ကျောက်ဖြူ အထူးစီးပွားရေးဇုန်ကို ဆက်လက်အကောင်အထည်ဖော်သွားမည်
ကျောက်ဖြူမြို့တွင် ဒီဇင်ဘာလလယ်ပိုင်းက ကျင်းပခဲ့သည့် ရခိုင်ပြည်နယ်လုံးဆိုင်ရာ အရပ်ဘက် လူမှုအဖွဲ့အစည်းများ ဖိုရမ်တွင် ကျောက်ဖြူ အထူးစီးပွားရေးဇုန်စီမံကိန်းနှင့် နေပူတောင် စီမံကိန်းများကို ရပ်ဆိုင်းထားရန် တောင်းဆိုခဲ့ကြသည်။
အဆိုပါ တောင်းဆိုချက်များသည် လူနည်းစုအဖွဲ့၏ အချက်အလက် ပြည့်စုံမှု မရှိသည့် တောင်းဆိုမှုတစ်ရပ်သာ ဖြစ်သည့် အတွက် စီမံကိန်းကို လက်ရှိ အစိုးရ သက်တမ်းအတွင်း အကောင်အထည်ဖော်နိုင် ရန် ဆောင်ရွက်သွားမည်ဖြစ်ပြီး တင်ဒါနောက်ဆုံးအဆင့် ရွေးချယ်မှုအား ဒီဇင်ဘာအတွင်း ကြေညာသွားမည်ဖြစ်ကာ ၂၀၁၆ ခုနှစ်၊ ဖေဖော်ဝါရီလတွင် ဆောက်လုပ်ရေးလုပ်ငန်း များကို စတင်သွားမည်ဖြစ်သည်ဟု ကျောက်ဖြူ အထူးစီးပွားရေးဇုန် တင်ဒါစိစစ်ရေး ကော်မတီ တွဲဖက်အတွင်းရေးမှူး ဦးအောင် ကျော်သန်းက ပြောသည်။ "ဘာအကြောင်းကြောင့် သူတို့က ရပ်ဆိုင်း စေချင်တာလဲ၊ ဘယ်အချက်တွေက အားနည်းနေ
တယ် ဆိုတာတွေက တိတိကျကျနဲ့ ကျိုးကြောင်းဆီလျော်မှု ရှိရမယ်လေ။ ဒါပေမဲ့ သူတို့ဆီမှာ အဲဒီအချက်တွေ မတွေ့ရဘူး။ နောက်ပြီး ဒီဖိုရမ်ကို ကျင်းပတယ်ဆိုတာ ဘယ်သူက ထောက်ပံ့ပေးပြီး ဘာရည်ရွယ် ချက်နဲ့ ကျင်းပလဲဆိုတာ မသိရဘူး။ သူတို့ အမြဲ ပြောတဲ့ ပွင့်လင်းမြင်သာမှုဆိုတာ သူတို့ဆီမှာ မတွေ့ရဘူး။ အဲဒါကြောင့် ရည်ရွယ်ချက်က မရိုးသား ဘူးလို့ ထင်တယ်။ နောက်ပြီး ဒီစီမံ ကိန်းတွေက သက်ဆိုင်ရာ အစိုးရစီမံခန့်ခွဲမှု အပိုင်းတွေ ဖြစ်တဲ့အတွက် လုပ်သင့် မလုပ် သင့်က သူတို့ ဆုံးဖြတ်ပါလိမ့်မယ်"ဟု ၎င်းက ပြောသည်။
ကျောက်ဖြူ အထူးစီးပွားရေးဇုန်စီမံကိန်း ၏ တင်ဒါခေါ်ယူမှုတွင် ပွင့်လင်းမြင်သာမှု အားနည်းနေသည့်အတွက် လက်ရှိ အစိုးရ သက်တမ်းအတွင်း စီမံကိန်းကို ရပ်ဆိုင်း ထားရန် တောင်းဆိုသော်လည်း အစိုးရသစ် လက်ထက်တွင်မှု ၎င်းတို့ဝါဒကို သဘောကျ လက်ခံပါက စီမံကိန်းကို ဆက်လက် ဆောင်ရွက်မှုပေါ် လက်ခံမည်ဖြစ်ကြောင်း ရခိုင်ပြည်နယ် အရပ်ဘက်အဖွဲ့အစည်းများ ကိုယ်စားလှယ် ဦးထွန်းကြည်က ပြောသည်။
