ဆောက်လုပ်ရေးစီမံကိန်းများ၏ တင်ဒါစည်းမျဉ်းများ ပြင်ဆင်သတ်မှတ်မည်

javascript

ယခင်အစိုးရလက်ထက်က ကျင့်သုံးခဲ့သည့် လမ်းတံတားတည်ဆောက်ရေးစီမံကိန်းများအတွက် 
ပုဂ္ဂလိကလုပ်ငန်းများကို တင်ဒါခေါ်ယူရာတွင် အရည်အသွေးပိုင်းဆိုင်ရာအားနည်းချက်များက
များစွာတွေ့ရှိလာရသည့်အတွက် ယခုအစိုးရလက်ထက်၌ ကမ္ဘာဘဏ်၏အကြံပြုချက်အတိုင်း
တင်ဒါခေါ်ယူသည့်နည်းစနစ်များကို ပြောင်းလဲကျင့်သုံးရန် လုပ်ဆောင်လျက်ရှိကြောင်း
ဆောက်လုပ်ရေးဝန်ကြီးဌာနက သတင်းရရှိသည်။

''အရင်လုပ်ခဲ့တဲ့ အိတ်ဖွင့်တင်ဒါစနစ်ဖြစ်တဲ့ ဈေးအနည်းဆုံးလူကို ပေးတဲ့စနစ်ကို သုံးခဲ့တယ်။ 
အဲဒီအိတ်ဖွင့်တင်ဒါစနစ်နဲ့ ဆောက်တဲ့ အဆောက်အအုံတွေ၊ လမ်းတံတားတွေရဲ့အရည်အသွေးက 
အရမ်းကျသွားတယ်။ လူတွေက အလုပ်ရချင်ဇောနဲ့ မဖြစ်နိုင်တဲ့ဈေးတွေပေးပြီး အများကြီး
လျှော့ပြိုင်တယ်။ အလုပ်လည်းရရော ဖြစ်သလို အရည်အသွေးတွေလျှော့ပြီး ဆောက်ကြတယ်။ 
တကယ်တမ်းကျတော့ ပြည်သူတွေပဲ ခံစားရတယ်။ အဲဒါကြောင့် အရည်အသွေးနဲ့ ဈေးနှုန်းနှစ်ခုပါတ
ဲ့စနစ်ကို ပြောင်းဖို့ လုပ်နေတာဖြစ်ပါတယ်'' ဟုဆောက်လုပ်ရေးဝန်ကြီးဌာန အမြဲတမ်းအတွင်းဝန် 
ဦးကျော်လင်းက ပြောသည်။

ကုလသမဂ္ဂလုပ်ငန်းစီမံကိန်းများဆိုင်ရာရုံး (United Nations Office for Project Service)
၏ ၂ဝ၁၃ ခုနှစ်တွင် တည်ဆောက်ရေးလုပ်ငန်းများနှင့်ပတ်သက်ပြီး အကြံပြုထားသည့် 
ကန်ထရိုက်စည်းမျဉ်းစည်းကမ်းများအထဲမှ ကမ္ဘာဘဏ်က အချက်သုံးချက်ပြန်လည်ပြင်ဆင်၍
ဆောက်လုပ်ရေးဝန်ကြီးဌာနကို အကြံပြုခဲ့သည်။

ကမ္ဘာဘဏ်က ပြန်လည်ပြင်ဆင်လိုက်သည့် အဆိုပါစည်းမျဉ်းစည်းကမ်း သုံးချက်သည်
Two Envelop System (အဆင့်နှစ်ဆင့်ဖြင့် တင်ဒါစစ်ဆေးသည့်စနစ်) ဖြင့် လုပ်ငန်းများကို 
အပ်နှံစေခြင်း၊ သတ်မှတ်ချိန်ထက်အလုပ်အပ်နှံခြင်းမရှိသည့် ကုမ္ပဏီများကို နေ့စဉ် ဒဏ်ကြေးများ
ပေးဆောင်စေခြင်းနှင့်ဝန်ကြီးဌာနမှ ယုံကြည်စိတ်ချရသည့် ကုမ္ပဏီများကို လုပ်ငန်းများအပ်နှံရာတွင် 
အဆောက်အအုံဆောက်လုပ်ခြင်းမရှိသေးချိန်တွင် လုပ်ငန်း၏ ၂ဝ ရာခိုင်နှုန်းကို ကြိုတင်ငွေအဖြစ် 
ထုတ်ယူစေခြင်း စသည့် အချက်သုံးချက်ကို အကြံပြုခဲ့ခြင်းဖြစ်သည်။

