ကုန်အမှတ်တံဆိပ်မြွက်ဟကြေငြာစာချုပ် မှတ်ပုံတင်အသိပေးကြေငြာချက်

javascript

၁။ ကုန်အမှတ်တံဆိပ်ကို မြွက်ဟကြေငြာသူအနေဖြင့် အောက်ဖော်ပြပါဝန်ခံချက်များကို စာချုပ်စာတန်းများတွင် ပြည့်စုံအောင် ဖော်ပြပါရှိသည့် မြွက်ဟချက်များကိုသာ လက်ခံမှတ်ပုံတင်ပေးမည်ဖြစ်ပါကြောင်း အသိပေးအပ်ပါသည်။
(က) မှတ်ပုံတင်သွင်းရန် လျှောက်ထားလာသော ကုန်အမှတ်တံဆိပ်သည် မိမိထုတ်လုပ်ဖြန့်ဖြူးရောင်းချလျှက်ရှိသော ကုန်ပစ္စည်းများပေါ်တွင် ကပ်နှိပ်အသုံးပြုလျှက်ရှိသည့် ကုန်အမှတ်တံဆိပ်ဖြစ်ကြောင်း၊
(ခ) အဆိုပါကုန်အမှတ်တံဆိပ်အမည်နှင့် အမှတ်အသားကို မိမိကိုယ်ပိုင်ဥာဏ်ဖြင့် တီထွင်ပြုလုပ်ထားခြင်းဖြစ်ကြောင်း၊
(ဂ) အဆိုပါကုန်အမှတ်တံဆိပ်ကို အခြားသူတစ်ဦးတစ်ယောက်၏ ကုန်အမှတ်တံဆိပ်အားလုံးကိုဖြစ်စေ၊ တစ်စိတ်တစ်ဒေသကိုဖြစ်စေ၊ တိုက်ရိုက်သော်လည်းကောင်း၊ သွယ်ဝိုက်၍သော်လည်းကောင်း၊ တုပကူးယူထားခြင်းမရှိကြောင်း၊
(ဃ) အဆိုပါကုန်အမှတ်တံဆိပ်အမည်အမှတ်အသားကို သုံးစွဲ၍ မည်သူတစ်ဦးတစ်ယောက်ကမျှ မည်သည့်ကုန်ပစ္စည်းကိုမျှ ထုတ်လုပ်ရောင်းချသည်ဟု မတွေ့မြင်မကြားသိရကြောင်း၊
၂။ ကုန်အမှတ်တံဆိပ်ကို မြွက်ဟကြေငြာရာတွင် အောက်ပါအကြောင်းအချက်များ ပါဝင်လာကပါကလည်း မှတ်ပုံတင်ပေးခြင်းပြုလုပ်မည်မဟုတ်ပါကြောင်း အသိပေးအပ်ပါသည်။
(က) ကျင့်ဝတ်သိက္ခာကြောင့်(သို့မဟုတ်) ဥပဒေကြောင်းအရ မသင့်လျော်ဟု ယူဆရသော ကုန်အမှတ်တံဆိပ်များကို မြွက်ဟကြေငြာ၍ မှတ်ပုံတင်သွင်းလာခြင်း၊
(ခ) ကိုးကွယ်မှုဆိုင်ရာ(သို့မဟုတ်)ဘာသာရေးအမျိုးအစားတစ်ရပ်၏ ယုံကြည်မှုကို ထိခိုက်ဖွယ်ရှိသည်ဟု ယူဆရသော ကုန်အမှတ်တံဆိပ်များကို မြွက်ဟကြေငြာ၍ မှတ်ပုံတင်သွင်းလာခြင်း၊
(ဂ) လိမ်လည်လှည့်ဖြားပြုလုပ်သော စာရွက်စာတမ်းဖြင့် လျှောက်ထားလာသော ကုန်အမှတ်တံဆိပ်မြွက်ဟ ကြေငြာချက်များ
(ဃ) မြန်မာနိုင်ငံသုံးငွေစက္ကူတစ်မျိုး၏ အရောင်အသွေးကို တုပသော ကုန်အမှတ်တံဆိပ်မြွက်ဟကြေငြာချက်များ၊
(င) နိုင်ငံတော်အကြီးအကဲများ၏ ရုပ်ပုံပါဝင်သော ကုန်အမှတ်တံဆိပ်မြွက်ဟကြေငြာချက်များ၊
(စ) နိုင်ငံတော်အလံနှင့်နိုင်ငံတော်တံဆိပ်များပါဝင်သော ကုန်အမှတ်တံဆိပ်မြွက်ဟကြေငြာချက်များ၊
(ဆ) တည်ဆဲဥပဒေတစ်ရပ်ရပ်အရ တားမြစ်ထားသော စကားရပ်၊ အမှတ်အသား၊ သင်္ကေတ၊ ပုံသဏ္ဍန်တစ်ခုခုပါဝင်သည့် ကုန်အမှတ်တံဆိပ်ကြေငြာချက်များ၊

Source - Dica office


Facebook comments