"အဓိကက တင်ဒါခေါ်တဲ့ကိစ္စမှာလည်း ဒေသခံလုပ်ငန်းရှင်တွေအတွက်ကို ပွင့်လင်း မြင်သာမှု အားနည်းတယ်။ နောက်တစ်ခုက မြေယာပြဿနာတွေရှိတယ်။ ပြီးတော့ ဒေသခံတွေရဲ့ အလုပ်အကိုင်ရရှိမှု အားနည်းတဲ့ အချက်တွေရှိတဲ့အတွက် ဒီကျန်ရှိနေတဲ့ အစိုးရ သက်တမ်းအတွင်းမှာတော့ ဒါကို မစဘဲ လာမယ့်အစိုးရနဲ့ ညှိနှိုင်းချင်တဲ့အတွက် ဒီစီမံကိန်းကို ရပ်ဆိုင်းဖို့ တောင်းဆိုတာပါ" ဟု ၎င်းက ပြောသည်။
ကျောက်ဖြူ အထူးစီးပွားရေးဇုန်သည် ၂၀၁၃ ခုနှစ်၊ စက်တင်ဘာလတွင် စတင်၍ လုပ်ငန်း အကောင်အထည်ဖော်ရန် ကုမ္ပဏီ များကို တင်ဒါများခေါ်ယူခဲ့ပြီး နိုင်ငံတကာက ကုမ္ပဏီများ၏ စိတ်ဝင်စားမှုများလည်း များစွာ ရရှိခဲ့ကာ ၂၀၁၅ ခုနှစ်တွင် တည်ဆောက်ရေး လုပ်ငန်းများအတွက် ကုမ္ပဏီများကို နောက် ဆုံးအဆင့် ရွေးချယ်မှုများအထိ ပြီးစီးခဲ့ခြင်း ဖြစ်သည်။ ထို့ကြောင့် လက်ရှိတွင် တင်ဒါစိစစ်ရေး အဖွဲ့က စီမံကိန်းနှင့် ပတ်သက်သည့် မဟာ ဗျူဟာလုပ်ငန်းစဉ် (Master Plan) များကို လည်း ပြည်သူလူထုအတွင်းသို့ ချပြနေပြီ ဖြစ် သည့်အတွက် စီမံကိန်းကို အသေးစိတ် သိရှိရသည့် ဒေသခံများမှာ သဘောကျ လက်ခံ မှုများပင်ရှိကြောင်း ဦးအောင်ကျော်သန်းက ပြောသည်။ "ကျွန်တော်တို့ စီမံကိန်းရဲ့ မဟာဗျူဟာ အသေးစိတ်တွေကို ချပြနေပြီဖြစ်တဲ့အတွက် ကျွန်တော်တို့ကို ဒေသခံတွေဘက် က သဘောကျထောက်ခံမှုတွေ
အများကြီး ရှိလာကြပါတယ်။ ကျွန်တော်တို့ စည်းရုံးထား တာ မဟုတ်ပါဘူး။ ကျွန်တော်တို့ လုပ်ကိုင်နေ တဲ့ လုပ်ငန်းစဉ်ကို လွန်ခဲ့တဲ့ ၂၀၁၁ လောက် ကတည်းကစပြီး စီစဉ်လာတာ တဖြည်းဖြည်း နဲ့ တစ်ဆင့်ချင်းစီ စနစ်တကျနဲ့ လုပ်လာတာ ပါ"ဟု ၎င်းက ပြောသည်။
