက်ပြီး ရင်းနှီးမထားနိုင်ဘူး။ ရန်ကုန်မှာ နိုင်ငံတကာ ရုံးခန်းဖွင့်နိုင်တဲ့ အဆောက်အအုံကလည်း နည်းနေသေးတယ်။ ပြောရမယ်ဆိုရင် မူဝါဒတွေကလည်း မငြိမ်သေးဘူး၊ မူဝါဒတွေ ငြိမ်သွားဖို့လိုတယ်" ဟု မြန်မာနိုင်ငံဆိုင်ရာ အိမ်ခြံမြေဝန်ဆောင်မှု အသင်း (ဗဟို) ဒုတိယဥက္ကဋ္ဌ ဦးသန်းဦးက စက်တင်ဘာ ၉ ရက်တွင် မြန်မာတိုင်း(မ်)ကို ပြောသည်။
ဒေါ်အောင်ဆန်းစုကြည်၏ အမေရိကန် ခရီးစဉ်အတွင်း သမ္မတ ဘာရက်အိုဘားမား နှင့် ဆွေးနွေးခဲ့ပြီးနောက် အရေးယူပိတ်ဆို့မှု များကို ဖြေလျှော့ပေးနိုင်မည့် အလားအလာကောင်းများ ပေါ်ထွက်လာခဲ့ရာ အရေးယူ ပိတ်ဆို့မှုများ ရုပ်သိမ်းပြီးပါက ယခုထက် ပြည်ပမှ ပိုမိုလာရောက်နေထိုင် အလုပ်လုပ် ကိုင်သူ များပြားလာမည်ဟု ဆောက်လုပ်ရေး လုပ်ငန်းရှင်များက ပြောသည်။
သို့သော် ဝင်လာမည့် ရင်းနှီးမြှုပ်နှံမှုလုပ်ငန်းများ အတွက် လိုအပ်သည့် အမှန်တကယ် အလုပ်လုပ်ကိုင်နိုင်သည့် နိုင်ငံတကာအဆင့်မီ ရုံးခန်းများ၊ အိမ်ရာများမှာမူ နည်းပါးနေဆဲဖြစ်သည်ဟု ၎င်းတို့က ဆိုသည်။
မြန်မာနိုင်ငံ၏ ဆောက်လုပ်ရေးလုပ်ငန်း များနှင့် ပတ်သက်သည့်မူဝါဒမှာ ယနေ့ အချိန်ထိပြောင်းလဲမှုများဖြင့် မငြိမ်မသက် ဖြစ်နေလျက်ရှိသည်။
ယခင်အစိုးရလက် ထက်က ရန်ကုန်မြို့တော်အတွင်း ဆောက် လုပ်ရန် ခွင့်ပြုထားခဲ့သည့် အထပ်မြင့် အဆောက်အအုံများကို ယခုအစိုးရလက် ထက်တွင် ပြန်လည်စိစစ်ခြင်းများ လုပ်ခဲ့ သည်။ အချို့သော အဆောက်အအုံ ဆောက်လုပ်မှုနှင့်ပတ်သက်ပြီး ချမှတ်ထားသော မူဝါဒများနှင့် အငြင်းပွားမှုများရှိနေ သကဲ့သို့ ယခင်အစိုးရလက်ထက်က ပြဋ္ဌာန်း ခဲ့သော ပြည်ထောင်စုအခွန်အကောက် ဥပဒေပါ ပြဋ္ဌာန်းချက်များနှင့် ပတ်သက်ပြီး အခွန်နှုန်းထားကြီးမြင့်သည်ဟု ပြောဆိုကြ သည်များလည်း ရှိသည်။
"အထပ်မြင့်ပေါ်လစီတွေ အပြောင်းအလဲ လုပ်ခဲ့ပြီး အခုထိမငြိမ်သေးတာရယ်၊ အခွန်နဲ့ ပတ်သက်ပြီး ပေါ်လစီမာတာတွေက ဈေးကွက် အပေါ် အကျိုးသက်ရောက်မှု ရှိနေတယ်၊ တဖြည်းဖြည်းချင်းတော့ ကောင်းလာမယ်လို့ ယူဆပါတယ်"ဟု ဦးသန်းဦးက ဆက်လက် ပြောသည်။
