မောင်းမကန်ကမ်းခြေတွင် မြေအများအပြား ယူထားကြသည့် အများပိုင်ကုမ္ပဏီနှစ်ခုမှ အဆောက်အအုံအချို့မှာ ခွင့်ပြုချက် မရရှိသေးဘဲ ဆောက်လုပ်ထားခြင်းကြောင့် ဖျက်သိမ်းရန် ညွှန်ကြား

တနင်္သာရီတိုင်းဒေသကြီး ထားဝယ်ခရိုင်ရှိ မောင်းမကန်ကမ်းခြေ တစ်လျှောက်၌ မြေဧက အများအပြားရယူထားသော အများပိုင်ကုမ္ပဏီနှစ်ခုမှ အဆောက်အအုံအချို့မှာ ခွင့်ပြု ချက်မရရှိသေးဘဲ ဆောက်လုပ်ထားခြင်းကြောင့် ဖျက်သိမ်းရမည်ဖြစ်ကြောင်း တိုင်းဒေသကြီး အစိုးရအဖွဲ့ဝန်ကြီးချုပ် ဒေါက်တာ လဲ့လဲ့မော်က ပြောကြားသည်။

မောင်းမကန် ကမ်းခြေမြောက်ဘက်ခြမ်းတွင် မြေဧက ၄၀၀ ကျော် ရယူထားသော ထားဝယ်ဖွံ့ဖြိုးတိုးတက်မှု အများပိုင်ကုမ္ပဏီ (DDPC) ၏ ကမ်းခြေ၌ တည်ဆောက်ထားသော နှစ်ခန်းတွဲ ဘန်ဂလို ၁၀ လုံးမှာ တပ်မတော်က သိမ်းယူထားသည့် မြေ ၇၂.၀၇ ဧက အတွင်း ဆောင်လုပ်ခွင့်မရရှိဘဲ တည်ဆောက်ထားခြင်းဖြစ်သောကြောင့် ဖျက်သိမ်းရမည့်အပြင် ကုမ္ပဏီမှ ဟိုတယ်ဇုန် ဆောက်လုပ်ရန်ဟူ၍ ယခင်တိုင်းဒေသကြီး အစိုးရထံမှ နှစ် ၃၀ လုပ်ကိုင်ခွင့် ရရှိထားသော မြေများအတွင်း မြေအကွက်ရိုက်ကာ ရောင်းချမှုများ ရှိနေသည့်အတွက် ပြန်လည်စိစစ်ပြီး အရေးယူမှုများ ဆောင်ရွက်ရန်ရှိကြောင်း၊ ကမ်းခြေ တောင်ဘက်ခြမ်းရှိ တနင်္သာရီအများပိုင်ကုမ္ပဏီ၏ ဟိုတယ်ဝင်းအတွင်းရှိ ဆောက်လက်စ အဆောက်အအုံတစ်ခုမှာလည်း ခွင့်ပြုချက်မရှိဘဲ ဆောက်လုပ်ထားသဖြင့် ပြန်လည်စိစစ်ရန်ရှိကြောင်း တိုင်းဒေသကြီးဝန်ကြီးချုပ် ဒေါက်တာ လဲ့လဲ့မော်က ပြောကြားသည်။