ကျောက်ဖြူ အထူးစီးပွားရေးဇုန် တင်ဒါစိစစ်ရေးအဖွဲ့က ၎င်းတို့လုပ်ဆောင်လျက် ရှိသည့် ယင်းစီမံကိန်းသည် ဒေသခံများ၏ တောင်းဆိုချက်များ၊ ပညာရှင်များ၏ အကြံပြု ချက်များအပြင် စီးပွားရေးလုပ်ငန်းရှင်များ၏ လိုအပ်ချက်များကို အခြေခံ၍ ရေးဆွဲထား သည့် စီမံကိန်းဖြစ်သည့်အတွက် မည်သည့် အစိုးရတက်တက် ကျောက်ဖြူအထူးစီးပွား ရေးဇုန် စီမံကိန်းသည် အကျိုးနစ်နာမှုများရရှိ နိုင်မည့် စီမံကိန်းမဟုတ်ကြောင်းလည်း ဦးအောင်ကျော်သန်းက ပြောသည်။ "ဒီစီမံကိန်းကို စလုပ်ကတည်းက ဒေသခံတွေရဲ့ စကားကို နားထောင်တယ်၊ ပညာရှင် တွေနဲ့ လုပ်ငန်းရှင်တွေရဲ့ အကြံပေးမှုတွေနဲ့ တကယ့် စီးပွားဖြစ်နိုင်မယ့် အခြေအနေတွေကို ထည့်သွင်းပြီး ပြည်သူလူထုကို အဓိက ရည်ရွယ်ပြီး လုပ်ဆောင်ထားတဲ့ စီမံကိန်းဖြစ်လို့ ဘယ်အစိုးရပဲ တက်တက် ကိုယ်လုပ်ထားတဲ့ စီမံကိန်းနဲ့ ပတ်သက်ပြီး အာမခံရဲပါတယ်"ဟု ၎င်းက
ပြောသည်။
ရခိုင်ပြည်နယ်လုံးဆိုင်ရာ အရပ်ဘက်အဖွဲ့အစည်းများဖိုရမ်သို့ ရခိုင်ပြည်နယ်နှင့် ရန်ကုန်မြို့ရှိ အရပ်ဘက်အဖွဲ့အစည်း ၁၀၇ ဖွဲ့မှ ကိုယ်စားလှယ် ၂၂၅ ဦးတက်ရောက်ခဲ့ပြီး အထူးစီးပွားရေးဇုန်ကို လက်ရှိအစိုးရ သက်တမ်းတွင် ရပ်ဆိုင်းရန်တောင်းဆိုခြင်း သည် ကျောက်ဖြူ အထူးစီးပွားရေးဇုန်ကို မလိုလား၍ ကန့်ကွက်ခြင်းမျိုး မဟုတ်ဘဲ လက်ရှိ အစိုးရမူဝါဒများသည် ပွင့်လင်းမြင် သာမှု အားနည်းနေသည့်အတွက်
ရပ်ဆိုင်းရန် တောင်းဆိုခြင်းဖြစ်သည်ဟု ဆိုသည်။
"ကျွန်တော်တို့က ဒေသခံတွေနဲ့ ဒေသ ဖွံ့ဖြိုးတိုးတက်လာဖို့ကို အဓိကရည်ရွယ်တဲ့ အတွက် ဒီအပိုင်းမှာ အားနည်းနေတဲ့ လက်ရှိ အစိုးရလက်ထက်က မူဝါဒတွေကို သဘော မကျလို့ ရပ်ဆိုင်းဖို့ တောင်းဆိုပြီး အစိုးရသစ် မှာ အထူးစီးပွားရေးဇုန်လည်း ပေါ်ပေါက်လာ ရမယ်၊ ဒေသခံတွေရဲ့ အကျိုးခံစားခွင့်လည်း အပြည့်ရရမယ့် အခြေအနေနှစ်ခုကို ပြန် ညှိနှိုင်းပြီး အကောင်အထည်ဖော်စေချင်ပါတယ်"ဟု ဦးထွန်းကြည်က ပြောသည်။ ကျောက်ဖြူ အထူးစီးပွားရေးဇုန်၏ ရှယ်ယာခွဲဝေမှုပိုင်းတွင် နိုင်ငံခြားကုမ္ပဏီများနှင့် ဖက်စပ်လုပ်ကိုင်ရန် မြန်မာတိုင်းရင်း သားပိုင် ကုမ္ပဏီများကို ဖိတ်ခေါ်ထားသော်လည်း တိုင်းရင်းသားပိုင်ကုမ္ပဏီများမှာ ၁၅ ရာခိုင်နှုန်းမျှသာ ရရှိနိုင်မည်ဖြစ်၍ အကျိုး အမြတ်ရရှိနှုန်း နည်းပါးသည့်ပမာဏ ဖြစ်သောကြောင့် ဒေသခံများက ကန့်ကွက်ခြင်းကြောင်းပြောသည်။
