ရန်ကုန်မြို့တွင် အဆင့်မြင့်ဝန်ဆောင်မှုတိုက်ခန်း ၂၃၀၀ ဝန်းကျင်ရှိပြီး အခန်းသစ်မထွက်ရှိသော်လည်း အခန်းငှားရမ်းခများ ကျဆင်း

javascript

ရန်ကုန်မြို့တွင် အဆင့်မြင့်ဝန်ဆောင်မှုတိုက်ခန်း ၂၀၀၀ ဝန်းကျင်ရှိလာပြီး ၂၀၁၈ ခုနှစ်တစ်နှစ်လုံး အခန်းသစ်ထွက်ရှိမှုမရှိခြင်းကြောင့် အခန်းငှားရမ်းမှုနှုန်း တည်ငြိမ်သော်လည်း အခန်းအများစု ငှားရမ်းခများ ကျဆင်းနေကြောင်း ကနေဒါအခြေစိုက် အိမ်ခြံမြေဈေးကွက်ဝန်ဆောင်မှု လုပ်ငန်းတစ်ခုဖြစ်သော Collier International (Myanmar) မှထုတ်ပြန်သည့် ၂၀၁၈ ခုနှစ် တတိယသုံးလပတ် ဈေးကွက်အစီရင်ခံစာအရ သိရသည်။

၂၀၁၇ ခုနှစ် တတိယလေးလပတ်နောက်ပိုင်း အခန်းသစ်ထွက်ရှိမှုမရှိခြင်းကြောင့် အဆင့်မြင့်ဝန်ဆောင်မှုတိုက်ခန်းဈေးကွက်တွင် ယှဉ်ပြိုင်ရမှုလျော့နည်းကာ ငှားရမ်းမှုနှုန်း နှင့် ငှားရမ်းခမြင့်တက်စေရန် အလားအလာ ကောင်းနေသည်။ တည်ဆောက်ဆဲစီမံကိန်းများကြောင့် လာမည့်သုံးနှစ်အတွင်း အခန်းအရေအတွက် ၂၃၀၀ ခန့်အထိ ထပ်မံထွက်ရှိလာမည်ဖြစ်ပြီး အခန်း ၇၅ ရာခိုင်နှုန်းမှာ မြို့အတွင်းပိုင်းနှင့် ၂၅ ရာခိုင်နှုန်းမှာ မြို့အပြင်ပိုင်းတွင် တည်ရှိသည်။ ငှားရမ်းခအနေဖြင့်လည်း ရန်ကုန်မြို့၏ အဆင့်မြင့်ဝန်ဆောင်မှု တိုက်ခန်းဈေးသည် အရှေ့တောင်အာရှဈေးကွက်တွင် အမြင့်ဆုံးနှုန်းများ၌ပါဝင်ပြီး အနာဂတ်ကာလတွင် အလယ်အလတ်အခန်းများက အလားအလာကောင်းနေသည်။

ဝန်ဆောင်မှုတိုက်ခန်းငှားရမ်းမှုနှုန်းထားသည် လက်ရှိအတိုင်း ဆက်သွားမည် မျှော်မှန်းထားသော်လည်း အရည်အသွေးမြင့်ပြီး ဈေးနှုန်းသက်သာသည့်အခန်းများ ပိုမိုအလားအလာကောင်းနေသည်။ အခန်းအရေအတွက်လည်း ဆက်လက်တိုးတက်နေမည်ဟု ခန့်မှန်းထားပြီး လာမည့် ၂၀၂၀ ခုနှစ်တွင် အခန်းပေါင်း ၃၀၀၀ ဝန်းကျင်၊ ၂၀၂၂ ခုနှစ်တွင် အခန်းပေါင်း ၄၈၀၀ ဝန်းကျင်အထိ ရှိလာမည်ဟု မျှော်မှန်းထားသည်။

ရန်ကုန်မြို့၏ လက်ရှိအဆင့်မြင့် ဝန်ဆောင်မှုတိုက်ခန်းများ၏ ၃၆ ရာခိုင်နှုန်းသည် အိပ်ခန်းတစ်ခန်းပါအခန်းများဖြစ်ပြီး အိပ်ခန်းသုံးခန်းပါအခန်းမှာ ၂၉ ရာခိုင်နှုန်း၊ အိပ်ခန်းနှစ်ခန်းပါအခန်းမှာ ၂၈ ရာခိုင်နှုန်း၊ အိပ်ခန်းလေးခန်းပါအခန်းမှာ လေးရာခိုင်နှုန်းနှင့် Studio အခန်းမှာ သုံးရာခိုင်နှုန်းရှိကြောင်း သိရသည်။

ငှားရမ်းမှုနှုန်းထားအနေဖြင့် ၂၀၁၇ ခုနှစ် ဒုတိယသုံးလပတ်တွင် ၈၇ ဒသမ ၂ ရာခိုင်နှုန်း၊ တတိယသုံးလပတ်တွင် ၇၇ ဒသမ ၉ ရာခိုင်နှုန်း၊ စတုတ္ထသုံးလပတ်တွင် ၈၁ ရာခိုင်နှုန်း၊ ၂၀၁၈ ခုနှစ် ပထမသုံးလပတ်တွင် ၈၂ ရာခိုင်နှုန်း၊ ၂၀၁၈ ခုနှစ် ဒုတိယသုံးလပတ်တွင် ၈၃ ဒသမ ၇ ရာခိုင်နှုန်း၊ ၂၀၁၈ ခုနှစ် တတိယသုံးလပတ်တွင် ၈၄ ရာခိုင်နှုန်း အထိရှိခဲ့သည်။

ငှားရမ်းခအနေဖြင့် ၂၀၁၈ ခုနှစ် တတိယ သုံးလပတ်တွင် အိပ်ခန်းတစ်ခန်းပါအခန်း၊ အိပ်ခန်းနှစ်ခန်းပါအခန်း၊ အိပ်ခန်းလေးခန်းပါအခန်းများ ယခင်သုံးလပတ်နှင့်ယှဉ်ပါက ဈေးနှုန်းများကျဆင်းခဲ့သည်။ လက်ရှိ ပျမ်းမျှတစ်လငှားရမ်းခနှုန်းများမှာ Studio ခန်းမှာ ဒေါ်လာ ၁၉၂၀၊ အိပ်ခန်းတစ်ခန်းပါအခန်းမှာ ဒေါ်လာ ၃၈၄၅၊ အိပ်ခန်းနှစ်ခန်းပါ အခန်းမှာ ၄၈၄၃ ဒေါ်လာ၊ အိပ်ခန်းသုံးခန်းပါအခန်းမှာ ၅၃၄၈ ဒေါ်လာ၊ အိပ်ခန်းလေးခန်းပါ အခန်းမှာ ၇၅၂၆ ဒေါ်လာဖြစ်ကြောင်း သိရသည်။

Source : Eleven Media Group
Property.com.mm သည် မြန်မာနိုင်ငံ၏ အကောင်းဆုံးသော အိမ်ခြံမြေ ဝဘ်ဆိုက်တစ်ခုဖြစ်၍ နေ့စဉ် update ဖြစ်သော သတင်းများကို ဖော်ပြပေးလျှက်ရှိပါသည်။လူကြီးမင်းတို့အနေဖြင့် နေ့စဉ်သတင်းများကို Mobile Phone လွယ်ကူစွာ ဖတ်ရှုနိုင်ရန် Play Store မှ www.property.com.mm application အား Download ရယူနိုင်ပါသည်

Facebook comments