“ DDPC က ရပိုင်ခွင့်ရှိထားတဲ့ မြေဧက ၄၀၀ ကျော်ပေါ့နော်။ ဥပဒေထဲမှာ ရပိုင်ခွင့်ရှိတယ်။ ဂရန်လည်း ရှိတယ် စသဖြင့် သူ့မှာ အစစအရာရာ ရှိတယ်ဆိုတော့ ကျွန်မတို့ ပေးရမှာဖြစ်တယ်။ ဒါပေမဲ့ တပ်မတော်ပိုင်မြေထဲမှာ ဆောက်ထားတဲ့ ဘန်ဂလို ၁၀ လုံးကို တိုင်းမယ်။ သူရဲ့  (တပ်မတော်ပိုင်မြေ) ဧက ၇၂ ဒသမ ၀၇  ကို ကျွန်မတို့ ပြန်ယူရမှာ။ ဘာဖြစ်လို့လဲဆိုတော့ ကျွန်မ တပ်မတော်ပြည်ထဲရေးဌာနကို မေးကြည့်တဲ့အခါမှာ လူတွေနေတဲ့ရွာကိုတော့ စွန့်လွှတ်ပေးမယ်။ Town Plan ကျွန်မတို့ ဆွဲနေတယ်။ မြေဂရန် ကျွန်မတို့ လုပ်ပေးမယ်။ လူနေတဲ့မြေအတွက်တော့ ကျွန်မတို့ အာမခံပါတယ်။ တပ်မတော်ကို သိမ်းထားတဲ့မြေကို သူတို့ဘက်က စွန့်လွှတ်ဖို့ အနေအထား မရှိသေးတဲ့အတွက်ကြောင့် ဒီတပ်မတော်ပိုင်မြေလေးကို ကျွန်မတို့ ထိန်းသိမ်းထားမယ်။ ကျွန်မတို့အစိုးရအနေနဲ့ တရားဥပဒေဘောင်ထဲကပဲ လုပ်မှာ။ ကျွန်မတို့ လုပ်တာကိုလည်း ပြည်ထောင်စုအစိုးရဆီ တင်ပြပြီးတော့မှ လုပ်မှာ။ ကျွန်မတိုက ရော့...နင်ကတော့ ဒီမြေယူ။ နင်ကတော့ ဟိုမြေယူ။နင်ကတော့ တို့အိမ်နောက်ကမြေယူ ဆိုတဲ့ ပုံစံမျိုး ကျွန်မတို့ မလုပ်ပါဘူး။ ဘယ်သူ့ကိုမှလည်း ကျွန်မတို့ မပေးပါဘူး။ ကျွန်မတို့ပိုင်တဲ့မြေ ကျွန်မတို့ကိုယ်တိုင် ထိန်းသိမ်းရမှာပါ”ဟု တနင်္သာရီတိုင်းဒေသကြီးဝန်ကြီးချုပ် ဒေါက်တာလဲ့လဲ့မော်က ပြောကြားသည်။

မောင်းမကန်ကမ်းခြေ၌ ဟိုတယ်ဆောက်လုပ်ရန် မြေနေရယူထားသည့် DDPC ကုမ္ပဏီမှာ မြေယာလုပ်ကိုင်ခွင့်သာ ရရှိထားပြီး အဆောက်အအုံဆောက်လုပ်ခွင့် မရှိသေးသည့်အပြင် ဟိုတယ်ဆောက်လုပ်ရန် လိုင်စင်မရှိသေးကြောင်း၊ ကမ်းခြေတောင်ဘက်ခြမ်းရှိ တနင်္သာရီ အများပိုင်ကုမ္ပဏီမှာလည်း ဟိုတယ်လိုင်စင်ရှိသော်လည်း မြေယာလုပ်ကိုင်ခွင့် မရှိသေးကြောင်း၊ ယင်းကုမ္ပဏီနှစ်ခုစလုံးမှာ ကမ်းခြေရှိ သဲများကို ခွင့်ပြုချက်မရှိဘဲ တူးယူမှုကြောင့် မြစ်ချောင်းဖွံ့ဖြိုးရေးဥပဒေဖြစ်သည့် ပုဒ်မ ၂၆ ဖြင့် လောင်းလုံးမြို့နယ် တရားရုံးတွင် လာမည့် စက်တင်ဘာ ၁၅ ရက်၌ တရားရင်ဆိုင်ရန် ရှိနေကြောင်း သိရသည်။