လတ်တလောတွင် အိမ်ခြံမြေနှင့် ဆောက်လုပ်ရေးလုပ်ငန်းများတွင် ဈေးကွက်အေးနေသော်လည်း မကြာမီ ပြည်ပနိုင်ငံများမှ မြန်မာ နိုင်ငံအတွင်းသို့ လာရောက် အလုပ်လုပ်ကိုင်သူများ၊ စီးပွားရေးလုပ်ငန်းရှင်များသာမက ကမ္ဘာလှည့်ခရီးသည်များပါ တိုးတက်များပြားစွာ ရောက်ရှိလာနိုင်သည့် အလားအလာ ကောင်းများကြောင့် ရန်ကုန်မြို့တော်တွင် ရုံးခန်း၊ အိမ်ရာလိုအပ်ချက်များ အများအပြား ရှိလာနိုင်သည်ဟု အိမ်ခြံမြေလုပ်ငန်းများက ခန့်မှန်းနေကြသည်။
လိုအပ်လျက်ရှိသည့် ရုံးခန်း၊ အိမ်ရာများ အတွက် ပြည်တွင်း၊ ပြည်ပ ဆောက်လုပ်ရေး လုပ်ငန်းများ ရင်းနှီးမြှုပ်နှံနိုင်ရန် ခိုင်မာမှု ရှိသည့် အာမခံချက်များ ပါဝင်သည့် အဆောက် အအုံဆိုင်ရာ မူဝါဒများကို တိတိ ကျကျ ပြဋ္ဌာန်းပေးရန်လိုအပ်လျက်ရှိကြောင်း မြန်မာနိုင်ငံ ဆောက်လုပ်ရေးဆိုင်ရာ လုပ်ငန်း ရှင်များအသင်း နာယက ဦးခင်ရွှေက စက်တင်ဘာ ၁၉ ရက်တွင် မြန်မာတိုင်း(မ်) ကို ပြောသည်။
"ပြည်ပကလာမယ့် စီးပွားရေးသမားတွေ အတွက်လည်း ရုံးခန်းတွေ လူနေအိမ်တွေကို အခုကတည်းက ကြိုဆောက်ထားဖို့လိုတယ်။ လောလောဆယ်အခြေအနေနဲ့ ဈေးကွက်ကိုသွားကြည့်လို့မရဘူး။ တစ်နှစ် နှစ်နှစ်အတွင်း မှာဖြစ်လာနိုင်တဲ့ ဈေးကွက်အခြေအနေကို တွက်ပြီး လုပ်ကြဖို့လိုတယ်။ အခုက ဆောက်လုပ်ရေးလုပ်ငန်းရှင်တွေကို လိုက်ပြီးအပြစ်လိုက်ရှာသလို ဖြစ်နေတယ်။ ဒါကြောင့်လည်း ဆောက်လုပ်ရေးလောကမှာ ဒီပြဿနာတွေ ကြောင့် နိုင်ငံခြား ရင်းနှီးမြှုပ်နှံသူတွေက တွန့်သွားကြတယ်။ အခုပဲ ခွင့်ပြုထားတဲ့ကိစ္စ ကို အခုပဲ ပိတ်တယ်ဆိုပြီး မြင်သွားကြတယ်။ အပွင့်လင်းဆုံးပြောရရင် ဒီအချိန်က ကြိုပြီး ဆောက်ထားရမယ့်အချိန်ပဲ။ မူဝါဒမငြိမ်သေး တဲ့အတွက် ပြဿနာတွေကဖြစ်နေတာ"ဟု ၎င်းက ပြောသည်။
ယခင်အစိုးရလက်ထက်တွင် ဆောက်လုပ် ခွင့်ပြုထားသည့် အထပ်မြင့်အဆောက်အအုံ စီမံကိန်း ၂၀၀ ကျော်ကို ယခုအစိုးရလက်ထက် တွင် ပြန်လည်စိစစ်ရန် မေ ၁၅ ရက်မှစ၍ ဆောက်လုပ်ခြင်းကို ရပ်ဆိုင်းထားရန် ညွှန်ကြားခဲ့ပြီး စိစစ်ရေးလုပ်ငန်းများကို ကော်မတီဖွဲ့ကာ ဆောင်ရွက်ခဲ့သည်။