''သူတို့အကြံပြုချက်အတိုင်း ပြန်လည်ပြင်ဆင်သတ်မှတ်မယ့် စည်းမျဉ်းစည်းကမ်းကို 
ရှေ့နေချုပ်ရုံးကိုပို့မယ်။ ရှေ့နေချုပ်ရုံးကအတည်ပြုတာနဲ့ အစိုးရအဖွဲ့အစည်းအဝေးကိုတင်ပြပြီး 
တစ်နိုင်ငံလုံးကို အဲဒီစည်းမျဉ်းစည်းကမ်းတွေကို ထုတ်ပြန်သွားမယ်''ဟု ၄င်းက ပြောသည်။

တင်ဒါဝင်ရောက်ယှဉ်ပြိုင် တင်သွင်းမည့်ကုမ္ပဏီများ၏ စက်ယန္တရားအင်အား၊ ငွေကြေးခိုင်မာမှု၊ 
ကျွမ်းကျင်အင်ဂျင်နီယာများနှင့် အလုပ်သမားများ အသုံးပြုနိုင်သည့်အခြေအနေများအပြင် 
တင်ဒါဝင်ရောက်ယှဉ်ပြိုင်မည့် ကုမ္ပဏီများ၏ လုပ်ငန်းခွင်အတွေ့အကြုံများကိုပါ ပထမအဆင့် 
အမှတ်ပေး အကဲဖြတ်သွားမည်ဖြစ်ပြီး ပထမအဆင့်အောင်မြင်သွားသည့် ကုမ္ပဏီများကို 
ဒုတိယအဆင့်အဖြစ် ငွေကြေး အနည်းဆုံးပေးနိုင်မည့် ကုမ္ပဏီတစ်ခုကို ရွေးချယ်ကာ လုပ်ငန်း
လုပ်ကိုင်စေမည်ဖြစ်သည်။

ဆောက်လုပ်ရေးဝန်ကြီးဌာနက တင်ဒါခေါ်ယူလုပ်ကိုင်မည့် စီမံကိန်းလုပ်ငန်းများကို 
ဝင်ရောက်ယှဉ်ပြိုင်လိုသည့် ကုမ္ပဏီများသည် ပထမအဆင့်အနေဖြင့် ဆောက်လုပ်ရေးဝန်ကြီးဌာနတွင် 
လာရောက် မှတ်ပုံတင်ရမည်ဖြစ်သည်။

''အခုသူတို့လုပ်မယ့်စနစ်က နိုင်ငံတကာသုံးစနစ်ဖြစ်တော့ အရည်အချင်းရှိတဲ့ကုမ္ပဏီတွေ 
အလုပ်ရသွားနိုင်ပေမဲ့ ကုမ္ပဏီငယ်တွေ ဝင်တိုးဖို့ အရင်လိုလွယ်တော့မှာမဟုတ်ဘူး။ 
ပထမအဆင့်မှာကတည်းက ကုမ္ပဏီရဲ့ ငွေကြေးခိုင်မာမှု၊ လုပ်ငန်းခွင် အတွေ့အကြုံ၊ အလုပ်လုပ်ရမယ့် 
အချိန်ဇယားတွေပါတောင်းတာဆိုတော့ ဒီအဆင့်မအောင်ရင်နောက်တစ်ဆင့်ကို တက်လို့မရအောင် 
လုပ်ထားတဲ့သဘောပါ။ တင်ဒါလောကမှာတော့ Envelop A နဲ့ နEnvelop B ဆိုပြီး ပြောကြတယ်''ဟု
မြန်မာနိုင်ငံ ဆောက်လုပ်ရေးဆိုင်ရာလုပ်ငန်းရှင်များအသင်းမှ တွဲဖက်အတွင်းရေးမှူး ဦးကျော်ကျော်စိုးက
ပြောသည်။ 

Source: Myanmar Times

Facebook comments