“ DDPC က မြေတွေ ခွဲစိတ်ပြီး ရောင်းထားတာ။ ဘယ်လောက်ရှိလဲ ကျွန်မတို့ ပြန်စိစစ်မယ်။ ဒီမြေတွေကို ကျွန်မတို့ ပြန်ညှိနှိုင်းမယ်။ ပြန်ညှိနှိုင်းလို့မှ သူ့ရဲ့ချုပ်စာတမ်းမှာပါတဲ့ ခွဲစိတ်ရောင်းပိုင်ခွင့် မရှိတဲ့မြေတွေကို သူတို့က ခွဲစိတ်ရောင်းထားတဲ့အတွက်ကြောင့် ဘယ်လိုအရေးယူ အပြစ်ပေးရမလဲဆိုတာ ပြည်ထောင်စုအစိုးရနဲ့လည်း ညှိနှိုင်းရမယ်။ ညှိနှိုင်းပြီးတော့မှ ဒီမြေတွေကို ဖယ်ပြီး ကျန်တဲ့မြေတွေကတော့ သူ့ ဂရန် လက်ဝယ်ရှိထားတဲ့ မြေတွေဖြစ်တဲ့အတွက်ကြောင့် ကျွန်မတို့ ဂရန်ကို ဖျက်သိမ်းလို့မရဘူး။ ရွာမြေကသာ ဂရန်မရှိတာ။ သူတို့မှာ ဂရန်ရှိတယ်ရှင့်။ ကျွန်မတို့ အစိုးရအဖွဲ့အနေနဲ့တော့ ခွဲစိတ်ရောင်းထားတဲ့ မြေတွေကို အရင်စကိုင်ပါမယ်။ စစ်တပ်သိမ်းထားတဲ့ မြေထဲမှာပါတဲ့ ဘန်ဂလိုတွေကိုတော့ ဖျက်သိမ်းဖို့ စာထုတ်ပါမယ်” ဟု ဒေါက်တာ လဲ့လဲ့မော်က ပြောကြားသည်။

မောင်းမကန်ကမ်းခြေ မြောက်ဘက်ခြမ်းရှိ မြေဧက ၄၀၀ ကျော်တွင် DDPC ကုမ္ပဏီ က၂၀၁၃ ခုနှစ်မှစ၍ ဟိုတယ်ဇုန် ဆောက်လုပ်ရန် အကောင်အထည်ဖော်ခဲ့ကြောင်း၊ ၎င်းဟိုတယ်ဇုန်အတွက် ကမ်းခြေရှိမြေ ၁၄၈ ဒသမ ၄၀ ဧကကို ယခင် တိုင်းဒေသကြီးအစိုးရထံ ပထမအကြိမ် လျှောက်ထားခဲ့ပြီး ဒေသခံများက ကန့်ကွက်စာ တင်ခဲ့သော်လည်း စာတင်ပြီး သုံးလခန့်အကြာ ၂၀၁၅ ခုနှစ် နိုဝင်ဘာ ၁၆ ရက်တွင် မြေ ၁၄၈ ဒသမ ၄၀ ကို တိုင်းဒေသကြီးအစိုးရက ကုမ္ပဏီထံသို့ ဟိုတယ်ဇုန်စီမံကိန်းဆောင်ရွက်ရန် နှစ် ၃၀ လုပ်ကိုင်ခွင့် ချထားပေးခဲ့ကြောင်း သိရသည်။

၎င်းမြေအား ရရှိပြီးနောက် အနီးရှိ (ယခု ဘန်ဂလို ဆောက်လုပ်ထားသော) တပ်သိမ်းမြေဧက ၇၂ ဒသမ ၀၇ အပြင် နောက်ထပ် ကမ်းခြေရှိ မြေ ၂၅၄ ဒသမ ၈၀ အား ထပ်မံ လျှောက်ထားခဲ့ပြီး လက်ရှိ အစိုးရသစ်မတက်ခင် ၂၀၁၆ ခုနှစ် မတ် ၂၈ ရက်၌ ယခင် တိုင်းဒေသကြီးအစိုးရက မြေဧက ၂၅၄ ဒသမ ၈၀ ကို နှစ် ၃၀ လုပ်ကိုင်ခွင့် ထပ်မံချထားပေးခဲ့ကြောင်း၊ ထို့နောက် ကုမ္ပဏီက လုပ်ကိုင်ခွင့်ရရှိသည့်မြေပေါ်တွင် ပေ ၈၀ ပတ်လည် မြေကွက်များရိုက်၍ အိမ်ရာမြေအဖြစ် ဖော်ထုတ် ကာ မြေတစ်ကွက်လျှင် ကျပ်သိန်း ၆၀၀ ခန့် ဖြင့် ရောင်းချခဲ့သည်ဟု သိရသည်။