"ဒေသခံလုပ်ငန်းရှင်တွေရဲ့ အကျိုးအမြတ် ရရှိမှုနှုန်းက နည်းပါးနေတယ်။ ပြီးတော့ အလုပ်အကိုင်အခွင့်အလမ်းတွေ ပေါ်လာဖို့ အခြေအနေကတွေကလည်း နည်းတဲ့အတွက် ကျွန်တော်တို့က ဒီလက်ကျန်အစိုးရမှာ လုပ်ငန်း မစစေချင်တော့တာပါ"ဟု ဦးထွန်းကြည်က ပြောသည်။ တင်ဒါစိစစ်ရေးအဖွဲ့က ကျောက်ဖြူ အထူးစီးပွားရေးဇုန်စီမံကိန်းသည် လက်ရှိ အစိုးရလက်ထက်တွင် စတင်ခဲ့သည့်အတွက် အကောင်အထည်ဖော်သွားသည့် အနေအထား ဖြစ်စေချင်သည့်အတွက် ကုမ္ပဏီရွေးချယ်မှု ပြီးစီးပါက လာမည့် ဖေဖော်ဝါရီလတွင် မြေညှိခြင်းလုပ်ငန်းများကို စတင် လုပ်ဆောင်ရန် မျှော်မှန်းထားသည်ဟု သိရသည်။
"ကျွန်တော်တို့ ဖေဖော်ဝါရီလလောက်မှာ တော့ အနည်ဆုံး စနိုင်အောင် ကြိုးစားသွားပါမယ်။ ဒီစီမံကိန်းကြီးက အဆင့်ဆင့် လုပ်လာ တာ ဖြစ်တဲ့အတွက် ဒီအစိုးရလက်ထက်မှာ စသွားပြီးတော့ ကျန်တဲ့အပိုင်းတွေကိုတော့ အစိုးရသစ် တက်လာတဲ့အချိန် တာဝန်ရှိတဲ့သူ တွေနဲ့ ရှေ့ဆက်ပြီး ပိုကောင်းအောင်လုပ်ဖို့ စီစဉ်ထားပါတယ်"ဟု ဦအောင်ကျော်သန်းက ပြောသည်။ ရခိုင်ပြည်နယ်ရှိ ကျောက်ဖြူ အထူးစီးပွား ရေးဇုန် စီမံကိန်းကို ရေနက်ဆိပ်ကမ်း၊ စက်မှု ဇုန်နှင့် အဆင့်မြင့် အိမ်ရာစီမံကိန်းများပါ ထည့်သွင်း အကောင်အထည်ဖော်သွားမည်ဖြစ်ရာ လိုအပ်သည့် မြေဧရိယာ ၄,၂၈၉ ဒသမ ၃၂ ဧကကို အထူးစီးပွားရေးဇုန် နယ်နိမိတ် အဖြစ် သတ်မှတ်၍ ကြေညာစာထုတ်ပြန်နိုင် ရန် ပြည်ထောင်စုအစိုးရအဖွဲ့က ဒီဇင်ဘာလ ဆန်းပိုင်းတွင် လွှတ်တော်သို့ တင်ပြခဲ့သည်။ ကျောက်ဖြူ အထူးစီးပွားရေးဇုန်စီမံကိန်း နယ်မြေဧရိယာများအဖြစ်
ရေနက်ဆိပ်ကမ်းစီမံကိန်း အမှတ် (၁) တွင် ၃၇၀ ဒသမ ၆၆ ဧက၊ ရေနက်ဆိပ်ကမ်း စီမံကိန်း အမှတ် (၂) တွင် ၂၃၇ ဒသမ ၂၂ ဧက၊ စက်မှုဇုန်စီမံကိန်းနယ်အဖြစ် ၂,၄၄၆ ဒသမ ၀၇ ဧက၊ အဆင့်မြင့် အိမ်ရာစီမံကိန်းကို ၁,၂၃၅ ဒသမ ၃၇ ဧက သတ်မှတ်ထားသည်ဟု သိရသည်။
Source : http://myanmar.mmtimes.com/