အကျိုး ဆက်အဖြစ် သောင်းနဲ့ချီသည့် အလုပ်သမား များ အလုပ်လက်မဲ့ ဖြစ်ခဲ့သလိုဆောက်လုပ်ရေး လုပ်ငန်းလုပ်ကိုင်သူများနှင့် တိုက်ခန်း ဝယ်ယူသူများအကြားတွင်လည်း ယုံကြည်မှု များ ပျက်ယွင်းသွားခဲ့ရသည်။ ထိုအချက်များက အရောင်းအဝယ်အေးနေသည့် အိမ်ခြံမြေနှင့် ဆောက်လုပ်ရေး လုပ်ငန်းများအတွက် ကြီးမားသည့် ထိုးနှက်ချက်ကြီး တစ်ခုဖြစ်ခဲသလိုဆောက်လုပ်ရေး လုပ်ငန်းများတွင် ရင်းနှီးမြှုပ်နှံလိုသည့် ပြည်တွင်း၊ ပြည်ပ ရင်းနှီးမြှုပ်နှံသူများ၏ ယုံကြည်မှုကိုလည်း လျော့ပါးစေခဲ့သည်ဟု လုပ်ငန်းရှင်များက ဆိုသည်။ ရန်ကုန်တိုင်းဒေသကြီး အစိုးရအဖွဲ့က အထပ်မြင့်အဆောက်အအုံများ မြို့ပြ အင်္ဂါရပ်များနှင့် ကိုက်ညီမှုရှိမရှိ ပြန်လည် စိစစ်ပြီး ခွင့်ပြုနိုင်ရန် ရန်ကုန်တိုင်းဒေသကြီး အစိုးရအဖွဲ့က စက်မှုလျှပ်စစ်နှင့် လမ်းပန်း ဆက်သွယ်ရေးဝန်ကြီး ဦးဆောင်ကာ ပညာရှင်များ၊ အင်ဂျင်နီယာများ ပါဝင်သည့် ရန်ကုန်မြို့တော် အင်္ဂါရပ်နှင့်အညီ အဆောက်အအုံများ ဆောက်လုပ်မှုစိစစ်ရေး ကော်မတီကို ဇွန်လတွင် ဖွဲ့စည်းခဲ့ပြီး အဆောက်အအုံများကို စိစစ်ကာပြန်လည်ဆောက်လုပ်နိုင်ရန် ခွင့်ပြုပေးခဲ့ပြီးဖြစ်သည်။
သို့သော် မြေပြင်လုပ်ငန်း စတင်ရခြင်း မရှိသေး သည့် အဆောက်အအုံ စီမံကိန်းပေါင်း ၁၃၀ နှင့် မြေပြင်လုပ်ငန်း စတင်နေပြီဖြစ်သည့် အဆောက်အအုံပေါင်း ၅၅ လုံးအတွက် ငြင်းခုံမှုများရှိနေဆဲဖြစ်သည်။
"ကျွန်တော်တို့က အဆောက်အအုံ ဆောက်ရင် လိုအပ်တဲ့ စည်းမျဉ်းစည်းကမ်း တွေကို စည်ပင်လက်ထဲ ထည့်ပေးလိုက်ပါပြီ။ သူတို့ အကုန်သဘောတူရင် ကျင့်သုံးလို့ ရပါပြီ။ အစိုးရအဖွဲ့ကို တင်ပြရလောက်တဲ့ အထိ အချက်အလက်သစ်တွေက သိပ်မများ ပါဘူး။ လမ်းအကျယ် ဘယ်လောက်ဆိုရင် ဘေးကို မြေဘယ်လောက်ချန်ရမယ်။ လမ်း ကျဉ်းဆိုရင် ဘေးကို မြေကျန် ဘယ်လောက် ထားရမယ်ဆိုတဲ့ သတ်မှတ်ချက်တွေတော့ ရှိလိမ့်မယ်။ လမ်းမကြီး ဒါမှမဟုတ် အတွင်း လမ်းတွေအတွက်က ဘယ်လောက်မြေချန် ရမယ်ဆိုတာတွေပါ ပါလာလိမ့်မယ်။ ကျွန်တော်တို့ပေးထားတာ တစ်ပတ်ကျော် ကျော်လောက်တော့ ရှိပါပြီ။ အတည်ဖြစ်ပြီ ဆိုရင်တော့ စည်ပင်ဘက်က ကြေညာပေး ပါလိမ့်မယ်"ဟု ရန်ကုန်တိုင်းဒေသကြီးအစိုးရ အဖွဲ့၊ ရန်ကုန်မြို့တော် အင်္ဂါရပ်နှင့်အညီ အဆောက်အအုံများ ဆောက်လုပ်မှုစိစစ် ရေးကော်မတီမှ ပြောရေးဆိုခွင့်ရှိသူ ဦးရဲမင်းဦးက စက်တင်ဘာ ၁၉ ရက်တွင် ပြောသည်။
ဆောက်လုပ်ရေး လုပ်ငန်းများမှာမူဝါဒ အပြောင်းအလဲများကြာင့် ယခုနှစ်တွင်များစွာ ဂယက်ရိုက်ခဲ့သည်။
ှSource : Myanmar Times